公司Logo都未上-8009@試車

只貼上兩邊編號









多謝一看

我無眼花掛？
第三張尾軸逆轉向？

原帖由 JC2558 於 2013-6-18 06:49 發表
我無眼花掛？
第三張尾軸逆轉向？

我開頭都以為我眼花，但最尾嗰張相(第四張)好明顯有尾軸轉向！

根據本年年鑑所述, E500MMC尾擔附尾軸轉向

但唔知城仔係批車出街做生意果陣會唔會鎖返個尾軸轉向呢?

原帖由 Hw2481 於 2013-6-18 08:44 發表
但唔知城仔係批車出街做生意果陣會唔會鎖返個尾軸轉向呢?

據上次 A 會活動城巴高級職員所述，E500 MMC 條 ZF 擔係有尾軸輔助轉向（同 Centroliner 一樣），
不過因為仲未拎到英國方面的認證，所以需要暫時鎖上有關功能，有認證後城巴會考慮適度開啟有關功能。
8009　應該就係未鎖。

而 8320 就係負責留係英國拎認證....

原帖由 da54 於 2013-6-18 10:50 發表

據上次 A 會活動城巴高級職員所述，E500 MMC 條 ZF 擔係有尾軸輔助轉向（同 Centroliner 一樣），
不過因為仲未拎到英國方面的認證，所以需要暫時鎖上有關功能，有認證後城巴會考慮適度開啟有關功能。
8009　應該就係未鎖。

而 ...

聽聞有關功能只限Cityflyer有
市區板會鎖番

唔好意思, 其實一直都有個問題...
富豪/利蘭既中軸輔助轉向 同 Centroliner/E500 MMC既尾軸輔助轉向功能上有咩分別?
前者係同前軸轉同一方向, 後者係同前軸轉相反方向...
點解前者可以唔洗LOCK, 後者就被LOCK(E500MMC未批除外)??

Thx...

我理解：

中軸輔助轉向主要係減少中軸因磨擦而造成損耗，亦因此令車輛轉向軸心稍向後移；結果對車輛實際旋轉半徑沒太大幫助，只減少中軸車胎損耗速度。站在司機角度，只需偷多少少位就可以。而以 olympian vs dragon 來說，更因為 olympian 設計上比 dragon 好軚，offset 左偷位既需要，所以對操控車輛上沒太大負面影響。

而尾軸輔助轉向係反方向轉，令旋轉軸心推前，直接減少旋轉半徑。惟因此車輛擺尾情況特別嚴重。你可以試下觀察尖碼入站既巴士，本身旋轉軸心較前既 trident 擺尾情況係較 olympian 嚴重得多，企 8A / 28 等車位會好驚佢 fing 到上等車位。如果有尾軸轉向，會更嚴重。從司機角度來看，除左要睇 inside 位，仲要顧埋 outside 擺尾 (更難睇位)，故此在狹窄街道更難操控；巴士公司為怕麻煩就索性取消有關功能。

以上只係小弟按手上所知推斷，有錯請指。

想知道琴日試車係咪只係落咗筲箕灣1次?
小弟琴日11:10係總站影完唔見佢上番柴斜...