(6月14日)觀塘道東行嚴重擠塞

原帖由 straysheep123 於 2013-6-16 02:36 發表
其實啟業個問題唔難搞
起東西行各一條天橋代替依家果兩個位都要同時CUT出同CUT入就已經冇問題

係你肯唔肯做

施工期間影嚮甚廣

原帖由 straysheep123 於 2013-6-16 02:36 發表
其實啟業個問題唔難搞
起東西行各一條天橋代替依家果兩個位都要同時CUT出同CUT入就已經冇問題

係你肯唔肯做

要拆左上面行人天橋先成事, 加上果度由龍翔道落橋後冇幾耐就到偉業街天橋和彩霞道天橋, 嚴重影響景觀!

原帖由 EX-TL 於 2013-6-16 03:59 發表

要拆左上面行人天橋先成事, 加上果度由龍翔道落橋後冇幾耐就到偉業街天橋和彩霞道天橋, 嚴重影響景觀!

本身成條馬路已經冇咩景觀可言, 仲有邊個會理加條橋影響景觀?
成件事最好解決方法係龍翔道加多個落橋位出觀塘道
本身果條橋只可去偉業街, 咁就唔駛打大交, 不過要整o既話真係唔知要封幾多條線
龍翔道呢個死症想救都難, 除非開多條路直去啟德分擔車流, 引人係九龍灣上觀繞走
相反方向呢, 係九龍灣落觀繞之後入啟德直去彩虹道再入龍翔道, 可能有d幫助
如果繼續個情況, 就會好似紅隧口上加士居道天橋, 萬年塞

琴日搭606, 塞完megabox就塞apm
一個鐘都過唔到海, 望住觀塘迴旋處塞番去藍田迴旋處, 究竟有冇警察聲車走架?
真係等d私家車排番係迴旋處塞死成個觀塘先做野?

原帖由 GA6072 於 2013-6-16 02:19 發表


彩虹巴總做另一轉乘點+過山線,就係避開觀塘道既好方法

至少大老山入彩虹D車係未出彩虹巴總,跟本不受塞車影響
彩虹過山去東九,如果上斧山道迴旋處,落龍翔道慢線,就算塞車,影響都唔大 ...

避到塞車，避唔到上唔到車，避唔到冇車岩轉，避唔到疏車 / 資源浪費，此idea已完

原帖由 6516 於 2013-6-16 08:52 發表
本身成條馬路已經冇咩景觀可言, 仲有邊個會理加條橋影響景觀?
成件事最好解決方法係龍翔道加多個落橋位出觀塘道
本身果條橋只可去偉業街, 咁就唔駛打大交, 不過要整o既話真係唔知要封幾多條線
龍翔道呢個死症想救都 ...

其實想減少影響而又可以做到分流
最佳時機會唔會係啟德大廈/坪石邨重建之時呢?
到時可以將龍翔道天橋起分支,佔用部份現時坪石邨範圍
落番去觀塘道慢線

另外尋日下晝兩點左右觀塘又塞到倒灌上將軍澳隧道
話逆小弟坐A29一過收費亭就塞車,一直去到觀塘道隧道為止
足足用咗廿五分鐘去完成呢段路程

[ 本帖最後由 JX9097 於 2013-6-16 14:06 編輯 ]

原帖由 B.B.B. 於 2013-6-16 02:32 發表

偉業街去觀塘辦工時間已經好塞，解決到迴旋處問題但好有可能令啟業交匯處問題惡化

迴旋處真係好難搞，
不過開源道逆走係無太大意思，
因為入工廠區，其實由九龍中過黎，正路都會上繞道經偉業街入；
由九龍西過黎，要避開啟業搶線位，其實龍翔道落黎都係直鏟偉業街較方便；
只有由藍田o個邊過黎，先會多用開源道入，但如果迴旋處塞車，去到容鳳書都已經轉左入去，
反而開源道大部份時間都係因為偉業街好塞車先會用。

不過觀塘道西行近年係塞左好多，
其中一個原因為開源道改為單程南行後，開源道無車轉出迴旋處截住觀塘道東行既車入迴旋處，
令觀塘道東行一轉綠燈，o的車就無間斷倒入迴轉處。
睇返條路設計，上山既車通常會由康寧道上山，直行又會落隧道，即係入得迴旋處，多數都係入開源道，
結果呢條由觀塘道東行黎既車鏈就搞到觀塘道西行既車好難入到迴旋處，結果西行係比以前塞左。

另外就係西行有燈位轉入翠屏道開始，就越來越多車咁轉，
但橋底等燈條線好短，o的車個 pat pat 成日頂住出面條線，結果頂實將軍澳道落黎由茶果嶺道快線轉入觀塘道既車，
一頂就 block 埋鯉魚門道西行，其實咁亦解釋左點解呢個路口開左之後，點解茶果嶺道轉出鯉魚門道撞車次數多左咁多，
就係因為鯉魚門道西行俾等轉入翠屏道既車收窄左。

原帖由 JX9097 於 2013-6-16 14:03 發表


其實想減少影響而又可以做到分流
最佳時機會唔會係啟德大廈/坪石邨重建之時呢?
到時可以將龍翔道天橋起分支,佔用部份現時坪石邨範圍
落番去觀塘道慢線

另外尋日下晝兩點左右觀塘又塞到倒灌上將軍澳隧道
話逆小弟 ...

應該係您唔好彩, 過左兩點半之後車龍慢慢消散, 三點左右已回復正常.

原帖由 ~誰@359~ 於 2013-6-16 12:53 發表
避到塞車，避唔到上唔到車，避唔到冇車岩轉，避唔到疏車 / 資源浪費，此idea已完

集中你呢句講
避到塞車，避唔到上唔到車使用率過100%既線,可來資源浪費?
避到塞車,係遠遠好過同全東九近200~300巴士頂住閘泊實係某一處地方

彩虹巴總做轉乘點,坐的士/過山線可以去到彩虹,彩雲,四順,秀茂平,藍田,油塘,將軍澳
重點係,唔係全將軍澳同東九人出觀塘係為左去觀塘,係可以去大埔屯門天水圍
觀塘一塞死,藍田油塘就有地鐵SKIP觀塘,秀茂平有95,98C,四順有26,27,29M,26M

另外,我只係敎搭車....

[ 本帖最後由 GA6072 於 2013-6-16 15:32 編輯 ]

我20年來都有一個疑惑，點解龍翔道唔可以直駁觀塘繞道？

只須於現有大磡道上大老山橋位右邊加建分岔，跨過天橋匯入南行；
另一邊觀繞北行過彩虹隔音屏後加一個出口落龍翔道，搞掂。

地底沙中線起好之後應該仍然有位放橋躉，
而匯出／匯入觀繞的位置要就返往九龍灣出入口的車流，只要計劃好，工程應該相對容易。

[ 本帖最後由 DIH 於 2013-6-16 16:03 編輯 ]

原帖由 DIH 於 2013-6-16 16:02 發表
我20年來都有一個疑惑，點解龍翔道唔可以直駁觀塘繞道？

只須於現有大磡道上大老山橋位右邊加建分岔，跨過天橋匯入南行；
另一邊觀繞北行過彩虹隔音屏後加一個出口落龍翔道，搞掂。

地底沙中線起好之後應該仍然有位放橋躉，
而 ...

你俾o的車直接由龍翔道去到觀塘繞道都無乜意思，
主因係觀塘既車流絕大部份都真係要去觀塘，而不只是路經觀塘，如果要過海，睇返路程，由龍翔道落黎既車大部份都會揀由起點就直接過去紅隧過海。
觀塘繞道出工廠區既出口本身都已經長期塞車，而龍翔道直駁偉業街已經將車流分流左去兩條主幹路，
但結局係有事時兩邊都塞死，如果龍翔道直駁到繞道，即係以後有事的話，大家就爬上四順啦。