要搭B3M，請過屯門站？

話說今日(星期日)B3M首航，我同個朋友想晌屯門市中心搭B3M，
去到無耐就見有車，
點知……架車飛站！
我以為我地排錯隊啦，
於是問站長B3M邊度搭，
點知站長同我地講，
B3M因為開單層載唔晒D客，
加上如果晌開線上客會好危險，
所以除非B3X無車否則都唔會俾B3M埋站上客，
同樣B3都有咁既安排。
佢叫我地如果要搭請行去屯門站搭，
想影相則可以行去前面的士站。
講真以B3M既客量，
唔做市中心客真係好唔掂，
雖然18XX清客既能力好有限，
但我覺得條線橫掂都晌市中心設站，
點解唔搵個好少少既位安排上客呢？
如果真係唔上客，
咁倒不如CUT咗市中心個站仲好了，
不過睇番城巴既舉動，
連深圳灣總站既站長都唔宣傳B3M市中心特快，
難道城巴唔想B3M做大，
還是希望將來多客時方便CUT咗市中心個站剩做屯門站呢？

講完咁多廢話，貼番幾張相先~






同架1824太有緣，影咗幾個位+搭都係1824，相反另一架1823完全無貨...

吾明做咩同一個位, 又M又X.. 又要經又吾載人, 又用單層行... 系咪做某商場的專車呢?

本人剛就此情況向致電城巴查詢，得到答覆是除非巴士滿座，
否則B3, B3M需要在屯門市中心停站上落客。

故此有機會是站長出錯或者對新線不熟悉所致。

再者，個人認為，站長指B3/B3M該站在B3X在站位時不上客，
亦有可能構成「誤導性遺漏」（在新修訂的《商品說明條例》屬於違法），
因為該等資訊會影響乘客是否在該站選擇乘搭B3/B3M服務的決定。
而官方資料亦是指B3/B3M於屯門市中心有巴士站。

故此，解決辦法是需要改善該三線在屯門市中心的上客位。

[ 本帖最後由 eric278 於 2013-7-22 09:51 編輯 ]

坦白講，我係站長都唔會叫個客坐 B3M，恐怕未兜完新墟都畀個客嘈。

反而 B3 就有少少值得商榷，事關 B3 停完市中心係不停站直達深圳灣，
或且站長唔想部 B3 阻住鄉事會路既車。以我所見 B3X 上客時 B3 有機會
飛站。

不過唔知係咪一般客都以為 B3X 會快少少 (乳豬紙所示 B3 慢 B3X 一分鐘，
事實係 B3X 去深圳灣方向慢 B3 兩分鐘左右)，定係覺得 B3 唔會有咁多位揀，
以我所見除非市中心 B3X 有好多人搭，否則部 B3 埋站時本身好吉都係冇乜人會上。

至於有冇理想位置供 B3 或且 B3M 上客，我諗樓主企O係屯門公園個站
多一陣就一清二楚。本身 B3X 後面有好多接駁巴士同小巴上落，當中小巴 44
經常性等客。有時 B3X 三部車停O係總站都塞住後面，吉車要停在後面輕鐵站
個凹位等候。

其實屯門公園個站都係 B3X 開線前先擴闊到夠佢做總站，但坦白講屯市有條
B3X 已經足夠，如果要 B3 同 B3M 再有空位停站就唔係咁易成事，

[ 本帖最後由 fw1321 於 2013-7-22 10:37 編輯 ]

原帖由 eric278 於 2013-7-22 09:49 發表
本人剛就此情況向致電城巴查詢，得到答覆是除非巴士滿座，
否則B3, B3M需要在屯門市中心停站上落客。

故此有機會是站長出錯或者對新線不熟悉所致。

再者，個人認為，站長指B3/B3M該站在B3X在站位時不上客，
亦有可能構成「誤 ...

未知首相有冇打算去屯門市中心拍下B3/B3M飛站證據向海關作出投訴?

原帖由 AP149 於 2013-7-22 10:42 發表

未知首相有冇打算去屯門市中心拍下B3/B3M飛站證據向海關作出投訴?

正如剛才所說，可能是站長對B3M車務運作不清楚引致，故此巴士公司有責任改善。
不如等巴士公司採取行動改善先。

原帖由 eric278 於 2013-7-22 10:56 發表


正如剛才所說，可能是站長對B3M車務運作不清楚引致，故此巴士公司有責任改善。
不如等巴士公司採取行動改善先。

咪整塊牌話 B3M 25 分鐘到達深圳灣，旁邊有牌 B3X 15 分鐘到達深圳灣。
到時睇下有邊個截部 B3M。

其實唔知呢個係公司指示定站長自己決定，
如果係公司指示，
我覺得可以仿效1R有坐位才入東涌市中心嘅安排，
寫明只於站頭沒有B3X或不阻礙交通情況下才安排上客。

原帖由 petcity 於 2013-7-22 14:31 發表
琴日坐B3M剛好係樓主影個轉，係巿中心
站長都叫架車埋站，仲要去到的士上落位
上，結果有少少亂，兼有客有微言話個度有站？？

如果B3M.定性純為Vcity，最簡單不如唔停巿中心
否則，屯門站等可能等半個鐘都係望住架車走 ...

本身 B3M 新都冇站，如果唔停市中心既話，直情可以直接由屯門公路右轉杯渡路。
不過呢個要睇定 V-City 全面啟用後 B3M 客量變化。

目前 V-City 仍未有乜人去既時候，佢停市中心至少可以幫 B3X 南行清客，事關
B3X 常規車偶然都頂晒閘落市中心。至於北行，除非 B3X 真係斷晒纜 (不過 B3M
都好難冇事)，否則要班客先兜入新墟一圈，我諗唔少客搭完一次之後都唔會再坐。

[ 本帖最後由 fw1321 於 2013-7-22 17:02 編輯 ]