其實我一直希望可以由藍田搬入天水圍安居

是咁的，小弟由出世開始，一直都係住在藍田港鐵站上面某私人屋苑
環境唔錯，附近公園有新界的味道，屋企相當寧靜，但同時交通相當發達
有港鐵觀塘線、多條巴士小巴服務、過海的士站等

不過，自從我多了進入天水圍「觀賞」輕鐵
便發現天水圍是另一個更「價廉物美」的地方

天水圍交通發達
區內有便宜快捷舒適的輕鐵服務（天水圍的列車以拖卡為主）
學生價短程維持在$2.0 - 2.4之間
就算出屯門都只是$2.4 - 3.2
相對我由藍田區內或者去觀塘
就算搭區內巴士都要4至5蚊
如果遇上特殊情況（例如德田往麗港城）更隨時爆上十元大關
總括而言，藍田是對外服務發達，但區內服務貧乏的地區
而天水圍的區內服務則因為輕鐵及港鐵巴士而同時發達

我現時在理大上課
唔排除升學都會在理大
事實上，天水圍出紅磡並沒有想像中耐
西鐵車程30分鐘，計埋轉輕鐵都只係大約50-55分鐘
我由藍田搭215X返理大，遇上塞車都唔止呢條數

我老豆在荃灣返工，佢係渣私家車的
係就係大欖隧道收36蚊會嚇到佢
但係佢可以選擇唔渣車
搭西鐵去荃灣西轉的士
可能仲化算過而家藍田至荃灣

我老母在西灣河返工，咁就唔好意思了
不過搭港鐵也只是大約65分鐘
包括輕鐵則大約85-90分鐘
如果佢放工佢仲可以坐720轉969
地鐵轉969、102轉西鐵
再唔係就豪少少A12轉969，都只係67蚊
（事實上我阿媽成日由藍田坐70蚊的士去西灣河）

根據某地產網的數字
天水圍私人屋苑（例如慧X軒、嘉X山莊）的平均尺價約為港幣4千元
而藍田X景花園已升至接近8千元水平（即係我層樓隨時已經達到730萬）
只要屋企多花大約一百萬
隨時可以在天水圍住到1500-1700尺「大屋」

我並不完全同意天水圍等於「悲情城市」的說法
社會設施不足、交通不便已經過時
西鐵快過的士是事實
新圖書館及泳池落成也是事實
問題只是，天水圍實在太多公屋
如果不是當時的「八萬五」
我相信天水圍可以改名為「天堂城」

我極度希望家人能接受我的建議，破天荒地由九龍市區搬進新界西北居住！
（註：父母在1995年之前曾經居住在屯門市中心，後來搬出藍田）

注意：此為抒發本人的感受及希望，與上述提及的機構及物業並沒有商業利益關係

[ 本帖最後由 lrt505 於 2013-7-25 00:29 編輯 ]

其實是否因為你揮霍無度，令你的家人陷入財政危機，所以要急於搬屋？

原帖由 dongfeng 於 2013-7-25 00:38 發表
其實是否因為你揮霍無度，令你的家人陷入財政危機，所以要急於搬屋？

不是，這是因為我認為天水圍環境比藍田好，所以寧願由尺價較高的屋苑搬進尺價較低的，同時可以買得較大的房子（我老媽經常埋怨現時913尺的屋子小）

但是你在另一篇文章提及你會找兼職，莫非你轉死性，不做「二世祖」，還是你已經被「閂水喉」？

原帖由 dongfeng 於 2013-7-25 00:53 發表
但是你在另一篇文章提及你會找兼職，莫非你轉死性，不做「二世祖」，還是你已經被「閂水喉」？

為了工作經驗以及向某「紅色圓形」運輸機構致敬。

原帖由 lrt505 於 2013-7-25 01:18 發表


為了工作經驗以及向某「紅色圓形」運輸機構致敬。

那麼你是否做「穿著『xxxx，為你服務』字樣的制服」的最低職位？

[ 本帖最後由 dongfeng 於 2013-7-25 01:34 編輯 ]

原帖由 lrt505 於 2013-7-25 00:46 發表

不是，這是因為我認為天水圍環境比藍田好，所以寧願由尺價較高的屋苑搬進尺價較低的，同時可以買得較大的房子（我老媽經常埋怨現時913尺的屋子小） ...

唔好意思，嫌九百幾呎都細，我唔知係你係咪都係咁諗。
如果係既話，我覺得你咁講幾offensive同insulting，簡直係「何不食肉糜」

我亦相信呢個板唔少板友都無咁大間屋住，睇到你咁講都會有同樣感覺。

可能你未捱過世界，唔知到「窮」同「苦」兩個字點寫，
未經歷過捉襟見肘的生活。
我覺得你好應該走去劏房住一個月，用劏房居民既budget過日子，
體驗一下呢個世界的苦難，睇下你到時仲會唔會咁講野，仲會唔會搭307入五十蚊紙落錢箱。

食飯要睇價錢牌，搭車晌時間允許的情況下用最平的方法，計盡一分一毫，呢d日子，我經歷過。

我有個小學同學，前年醫學院畢業，而家晌威院做緊，月入五萬幾，
佢住西灣河舊樓，唔係on call的時候，日日朝七晚七，返工因為無選擇，同人share的士，
但放工呢？都係由威院行去小瀝源路搭682返屋企咋。
我同佢見面一齊食飯，食最貴一次都係得六十幾蚊。
你以為月入幾萬銀就可以亂洗錢，渣車/搭的士，日日洗幾百蚊食野？
人地當年住過木屋，經歷過苦日子，自然知道節儉的可貴，
而家佢收入高，錢唔係由天跌落黎，而係自己辛苦勞累賺返黎，你睇下人地做醫生，
日日朝早七點返工，五日一次on call，唔駛on call都要七點先放工，on call既時候d野多到做唔切，幾辛苦？
辛苦賺錢返黎，自然唔會揮霍。

你而家既錢都係你兩父母多年辛苦賺返黎，你試下憑自己雙手搵錢，我睇下你仲會唔會好似而家咁？
你老豆老母都會退休，到時又邊個供你洗費？
而家好多大學生出黎做野，一萬銀都未必有，你估你到時可唔可以成日幾十幾百蚊咁搭車？
你到時唔洗負擔家用？

我本來都唔想出聲，但係見到你「913呎論」，我忍唔住都要講幾句。
我話你知，我晌香港住過的屋，全部都細過四百呎。

[ 本帖最後由 S3BL100 於 2013-7-25 02:22 編輯 ]

原帖由 S3BL100 於 2013-7-25 02:20 發表


唔好意思，嫌九百幾呎都細，我唔知係你係咪都係咁諗。
如果係既話，我覺得你咁講幾offensive同insulting，簡直係「何不食肉糜」

我亦相信呢個板唔少板友都無咁大間屋住，睇到你咁講都會有同樣感覺。

可能你未捱過世界，唔知 ...

「913呎屋子太小」是我老媽的立場，我在此文只是作為引述的角色。不過事實上，在最擠迫的情況下是同時有五人共宿的

原帖由 lrt505 於 2013-7-25 02:24 發表


「913呎屋子太小」是我老媽的立場，我在此文只是作為引述的角色。不過事實上，在最擠迫的情況下是同時有五人共宿的

你知唔知香港家庭每人平均居住面積有幾多？有幾多四人家庭住唔夠三、四百呎？

原帖由 lrt505 於 2013-7-25 00:46 發表


不是，這是因為我認為天水圍環境比藍田好，所以寧願由尺價較高的屋苑搬進尺價較低的，同時可以買得較大的房子（我老媽經常埋怨現時913尺的屋子小） ...

913尺都叫小?????????
我果個單位800

尺都唔夠,但我唔覺間屋細

你媽咩人黎