長沙灣港鐵站的溫馨提示

原帖由 syp 於 2013-6-15 16:43 發表


第一, 任何地名都是「無中生有」的。

第二, 如果「欣澳」你接受唔到, 相信樂富、秀茂坪、調景嶺 ... 好多地名你都接受唔到。

可能你誤會咗我嘅意思

第一，我講緊嘅係「站名」唔係「地名」

第二，你睇真啲，我講嘅係「欣澳我都接受到」
只不過的確有人認為「欣澳」係有問題。

原帖由 devilreborn 於 2013/6/15 19:11 發表

可能你誤會咗我嘅意思

第一，我講緊嘅係「站名」唔係「地名」

第二，你睇真啲，我講嘅係「欣澳我都接受到」
只不過的確有人認為「欣澳」係有問題。 ...

對不起, 「欣澳」是我看錯。至於「站名」和「地名」, 我個人認為都係同一道理, 至少站名久而久次, 有可能變成地名, 而既然地名係無中生有, 站名在有需要時, 無中生有也未嘗不可, 尤其在無中生有的土地上的站名和地名。

[ 本帖最後由 syp 於 2013-6-15 19:35 編輯 ]

原帖由 syp 於 2013-6-15 19:23 發表


對不起, 「欣澳」是我看錯。至於「站名」和「地名」, 我個人認為都係同一道理, 至少站名久而久次, 有可能變成地名, 而既然地名係無中生有, 站名在有需要時, 無中生有也未嘗不可, 尤其在無中生有的土地上的站名和地 ...

題外話：
唔少地名都係有意義嘅，同當地地形、歷史等有關，並非無中生有。
其實你係咪想指啲地名都係人作出嚟？

回返正題
車站名稱之所以以地名/建築物命名，都係為咗方便乘客，令佢哋知道車站大概嘅位置
「荔枝角」呢個站名之所以被人批評，正正就係站名同實際位置不符
但係地鐵無端端整個「奧運」出嚟，有個好好地嘅地名「大角咀」又唔用
表揚李慧珊攞金牌有好多方法，點解偏偏要整埋晒啲咁嘅站名

[ 本帖最後由 devilreborn 於 2013-6-15 21:00 編輯 ]

原帖由 devilreborn 於 2013/6/15 20:49 發表

題外話：
唔少地名都係有意義嘅，同當地地形、歷史等有關，並非無中生有。
其實你係咪想指啲地名都係人作出嚟？

無錯, 就係人作出來的意思。地名既然不是天然的, 是人作的, 即係由無到有, 所以都係無中生有。

原帖由 syp 於 2013-6-15 20:58 發表


無錯, 就係人作出來的意思。地名既然不是天然的, 是人作的, 即係由無到有, 所以都係無中生有。

我原本指「無中生有」，係想表示地鐵唔按地面作個站名出嚟。
如果用詞有誤，我謹此致歉。

原帖由 devilreborn 於 2013/6/15 21:04 發表

我原本指「無中生有」，係想表示地鐵唔按地面作個站名出嚟。
如果用詞有誤，我謹此致歉。

那裡是新填海地, 是新區, 新區用新名, 未嘗不可。

回返正題
車站名稱之所以以地名/建築物命名，都係為咗方便乘客，令佢哋知道車站大概嘅位置
「荔枝角」呢個站名之所以被人批評，正正就係站名同實際位置不符
但係地鐵無端端整個「奧運」出嚟，有個好好地嘅地名「大角咀」又唔用
表揚李慧珊攞金牌有好多方法，點解偏偏要整埋晒啲咁嘅站名

奧運站和荔枝角站情況係完全唔同, 荔枝角站不在荔枝角而是在長沙灣所以引起混亂, 但該處附近 (甚至全港) 並沒有另一個地方叫奧運令人以為奧運站是另一個地方。

因此, 荔枝角站問題三十幾年來都仍然有人混淆, 但我想沒有太多人會搞錯奧運站是在大角咀的旁邊的位置。

[ 本帖最後由 syp 於 2013-6-15 21:36 編輯 ]

順便鬧埋馬鐵個邊

車公廟在大圍站 不在車公廟站
沙田圍站跟沙田圍巴士總站又是天各一方
第一城一D都唔近第一城站

原帖由 syp 於 2013-6-15 21:07 發表


那裡是新填海地, 是新區, 新區用新名, 未嘗不可。



奧運站和荔枝角站情況係完全唔同, 荔枝角站不在荔枝角而是在長沙灣所以引起混亂, 但該處附近 (甚至全港) 並沒有另一個地方叫奧運令人以為奧運站是另一個地方。 ...

新區還新區，果度附近仍然有為人熟悉嘅地名，個人認為應該考慮用返「大角咀」先。
想像一下奧運站啱啱通車嘅時候，我話比人知「我琴日去過奧運站」，人哋都未必第一時間知我講緊邊度。
點都好，仲有一個禮拜，東涌線就通車15週年，喺約定俗成之下，相信全香港都知道邊度叫「奧運」...

至於欣澳，附近人口稀少，本身「陰澳」呢個名都唔見得有幾多人聽過
喺呢個情況之下，個車站叫「陰澳」或者「欣澳」其實分別唔大。

最後講返長沙灣/荔枝角問題，其實某程度上問題仲大過奧運站
因為奧運係人哋唔知個站係邊，但係荔枝角就直情係指錯地方，誤導乘客。
只不過我自己覺得「奧運」同車站附近地方完全無關係，有種「咁都攞得嚟做站名」嘅感覺
而自細慣咗稱呼長沙灣廣場果頭做「荔枝角」，甚至曾經以為「荔枝角」真係指果度（地鐵我真係多得你唔少 ）
但係改站名都可以話幾大工程，所以而家只可以用指示牌補救

[ 本帖最後由 devilreborn 於 2013-6-15 22:14 編輯 ]

奧運站唔好? 彌敦道都唔好得幾多!
前者點解唔叫大角咀站, 後者都可以問點解唔叫尖沙咀道.

所以呢, 最好全港所有街道名.車站名.屋邨名全部用十八區名開頭, 之後由一數起, 包冇人唔知咩地方,
最重要係包冇撞名, 當然咁樣係咪真正好方法呢, 諗一諗啦!

原帖由 Gary_B 於 2013-6-15 21:54 發表
順便鬧埋馬鐵個邊

車公廟在大圍站 不在車公廟站
沙田圍站跟沙田圍巴士總站又是天各一方
第一城一D都唔近第一城站

其實車公廟係位於兩個站中間
只不過大部份坐港鐵去車公廟嘅乘客要去車公廟站嘅話，就要喺大圍轉車
既然兩站同車公廟距離一樣，就無謂轉車坐多一個站再行返轉頭
所以造成「車公廟近大圍多啲」嘅感覺

（點解唔順便鬧埋烏溪沙青年新村近馬鞍山站多啲？ ）