大家出外食野有乜谷氣野?

大家出外食野有乜谷氣野?, 包括食物質素差、服務差、環境差等等, 歡迎討論

以前幫襯中環電車路好X粥麵(裝修前), 早上買早餐又等得耐, 10次有5次都畀錯餐我
早一星期同女朋友去幫襯中環電車路間羅x記, 埋單找錯數不得止, 明明2個人叫左2碗麵一碗粥,
埋單走人時居然叫停我地, 老屈我地叫左2碗麵2碗粥, 嘈左5分鐘收肯畀我地走.. 差d開片咁滯

去羅X記不如去轉彎間麥X記，麵會爽口D！

谷氣野多喇：
維"園"餐廳-侍應不足，叫好耐先有人理，上菜慢

"少"巴黎越南餐廳-好有壓迫感，成日想您快D食，
快D走

一邊食一邊打

啱啱晌上環大家x樂買左盒鮮三文魚海鮮焗飯，
裡面竟然完全無三文魚！

谷氣野？
多囉：

1. 以前讀中學去某間酒家食飯
兩個人叫同一樣野
但屢次只係一份
另一份就等半個鐘頭後之話冇落單
仲要隔左成年
我連學校都轉埋
同另一班唔同既人同一間酒家
竟然受到同樣遭遇
(我懷疑我俾人點左相)

2. 早一兩年去另一間酒家
我明明係叫下午特價餐
但埋單果陣間野竟然收我正價
佢話我叫果樣野份量係正價
仲要連野飲都收錢
結果我無啦啦要俾多十蚊
仲要俾人寸
(但之前我係指住個餐牌話要特價餐)

3. (呢單之前我提過)
去維園對面某間集團式扒房
叫個餐飲白湯飲出半隻萎縮左既「小強」
根住果度話送番兩個特飲補數
但埋單果陣居然落左單
好在我朋友拍哂
話杯特飲係佢地賠既
佢地先改單
(事後個個都話我戇居
問我做乜唔叫佢地呢餐免費)

4. 去打邊爐
劃哂單俾個waiter
但係遲遲d 野都唔黎
人地隔離遲過我地黎d 野都黎哂
叫番同一個waiter跟單
佢態度就好敷衍
後來叫個經理黎跟單
先知原來個waiter隨手左張單去第二度
根本冇同我地落單

5. (呢個我係未食既)
去另一個集團式扒房
我地拎籌等
或者我同我朋友傾緊計
而裡面又好嘈
所以過左單都唔知
之後知道過左單
於是問職員
當時我只係講左一句：「o下，過左咩？」
但個職員居然咁回我！
「你唔信就問其他人丫！
我叫左呢個把不知幾多次！」
嘩！家陣你乜野態度呀！
於是我地就未食就走人
仲要好高調咁走

6. 去一間美式快餐店
個cashier都唔知係咪撞聾
話要1號餐
佢係咁回覆我7號
話要熱奶茶
佢就俾汽水
事後改番都係俾杯朱古力我
我話響度食左幾次
但佢竟然走去拎紙袋
要我喝住佢先識得用盤載

7. 去某間賣雞既快餐店
叫桶雞返黎食
點知成筒雞都有陣味
(但外表又睇唔出)

8. 去某間自稱做蛋撻稱王既店外賣大菜糕
點知d 大菜糕係鹹既！

9. 去威靈頓街某間茶餐廳食晚飯
有個伙計落單時寫錯左價錢
我自然反應「o下」左一聲
之後問佢有冇寫錯
雖則佢有改番
但就突然好悔氣講左句：
「寫錯左o者，使唔使咁呀？」
嘩！家陣你又係乜野態度呀！
幸好果時有個唔係呢度既老闆既男人
即刻走黎鬧佢：「你出少句聲啦！」
當堂心都涼哂！

實在太多喇
不能盡錄

[ 本帖最後由 Ketsu 於 2006-3-23 23:51 編輯 ]

1. 去葵芳某集團的餐廳(同某公園簡稱同名果間, 有open area同內堂果間), 同朋友食
午餐, 我個朋友個餐全個黎晒, 飲埋野, 出去禁埋錢, 睇完我本「蛻變中的香港巴
士」, 我個主菜都未黎, 足足等左九個字, 卒之要罵才來, 隔離果個仲好笑, 兩個餐
湯一紅一白, 個紅的黎左, 個白等個客食完個主菜都未到, 我個Friend埋單果陣一個
崩貼士都冇俾, 早知去「草莓萬歲」或者該集團對面的「洶湧餐廳」好過.

2. 珀麗灣當年得一間食肆果陣, 去過果間食肆, 點知門口一個價, 入去另一個價.

3. 去廟街最多雜誌報導果間煲仔飯, 坐低果陣, 我個朋友在大埔墟, 有人招呼時, 我個
朋友坐響我隔離, 即足足等左九個字才有人招呼, 個伙計仲話唔係我負責架喎, 邊有由
大埔墟去到油麻地咁誇張呀......

4. 荃灣新之城以前有間「日日茶餐廳」, 我坐低左, 三個字都冇人招呼, 之後同鄰枱的
餐飲個杯不一, 個經理話一樣架喎, 唔信拎隻杯俾你度下, 結果係一樣的, 但個經理竟
然講左個單字粗口出來, 之後明明叫餐腸麵, 佢就黎五香肉丁腸麵, 五香肉丁時有兩條
腸, 黎錯左換番餐腸麵就變左一條, 果次食完冇耐間野執左, 開左另一間菜館, 但果個
經理仍在該店工作.

5. 銅鑼灣在十多年前在依家JP銅鑼灣戲院下面有間酒樓, 試過有次等位等左好耐, 見
到入面有張枱, 心想應該是我們的了, 點知有個女人俾左封利是個登記姐姐, 就咁坐
左響果張枱果度, 之後屋企人同經理嘈, 嘈完都有食野, 不過係去左美X快餐.

6. 在澳洲時, 去過市場城市果間酒樓, 年初一同幾個同學食飯, 有枱到我們, 點知有
個女人俾封利是個待應, 之後大模斯樣坐低, 於是一行人嘈交.

[ 本帖最後由 gordon 於 2006-3-22 03:34 編輯 ]

1. 早排同女友去上水廣場的紅x林食晚飯。
入去果陣卡位坐滿，但非卡位就幾乎無人坐。
（卡位同非卡位數目大約係4:6）
侍應竟然要求我倆同另一對男女搭檯坐！
我見仲有好多位，當然要求坐另一張檯。

坐低無耐，有兩、三批客黎到，那侍應就重施故技，
要求他們搭我坐緊，同之前果對男女果張檯！

我同女友己經有D嬲，於是向一個較高級的職員要求，
當有卡位果陣，就調到卡位坐。
點知佢竟然要求我倆出去重新輪候！（但當時係無人等緊位ge）
果下真係忍無可忍，於是即刻拎袋出去重新輪候...
不過係輪隔離果間客xx棧。

其實唔止呢間，試過去葵芳的分店，服務都係唔掂，
叫野食、加水、拎餐具，要叫好多次先有反應。
去過好多其他同級的食肆，服務都算合理，未見過有咁差ge，
包括同紅x林同一集團的椰x閣。



2. 試過一個人去[魚則]魚涌一間門面幾靚ge後巷茶餐廳食午飯。
食食下被侍應要求換去另一張檯坐。
個侍應正想幫我拎碟飯同飲品果陣，
快快手手將另一個客食剩的殘渣掃佐落我食緊果碟飯！
果陣諗住算數，於是叫佢盡快換另一碟俾我。

無幾耐，隔離檯至少有6個客坐低。
點知佢地叫佐飯，食完，埋單走人，
竟然仲未整到碟新ge俾我！ :@
中間己經唔知催 & 鬧佐幾多次。

果次仲搞到我遲到...


3. “草莓萬歲”同“星星咖啡屋”呢兩間主力做咖啡屋同西式甜品的食肆，
扒類貴過好多餐廳，最平每客要差唔多$100，
但係水準就連茶餐廳 / 快餐店的扒餐都不如。

雖然只係各去過一次（兩次都exactly係同一舖位），
但係己經試過110%熟的“脆皮牛扒”（開頭講明只要7成熟）、
好似奶溝水的忌廉湯（比罐頭湯我飲都無咁嬲）、
唔知落佐乜野汁的白汁意粉、
落佐好多鬆肉粉的牛扒等等，
全個餐只有杯餐茶似番d樣。

服務同上面間紅x林有得揮。又係叫極都無反應。
問勻去過呢兩間食肆食野的朋友，都有彈無讚。



4. 試過去某間自稱點心狀元的食肆，食物價錢唔平，
但係食物質素同一般街坊檔無乜分別。

環境就更加唔掂，嘈到落柯打都要好似哎交咁。
D位又迫得好緊要。

原帖由 s3n370 於 2006-3-21 17:15 發表
1. 早排同女友去上水廣場的紅x林食晚飯。
入去果陣卡位坐滿，但非卡位就幾乎無人坐。
（卡位同非卡位數目大約係4:6）
侍應竟然要求我倆同另一對男女搭檯坐！
我見仲有好多位，當然要求坐另一張檯。

坐低無耐，有兩、三批客黎到，那侍應就重施故技，
要求他們搭我坐緊，同之前果對男女果張檯！

我同女友己經有D嬲，於是向一個較高級的職員要求，
當有卡位果陣，就調到卡位坐。
點知佢竟然要求我倆出去重新輪候！（但當時係無人等緊位ge）
果下真係忍無可忍，於是即刻拎袋出去重新輪候...
不過係輪隔離果間客xx棧。

其實唔止呢間，試過去葵芳的分店，服務都係唔掂，
叫野食、加水、拎餐具，要叫好多次先有反應。
去過好多其他同級的食肆，服務都算合理，未見過有咁差ge，
包括同紅x林同一集團的椰x閣。

3. “草莓萬歲”同“星星咖啡屋”呢兩間主力做咖啡屋同西式甜品的食肆，
扒類貴過好多餐廳，最平每客要差唔多$100，
但係水準就連茶餐廳 / 快餐店的扒餐都不如。

雖然只係各去過一次（兩次都exactly係同一舖位），
但係己經試過110%熟的“脆皮牛扒”（開頭講明只要7成熟）、
好似奶溝水的忌廉湯（比罐頭湯我飲都無咁嬲）、
唔知落佐乜野汁的白汁意粉、
落佐好多鬆肉粉的牛扒等等，
全個餐只有杯餐茶似番d樣。

服務同上面間紅x林有得揮。又係叫極都無反應。
問勻去過呢兩間食肆食野的朋友，都有彈無讚。

椰x閣, 紅x林或者溫x餐廳三間我都去過, 如果要求不高的, 其實去得過, 小弟
愛吃果度的燒童子雞, 雖然小弟都聽過教會的教友話呢間野唔掂, 仲戲稱為
「曱甴餐廳」, 上水果間紅X林我都成日去, 雖然未試過不愉快事件.

據知話椰x閣集團在三聖間酒家(同太古城某期同名果間), 成個三聖的海鮮檔
都叫客人買海鮮後唔好拎上去.

至於草莓萬歲同埋星星咖啡屋, 小弟多去同系的「草莓加」多一點, 餐冇咩
問題, 但問題係俾椰x閣咁價錢, 份量卻是減肥餐, 至於草莓萬歲, 小弟多去
新世紀果間, 反而呢間的餐份量就正常一點, 價錢都係椰x閣咁價錢.
(其實小弟去呢兩間野係免加一的)

以下兩單 case，都係0係九龍灣啟祥道某間工廠飯堂度
發生。

1. 我係 lunch break 0個陣去0個度買洋葱牛肉飯，碗湯
　入面0既菜乾竟然有條蟲！

2. 幾日之後我又去0個度買同一款飯，今次竟然係D洋
　葱度搵到條蟲！