長沙灣港鐵站的溫馨提示

那麼中環廣場 太古廣場怎麼辦？

原帖由 lpc 於 2013/6/12 12:35 發表

咪玩啦
「長沙灣東」同「長沙灣西」又幾時有存在過呀
邊面係東、邊面係西都已經R爆頭啦
假如對長沙灣唔熟悉的話
我係咪要用指南針去計下去「長沙灣東站」定係去「長沙灣西站」坐車方便d? ...

同意, 我對使用東南西北的命名非常有保留, 如非得已, 就最好唔好用, 實在太冇創意。如果我們的前人改親地名都搵附近地名加東南西北就算, 我們今天可會有那麼多地名出現。

當然, 上面所講唔等如我認同荔枝角站命名。

原帖由 paul2357paul 於 2013-6-12 12:05 發表
出現建築物的名稱所聲稱的地方名稱與鐵路車站的名稱所聲稱的地方名稱不配合的情況事實上是有分開「屬於建築物擁有人的責任」和「屬於鐵路公司的責任」兩批。

而「長沙灣政府合署」這個case就真係「屬於鐵路公司的責任」這批。誰叫地鐵公司唔肯接受「地方名稱+方向」形式的站名。因為只要地鐵公司當時肯將「長沙灣站」改番正做「長沙灣東站」，「荔枝角站」改番正做「長沙灣西站」，「美孚站」改番正做「荔枝角站」，又會少一個建築物的名稱所聲稱的地方名稱與鐵路車站的名稱所聲稱的地方名稱不配合的case，亦不會出現一些例如「美孚」的實際不存在的地方名稱。

另外「大埔墟站」似乎都是屬於不太恰當的站名，因為與真正的大埔墟是有一段距離。改名做例如「大埔南站」似乎更恰當。 ...

更恰當會否是將十八區的所有車站, 全部用數字(好似內地/台灣某些設施)代表, 例如深水埗站.長沙灣站.荔枝角站.美孚站.南昌站,
分別將之改為深水埗一站.深水埗二站.深水埗三站.深水埗四站.深水埗五站是否更恰當? 好過你呢頭改完荔枝角站做長沙灣西站,
轉頭美孚站又叫番做荔枝角站, 仲容易混亂. (美孚站前身叫荔灣站, 叫荔枝角站都係錯)

查實會混亂o既只會係少去呢d地方, 去之前懶叻唔做功課o既人, 港鐵加溫馨提示牌亦只係提到班人長沙灣廣場係下一個站.
重鐵站改名影響太大, 唔改好過改.

如果讓我當年命名, 荔枝角站我會叫返佢做長沙灣站, 長沙灣站我會叫東京街站, 或者麗閣站。但既然站命已用幾十年, 今時今日就無謂改喇。

原帖由 LF5502 於 2013-6-12 11:21 發表
巴士先至係正確

雖然係正確, 但係就冇左個種人性化,
如果可以的話, 其實長沙灣總站改名做荔枝角鐵路站總站應該會好好多,
不過就算唔改都冇咩問題, 因為其實以長沙灣做總站 o既路線, 只得一條 30 號唔經大家已經比港鐵誤導左 o既長沙灣 ~

當然你可以話巴士公司冇錯點解要改,
但係如果講港鐵或巴士, 相對之下巴士站改名應該會比港鐵改來得易,
加上約定俗成 o既關係, 我諗巴士總站改名會比人來得易接受 ~

其實長沙灣站都算係長沙灣
(西面兩個出口附近都曾經係巴士總站，站名都係長沙灣)，
只不過長沙灣地如其名，真係好長咁解。
換句話說，三個站 (長沙灣、荔枝角、美孚) 之間，
只有荔枝角站真係誤導。長沙灣未去到要改。

.
.
.

［GAG］睇完幅街道圖，荔枝角站不如叫「長荔」算數。［/GAG］

「荔枝角站」改為「蝴蝶谷站」是否比較皆呢?

原帖由 AD15113 於 2013-6-13 10:25 發表
「荔枝角站」改為「蝴蝶谷站」是否比較皆呢?

蝴蝶谷實情都唔係起而家荔枝角站個位丫,
蝴蝶谷應該係指呈翔道個頭 ~

重鐵改名其實個影響都幾大下，所以我覺得改名既時候唔應該用返已經存在既站名，例如將美孚改荔枝角
其實三個站之中只有荔枝角站係錯地方，美孚雖然唔係地名但佢本身冇錯地方，長沙灣站都仲係長沙灣內(東京街以西北)
如果真係要改，我建議只係需要放棄荔枝角呢個站名，美孚同長沙灣不變，以減低影響
至於原荔枝角站，我覺得可以改做蝴蝶谷站

大家好似係就住paul2357paul師兄而討論, 而非為主題而討論

咁其實係咪長沙灣廣場改名先解決到問題?!