紀錄照~屈錢散場車

搭41R坐到去青華苑, 拎尾站黎比又有咩意思...
條特別線係俾觀眾完場後返荃葵青, 服務範圍係整個荃葵青區,
所謂兜到傻, 除左入興芳路同葵興外, 全部行公路, 我又唔知有幾兜, 令人卻步?

N241係青衣荔景出九龍通宵線, 其實唔知有咩好比較,
條線一向俾人感覺兜路緩慢,
至少我識十幾個青衣朋友, 一提N241都會話要坐個幾鐘,
坐到天光都未返到青衣, 耍手擰頭, 個個都係旺角搭泥鯭的返青衣,
但佢地坐41R果陣又覺得好快而無怨言, 可能係日頭既41A, 42A太慢,
覺得第一個站就係葵芳, 兜多陣荃灣落客都係合理
唔知係樓主眾人皆醉我獨醒, 定我朋友易滿足 ?

原帖由 s3n354 於 2013-7-31 02:42 發表
搭41R坐到去青華苑, 拎尾站黎比又有咩意思...
條特別線係俾觀眾完場後返荃葵青, 服務範圍係整個荃葵青區,
所謂兜到傻, 除左入興芳路同葵興外, 全部行公路, 我又唔知有幾兜, 令人卻步?

N241係青衣荔景出九龍通宵線, ...

青山公路同大涌道好似唔係高速公路來吧

同埋咁講,
咁你老九篤一架車入去既時候,
又點解要話人地拎尾站黎比有咩意思呢?
你擺得一架車入去,唔可以唔俾人搭到去青華苑,
亦唔可能禁止果度既人拎呢兩條線黎比較,
呢樣野你放落任何地區度,
都係講唔通既事,

既然你講到咁冇意思,

不如建議老九縮短佢吧

即係正如我講果樣野囉,
87D同81C比,可能講緊你問十個我諗有九個都會覺得87D快過81C架,
但出黎既時間值係唔係必然呢?
因為就算你文中所講既內容,
都只係一個"覺得",只係感覺,

而唔係實質係一個表逹時間用左多少既數據,
即係全世界都覺得N241兜,
我明白,但一個屬個人感官上,"覺得",同好實際地拎個行車時間出黎睇,
就係兩種野囉~
而且單憑"覺得"兩個字,
你就冇一個支持既論據去話人地"眾人皆醉我獨醒"
講到最尾,
即使你要相信41R比N241快也好,
但奈何N版野入面,
連41R一個實質真係行左幾多時間既數字都冇人拎得出既時候,
相反連N241行車時間都有人拎到出黎同你當面對質既時候,
咁樣你想人講咩?

[ 本帖最後由 da93 於 2013-7-31 03:15 編輯 ]

原帖由 da93 於 2013-7-31 02:46 發表

青山公路同大涌道好似唔係高速公路來吧

同埋咁講,
咁你老九篤一架車入去既時候,
又點解要話人地拎尾站黎比有咩意思呢?
你擺得一架車入去,唔可以唔俾人搭到去青華苑,
亦唔可能禁止果度既人拎呢兩條線黎比較,
呢樣野 ...

青山公路唔算公路? 有段可以行70喎
成條大涌道行3分鐘都行完, 無咩人落車

咁你認為去長青無謂, 咪縮左佢, 嫌條線係荃灣兜大圈, 咪縮去祈德尊新邨就算,
青衣人就搭番條唔兜路, 行元州街既N241, 就睇下邊個青衣居民支持咁方便睇完show夜歸乘客既建議?

我送人返屋企, 搭過滿座既41R, 行正常速度, 返到長康唔洗45分鐘,
睇住我部爛鬼電話個鐘, 可能一切都只係錯覺, 實際一定慢過搭N241呢
一部41R一部N241同時泊係紅磡, 唔知青衣山上客普遍會選坐邊部呢?
睇下乘客眼睛係雪亮, 定係被騙兼被屈錢?

朝早一班N241全程40分鐘跑得晒,
咁咪代表大部分夜歸乘客都唔好彩, 要搭個幾鐘N241先返到青衣
41R全程行車時間50分鐘, N241全程行車時間70分鐘,
可能你又覺得唔代表實際行車時間云云,
但官方時間真係咁寫, 建議去投訴佢, 要求九巴更正N241全程行車時間為40分鐘

大涌橋路都行70，唔通又叫高速公路？

根本就係要呢d數字，
不過如果要講到話41R落到長康係45分鐘內時，
只能引證一點，
就係果位經常跟N241既板友冇講大話……
人地講緊時間上介乎45~55分全程呢個range入面，
你亦不能否定甚麼

不如你又check下九記個網87D行車時間寫幾耐？
不過人地某d字軌得75~78分行囉

或者咁講，
所有日間線唔該全日劃一行車時間，
因為有人會遭受到d不幸經歷
另外想講講41R客源方面,
我諗你唔可能單純地同N241比較,
而去話"乘客眼晴係雪亮"

41R行葵芳,荃灣市中心呢D區域,
根本N241係入唔到去,
當然你可以拎數據指出青衣區內,有41R時能夠分走N241既客量
(但問心,N241淨計紅磡火車站一站,一班車有幾多人上?)
而紅館範圍,
基本上係得41R一條線落到荃灣市中心等地區時,
即係講緊,
冇任何比41R來得更直接既替代服務往荃灣時
(雖則你要抽可以拎樓下條3

0X,但肯定全世界人都會恥笑你

)

咁你點樣總結出乘客眼晴係雪亮呢?

再講你都識得講,

如果你一拎41A,42A去同41R比較時,

41R係快,

咁只係講緊,41A,42A既營運效率差而已

[ 本帖最後由 da93 於 2013-7-31 13:43 編輯 ]

嗱,我無話過全晚既N241可以快過41R,我只係講過紅火頭5班N241有機會拍得住41R既時間返到青衣,而過左12點半之後就真係搭返41R好過,N241順去上黎可以40分行完,但多人起上黎可以40分都未到美孚,大時大節可以行到1h30m,既過鐘時間出黎,我唔係偏幫N241,只不過想比D數據出黎姐
仲有行車時間既快慢,好取決於司機既快慢同部車既表現,如果N241比部鎖頭閘既車或者慳油AVBW就真係88啦,如果司機慢慢行都無可能做到快既時間出黎,如果N241前車慢左,後面部車一定會小左客而快左時間,就係靠住前後車幫手先至可以快D,而41R未跟過比唔到D咩數據出黎
順便講埋N241有兩個字軌全晚都係1h05m行車時間,其他字軌都有1h10-20m行車時間

原帖由 Hw2481 於 2013-7-31 06:05 發表
嗱,我無話過全晚既N241可以快過41R,我只係講過紅火頭5班N241有機會拍得住41R既時間返到青衣,而過左12點半之後就真係搭返41R好過,N241順去上黎可以40分行完,但多人起上黎可以40分都未到美孚,大時大節可以行到1h30m,既 ...

但想問問,
41R大唔大機會開得夜過1點?

因為紅館散場時段,
好多時都係集中於12點呢段時間

[ 本帖最後由 da93 於 2013-7-31 13:38 編輯 ]

原帖由 teddybus 於 2013-7-26 21:10 發表


41R直落葵涌兜埋大窩口荃灣都只係停9個站就過青衣
條N241廿幾個站先到美孚
你話行西九龍快速公路落葵涌停9個站過青衣會慢得過碌29個站先到美孚既N241?
除非TOUCHWOOD個晚咁不幸有架貨櫃車打橫訓係西九龍快速公路 ...

9個站,站站停每個站倒你1分鐘都9分鐘啦,
仲要你呢D線真係預佢冇得走雞架喎,
同N241果D站雖然多但未必站站有上落既線自然冇得比較

如果用你個講法,
當年條70行5大洲咪應該全日都要行2個鐘一個單?

其實好睇開演唱會果個會唔會唱到好夜先走,如果eason就一定11點幾散左,D人仲可以搭地鐵走,上次五月天就12點半先散場...

原帖由 Hw2481 於 2013-7-31 13:54 發表
其實好睇開演唱會果個會唔會唱到好夜先走,如果eason就一定11點幾散左,D人仲可以搭地鐵走,上次五月天就12點半先散場...

我要指出既係一個時間性既問題,
我假設1點係一個死線既時候

但若然你拎五月天果D夜極都係12點半散場既時候,
未到0100呢個界線既時候,
即係冇一個人有好實質既理據去證明,
41R既優勢大於N241

原帖由 PS8851@182 於 2013-7-30 09:42 發表
事實上我作為一個旁觀者，只睇到你由始至於都死雞撐飯蓋，一唔夠人講就屈人攻擊你杯葛你．
人地想同你講道理，你就無限loop埋d荒謬論點．
又話唔想同人嘈，又話要潛水，但又不斷推文，都唔知咩心態． ...

我反而覺得死雞撐飯蓋既係你地囉

成日話41R快過N241,
兩條線既相關資料,冇
客量數據俾唔到人,
行車數據俾唔到人,
你地何嘗唔係坐晌部電腦面前對住果9個站有斷估冇痛苦?