屯門公路市中心段在2014年3月下旬終於完工

屯門公路市中心段近屯門市廣場一段的新路面其實早在大約1月尾已經看似快將完工，當時北行方向仍未開始進行行車線調位工程：



而南行方向靠左的新路面早已完工，並早已將該兩條行車線調至最左邊：



去到大約3月尾，北行方向先至將該兩條行車線調至最左邊：



而南行方向靠右的新路面竟然足足過了兩個月其建設進度先至有少少進展：



至於中間的石壆，直至4月初仍然近乎沒有新進展：





然後去到5月中，屯門公路市中心段近杯渡路一段北行方向的快線終於調到靠右的新路面，但中間的石壆仍未完工：



而南行方向的行車線仍未有新的調位：





而屯門公路市中心段近屯門市廣場一段北行方向的快線終於調到靠右的新路面，但中間的石壆仍未完工：



而南行方向靠右的新路面先至大致上完工：:L



在5月尾，屯門公路市中心段近屯門市廣場一段的路面近乎沒有新進展：





跟著去到6月初，屯門公路市中心段無論是近杯渡路一段的路面還是近屯門市廣場一段的路面都近乎沒有新進展：













接著去到6月尾，屯門公路市中心段近杯渡路一段中間的石壆大致上完工，但南行方向的行車線仍未有新的調位：



而北行方向的中線終於調位：





而屯門公路市中心段近屯門市廣場一段北行方向的慢線終於調位：



南行方向的行車線仍未有新的調位：



根據http://www.hyd.gov.hk/tc/road_and_railway/road_projects/6819th/index.html，預計全面完工的日期被set至2014年，對於隔音屏障部分和近置樂一段南行的補償行車天橋部分來說其工程進度似乎尚算合理，但對於屯門公路市中心段近杯渡路一段的路面和近屯門市廣場一段的路面來說其工程進度就似乎太慢了:L。難度真係要等到2014年隔音屏障部分所有的蓋板裝完屯門公路市中心段先至可以通埋第三線？

[ 本帖最後由 paul2357paul 於 2014-3-26 14:21 編輯 ]

請問閣下會唔會搬入一間連屋頂都仲起緊0既屋度住？

幾時話過有3條行車線?

原帖由 CK4013 於 2013-7-15 21:27 發表
幾時話過有3條行車線?

擴闊仁愛廣場至皇珠路之間一段長約1.5公里的屯門公路市中心段，由雙程雙線分隔車道改為雙程三線分隔車道

原帖由 s3n370 於 2013-7-15 19:17 發表
請問閣下會唔會搬入一間連屋頂都仲起緊0既屋度住？

用屋頂與隔音屏障作比較並不恰當。

屋頂對於一間屋來說是必須品，但隔音屏障對於一條道路來說只是附加物，而且隔音屏障的上蓋部分通常都是等到凌晨時分才封路安裝。

更何況上述有部分的相片已經顯示了有部分與隔音屏障相鄰的路面在隔音屏障尚未完工的情況下已經通車了，這證明了隔音屏障的上蓋部分的工程並不會與鄰近路面的工程互相干涉。再者屯門公路轉車站都唔會等到整條屯門公路完全執好後才啟用。我唔明點解屯門公路市中心段穿過屯門市廣場的兩線路段卻偏偏因為上面的隔音屏障尚未完全砌好（尤其是隔音屏障的支架部分已經完全砌好而只欠蓋板部分尚未完全砌好的路段）而遲遲都唔肯盡快開通三線。

[ 本帖最後由 paul2357paul 於 2013-7-19 10:11 編輯 ]

最後一張圖，圍封嘅地方好似仲好多電線砌來砌去，
唔知係咪仲要借個場嚟擺嘢或者測試街燈之類的供電系統。

其實而家可能好多後期工作喺表面係睇唔到，
但未做完又唔可以開哂成條路。

[ 本帖最後由 238X 於 2013-7-19 16:22 編輯 ]

問題係開晒o甘多條行車線，邊有地方俾工程車出入，工程人員又點樣立足？

原帖由 238X 於 2013-7-19 16:21 發表
最後一張圖，圍封嘅地方好似仲好多電線砌來砌去，
唔知係咪仲要借個場嚟擺嘢或者測試街燈之類的供電系統。

其實而家可能好多後期工作喺表面係睇唔到，
但未做完又唔可以開哂成條路。 ...

第一, 要分段重鋪路面, 路邊去水渠重造
第二, 中央分道帶要拉電拉水
第三, 呢段街燈係改放隔音屏頂部, 將會整到隧道用照明模式, 仲有就係頂部天幕及種草
第四, 每晚仍然有大量隔音屏工程要做, 現時一星期都可以封到五晚路去搞 (起碼搞到九月初)
第五, 現時只劃既係 "臨時行車綫", 真正行車綫會去到接近鋪好哂先會劃

最新消息:

1. 頂部支架整到置樂花園 3, 4 座對開, 以及錦暉花園, 康景花園對開, 預計 1/8 完成

2. 皇珠路往屯公九龍方向支路將會深夜臨時封閉進行工程

3. 屯興路 - 兆安橋頂部天窗已陸續安裝中, 北行並開始加入永久路燈綫糟

4. 市中心 6-7 座對開天窗已植草完畢

5. 華都對開天窗已安裝完畢, 準備開始植草

睇現時進度, 我估... 2014 年 3 月, 置樂果段都好抆水, 未必做得切, 因為之前天橋重建已延期起碼兩個月以上先完成

隔音屏障0既作用係乜？如果隔音屏障唔係呢段路0既必需構造，而係可有可無，閣下認為有關部門會唔會輕易批淮去起？
多錢得滯無定駛都唔會咁易放行啦。

段路曾經0係某段時間俾車行得，唔等於工程己完成；提早開足三條線會遇上0既困難呢兩點樓上己提過。不贅。

閣下認為提早開足3線，餘下工程半夜封路做又無話完全唔可能0既。
記得閣下好似曾0係某度講過自己係QS學生，並且對construction contract有深入認識，咁無理由唔知道
1. 要求承建商比原定計劃提早開足3條線，同埋
2. 明明有權全日封一條線做野，但改到只可以午夜先至可以封行車線做野
有乜代價喎。呢D代價，主要係$$$，係咪閣下做善長包底先？
閣下係做善長0既，小弟代表全香港納稅人，同屯門公路使用者多謝你呀。

[ 本帖最後由 s3n370 於 2013-7-20 02:19 編輯 ]

其實樓主日日半夜12 至5 再去現場親身睇下人地做緊咩咪知點解咁耐都唔開第3 條線

P.S:屯門公路起緊果D 個人認為叫隔音屏罩更貼切

[ 本帖最後由 FD_8592 於 2013-7-24 02:56 編輯 ]