[轉載] 港鐵10月起東鐵沿線裝月台閘門

上次係東西線的7卡車，而家係話東鐵，點會關事？除非上次訂的車，會用喺東鐵上。

新聞報導內容講明係韓製九卡列車會比舊款車闊一吋，同埋未決定會否保留頭等

仲留頭等?頭等響度只會阻住晒,又唔見多人用頭等

闊1吋應該唔會擦到月台邊喎，就算係一個直月台，車同月台嘅空隙應該有5厘米到，點解要削減月台咁多餘

原帖由 kitdog168 於 2013-8-13 21:17 發表
闊1吋應該唔會擦到月台邊喎，就算係一個直月台，車同月台嘅空隙應該有5厘米到，點解要削減月台咁多餘

如月台係曲的, 車身係直的話,轉向架會令兩個車卡的接駁位"西"向月台.
門同月台爭1寸唔代表車身/月台最接近distance得一寸咁少
所以係唔止要果5cm位

參考呢段片你可能會明多d

https://www.youtube.com/watch?v=A25U0s5Mn4c

[講笑]泡菜車...係唔係又黎當年觀塘線有列車plug door 開門個陣碰到月台而要刨月台...
我唔想諗將來ge東鐵會變成點......全部變晒金魚缸

[ 本帖最後由 bombardier 於 2013-8-13 21:38 編輯 ]

原帖由 stevenlim84 於 2013-8-13 17:32 發表
上次係東西線的7卡車，而家係話東鐵，點會關事？除非上次訂的車，會用喺東鐵上。

上次訂的是南北線列車，由南韓Rotem投得，代號R-stock
http://www.mtr.com.hk/eng/corporate/file_rep/PR-12-105-C.pdf

東西線用車尚未有結果

原帖由 bombardier 於 2013-8-13 21:37 發表
[講笑]泡菜車...係唔係又黎當年觀塘線有列車plug door 開門個陣碰到月台而要刨月台...
我唔想諗將來ge東鐵會變成點......全部變晒金魚缸

假如裝好閘門，我估最精彩係粉嶺、上水 (北行月台)

原帖由 stevenlim84 於 2013-8-13 14:47 發表
搞到咁大工程，點解唔按舊車限界訂車？而且東鐵線(南北線）未開始招標訂車，咁快就知新車唔可以用舊限界？

回一回帶，港鐵在2011年1月提交立法會的文件上提過：

「6. 為讓列車安全運作，月台與列車之間必須要保留空隙，避免行駛中列車在進入或離開車站時，與月台發生碰撞。由於需要讓不同型號列車，包括來自中國內地的城際客運列車在東鐵綫行駛，一些位於彎位的車站月台，其月台空隙比較寬闊。在這些月台裝設自動月台閘門會阻擋乘客視綫，使他們未必能清楚留意到月台空隙，產生嚴重的安全風險。故此，在這些月台加裝自動月台閘門的先決條件，是必須要解決月台空隙較闊的問題。」

「34. 根據南北綫的計劃，列車運作將會有下列的安排–
(a) 由於日後南北綫將以九卡車廂的列車取代現時的12 卡列車提供服務，東鐵綫車站月台將採用新的規劃。新規劃下列車會停泊於位於彎位月台中彎度較小的位置，這個做法將有助解決月台空隙較闊的問題；
(b) 新列車的車廂將採用車身較寬闊的設計，有助解決月台空隙較闊的問題；
(c) 安裝新的訊號系統，提供較頻密的列車服務，彌補以九卡車廂列車取代12 卡車廂列車所減低的載客能力；及
(d) 採購配備配合月台閘門應用驅動及制動系統的新列車。
35. 港鐵公司認為南北綫的計劃將有助在東鐵綫車站加裝自動月台閘門。」

以上大概可以了解R-stock用較闊設計的原因

不過現在反而因為新車較闊而要有「磨平月台邊」的工序（根據東方講法），當中的因果關係不易理解

原帖由 kei_hk 於 2013-8-13 13:56 發表


比舊車闊1寸﹐當1寸係每邊計﹐2邊加起來2寸﹐2寸的空間唔見得可以明顯提升載客量。

點解唔跟舊車標準﹐真係唔知點解了。

1吋就係1吋，我見唔到話每邊1吋喎。（純粹睇字面，佢無需要玩語言偽術丫）
應該都只係想縮窄空隙嗟。