愛情魔鬼字典 (歡迎加料)

由生活當中, 啖出愛情之味
百般滋味在心頭, 各花入各眼? 賣花讚花香?
有麝自然香? 最毒婦人心?
男人靠得住? 路遙知馬力?
這就是「愛情魔鬼字典」!

首先由小弟玩先吧~
我推出10個:

1. 巴士: 有始有終, 但人人口味不同, 有人鍾意冷車, 有人鍾意熱狗, 有人鍾意貴車, 有人鍾意平車, 有人坐一兩個站就轉車, 有人遊足一日都唔討厭, 有巴士係萬人迷, 有巴士係過街老鼠..

2. 電腦: 一樣唔少現代人如果一日不見會有如隔三秋或者係渡日如年的東西

3. 礦泉水: 雖然係水但係有種唔咪當局者都看不出呷不到的內涵於其中

4. 雪糕: 好好在某d時候係享受但係過左無耐唔放好就會溶晒唔食得既物體

5. 拉麵: 總係要經過時間的搓磨, 經過汗水, 努力而得到最後完成品, 要好好放心機落去, 如果唔咪可能會難以下嚥

6. 的士: 理應隨傳隨到不過好日唔會坐一次但係往往在需要它既時候就總唔會在身邊的一種東西

7. 蝦餃: 皮再薄也不緊要反而令人覺得精緻動人一d都唔嬌生慣養反而會受到唔少人愛戴, 硬繃繃的厚皮兒好難有人吼

8. 象棋「馬」: 總係有種八面威風的酷不過往往會因為一葉障目而令到自己即時硬晒既性格

9. 無名指: 無左它的存在仍然可以正常生活但係要和它一刀兩斷又會唔捨得, 而無名指最重要的功能當然係被戴上戒指

10. 電筒: 一個對你好好既伴侶不過如果唔俾飯佢食就會罷工既性格

歡迎加料~~

1. 香口膠：初初食嗒落有味，食耐左就越食越無味，食到冇咪就想拿拿臨吐左佢，免得黏手黏腳。

2. 電腦(補充)：初初愛不惜手，日日都要陪佢，因為初時表現越卓，同埋新鮮感十足；但用耐左就表現不穩，甚至大不如前，仲可能用用下無啦啦當機。而且又有更新既電腦推出，所以好想換過部。但奈何又暫時冇能力換機，所以繼續捱住先。

3. 私家車：同電腦相類似，但加多樣野，就係養佢既皮費好重。

4. 地圖：有需要先拎佢出黎用，平時則埋佢一邊，由得佢封塵。

5. 枕頭被舖：正常情況下，只係會響訓覺果陣，先至同佢有最親密既接觸。

6. 電視：一個外表漂亮、能歌擅舞、風趣幽默、每晚都會響你身邊陪你既情人。

7. 眼鏡：讓你睇清楚身邊邊個情人係好人定壞人既工具。

8. 中指：一方面可以係戴訂婚戒指，另一方面亦一樣表示對情人不滿既工具。

9. 白花油：查少少響額頭，可以令你心曠神怡；但查得太多，係會令你「葉」眼「」到飛起。

10. 安全帶：用佢果陣太鬆同太緊都係好危險。