【討論】南北線新車消息及規格 (29/3/2020 TS#10抵港)

原帖由 93A_S3_6:30am 於 2013-8-24 16:05 發表
原來9卡同通風有關，

而家又會重新考慮10卡咁好死，唔係龜龜轉性吧？應該係有人指令？

通風係部份原因，另外有傳工程技術 (成本?) 亦係主因
至於真相就不便公開討論，免得連累行家

港鐵真係賺得太多
搞到成日被陰謀論, 自己攞黎

不過本人對新車9卡無其他人咁悲觀
我而家日日都搭西鐵東鐵馬鐵
對住東鐵個12卡MLR性能, 加速減速度, 信號系統, 等入站等等真係
等東鐵見到顯示仲有2分鐘或以上已深感不安

撇開直通車因素, 東鐵線新車性能, 信號系統, 安全距離等等如果可以追得上西鐵的效率
9卡不是問題
現有購車量最少同現時載客量水平差不多, 加上沙中線, 情況未必太壞

當然,明顯的是, 這不是新鐵路, 沒有新上蓋物業支持, 客量估計沒有那麼進取了

另外,個人認為由近郊轉為地鐵化通勤,無需要保留頭等了

[ 本帖最後由 ccchhhuuunnn 於 2013-8-27 17:49 編輯 ]

高鐵已經提供另一條來往港深嘅鐵路線，大拿拿花六百幾億去高鐵，起好之後應該吸引強國人去坐高鐵，而唔係再去加重東鐵線負責。

要一條通勤鐵路不斷承擔跨境「貨運服務」根本唔實際，一抽車入面淨係水貨車仔同貨物，加埋都裝得滿兩三卡。

計我話高鐵落成後應該大減東鐵跨境班次。將大部分列車改以上水為總站，還新界東居民一個寧靜舒適嘅乘車環境。

谷行高鐵，一樣可以帶起西九龍高鐵站商舖租金，圓方商場舖租亦可望更上一層樓。

港鐵如果咁喜歡水貨客，大可以發展羅湖同落馬洲車站上蓋物業做大商場，一邊賣奶粉益力多，另一邊賣手袋名表，舖租照跟廣東道都肯定有人肯租。

原帖由 053h4 於 2013-8-27 18:20 發表
而頭等點會取消啊, 有人肯比DOUBLE價坐車, 做生意計, 點會唔做呢批客

double價只係前半段主因，重點應該係引申出來的「去到金鐘收雙倍價」！
唔係邊境出發最多只係收多$9.1，但係通車後仍保留頭等，到時無論你金鐘定九龍塘轉車，收費系統好大可能將港島出入閘有頭等記錄的乘客當係坐到金鐘$18.4……
如果係羅湖/落馬洲出發，個收費會更加和味

[ 本帖最後由 toyl 於 2013-8-28 10:26 編輯 ]

原帖由 reikan 於 2013-8-26 22:57 發表

通風係部份原因，另外有傳工程技術 (成本?) 亦係主因
至於真相就不便公開討論，免得連累行家

唔緊要. 你已經講了很多, 唔爭在講埋佢.