西港島綫明年通車 區內巴士綫勢重組

不過西港島線通車可能會令到繁時東涌線更難上車
荃灣線都係
淨係905/970/x班港大同西區客都

唔解決過海樽頸問題，香港鐵路只會更日本滿員電車化
不過香港人唔鐘意人貼人, 寧願等下班
所以多人既會係月台

原帖由 tobyhokh 於 2013-6-28 21:46 發表
香港政府你唔好騙人啦!
美其名起港鐵改善西區交通,實質壓制巴士生存空間;幫助自己係大股東既港鐵賺大錢!!!雖知道巴士在時間上大部分情况下均較港鐵輸蝕.巴士既賣點係車費較低且有較多位坐.然而在現今油價高企,物價騰 ...

真係歪理滿天飛

原帖由 tobyhokh 於 2013-6-28 21:46 發表

香港政府你唔好騙人啦!
美其名起港鐵改善西區交通,實質壓制巴士生存空間;幫助自己係大股東既港鐵賺大錢!!!雖知道巴士在時間上大部分情况下均較港鐵輸蝕.巴士既賣點係車費較低且有較多位坐.然而在現今油價高企,物價騰飛的營商環境下,巴士公司根本無減價空間.另一方面,巴士公司欲取消一些無客,又蝕錢既線時又受多方制肘.如今西港島綫通車,勢必對巴士公司經營環境構成重大影響.而重組巴士路綫亦不等同改善區內交通.如將軍澳線通車後新巴生意大减,使不少路線需重組/取消.但將軍澳線卻經常故障.當將軍澳居民發現巴士重要性時,區內巴士線巳不如通車前完善,使居民兩頭不到岸,既冇可靠的鐵路,亦冇方便的巴士搭.

現時西環居民平均只需等5-10分鐘巳有舒適的巴士前往中區,灣仔,北角等地.明年西港島綫一通車,肯定大量路線會被取消/削班.到時一旦西港島綫又好似將軍澳線經常故障,市民在危急情況下想搭巴士上班時選擇將大幅减少,到時後悔/抱怨都冇用!

唔該香港政府唔好再騙人啦,藉[保護鐵路政策]間接增加自己收入,以[路線重組]為由壓制巴士生存空間,[無助市民]享受更高質交通,使區內樓價因港鐵通車而大升,[助長地產霸權]!

請大家認請香港政府的真面目!!!

呢篇0野，我係咪應該要笑？

住係西環廿六年都0黎緊，咁耐以0黎淨係 Network26 年代0既服務有
改善過。之後？唔好意思，有車你搭已經要謝主隆恩。

你話 5 - 10 分鐘就上到車嘛？咁你不如搵一個禮拜日日係中上環等 5
系 10 仔返西環囉......睇0下到時你仲會唔會講得咁口響？

原帖由 nwfb1601 於 2013-6-28 23:19 發表

呢篇0野，我係咪應該要笑？

住係西環廿六年都0黎緊，咁耐以0黎淨係 Network26 年代0既服務有
改善過。之後？唔好意思，有車你搭已經要 ...

開左5X後情況嚴重左好多
一係十幾分鐘無車一係全部黎晒(指西區開出，但由西營盤開始計起)
而上繁連東行5X都可以係游泳池就已經上唔到車個陣...

但有時都吹唔脹，5X非繁東行離開水街都可以打爆晒企到出門口
其他個d非繁疏得黎又唔係滿，當然部份原因係個個上晒5X..

之但係5X依家都無乜全程客，好多都係中途上落，勝在比其他流水貴1蚊
如果1/5/5B/5X/10要留，1/10留好正路，但10班次應該唔會再係咁密

我覺得5/5B/5X可能只會3變2
但如果佢3變1，變成1條全日3-5分1班既5X我又覺得OK喎，同地鐵電車死過

18系要視乎18X開左睇下反應係點

過海線其實應該趁呢個機會，用部份1字頭既線調資源比9頭過海線，1字頭其實都唔需要條條去晒西區
加密9頭過海線班次同鐵路死過仲好，唔得先再陰乾

不過西港島線通車後，對石塘咀影響其實有限，有幾多人會同你上HKU或行去西營盤嗰邊搭港鐵，其實我認為新城應該可以諗下石塘咀，始終與附近港鐵出口有段距離。

原帖由 Lelouch 於 2013-6-28 21:56 發表
不過西港島線通車可能會令到繁時東涌線更難上車
荃灣線都係
淨係905/970/x班港大同西區客都

唔解決過海樽頸問題，香港鐵路只會更日本滿員電車化
不過香港人唔鐘意人貼人, 寧願等下班
所以多人既會係月台 ...

巴士又唔洗逼咩？
地鐵嫌逼等下班, 繁時頂多係4分鐘。
905/970你嫌逼唔上, 分分鐘等多40分鐘都未上到車。

我唔敢話港鐵服務好好,
但起碼唔似而家既巴士服務, 要用乞人憎去形容。

原帖由 Lelouch 於 2013-6-28 21:56 發表
不過西港島線通車可能會令到繁時東涌線更難上車
荃灣線都係
淨係905/970/x班港大同西區客都

唔解決過海樽頸問題，香港鐵路只會更日本滿員電車化
不過香港人唔鐘意人貼人, 寧願等下班
所以多人既會係月台 ...

東涌線仲有加班空間喎
不過荃灣線就......

希望沙中線盡快通車！

原帖由 andeschiu 於 2013-6-28 23:57 發表
不過西港島線通車後，對石塘咀影響其實有限，有幾多人會同你上HKU或行去西營盤嗰邊搭港鐵，其實我認為新城應該可以諗下石塘咀，始終與附近港鐵出口有段距離。 ...

石塘咀入口直行就去到車站大堂, 不必 "上" HKU, 所以唯一弱點就只有遠. 有幾弱, 大家都明 .......

原帖由 FS1819 於 2013-6-28 03:49 發表

有人最近計過，減一架巴士＝加137架私家車登記

每減1架巴士,庫房多收137架私家車登記稅汽及汽油稅(汽油稅仲要不斷送上)
政府仲唔cut多d巴士?

返回正題, 其實而家西環出搭5X出中區,18P出銅記, A12出北角車程唔算耐
就算放工時間搭18P由嘉安街到銅記都只係廿分鐘.
西港島線通車短期內都只係損失本身都係要轉MTR o既人,生客或追求穩定o既人
  5X或者都會有較大影響,因為只呢條線其實只係西環<>中環特快

中環灣仔繞道通車後,中環/告士打道塞車減少, 西區特快巴士仲有機會發圍.

而過海線,我諗970/X冇大部份HKU客應該都預左.
904/905 只要西環客15分鐘內上到車應該可以捱到沙中線過海
(不過最近905服務真係呢..., 放工真係等運到)
西環搭得1字頭過o既海客通常都唔趕時間,MTR應該都吸引唔到佢地

[ 本帖最後由 ryulky 於 2013-6-29 01:37 編輯 ]

原帖由 h2o 於 2013-6-29 00:26 發表


石塘咀入口直行就去到車站大堂, 不必 "上" HKU, 所以唯一弱點就只有遠. 有幾弱, 大家都明 .......

石塘咀入口係唔係「前」屈地街公廁個度？