九巴6D/40改路消息及234C開辦消息

原帖由 EX-TL 於 2013-9-10 20:50 發表

深水埗-花墟可以2-7分鐘內完成或者成立, 話說凌晨1A太子站-觀塘市中心係咁跑住去都要18分鐘,
非繁石硤尾站(大坑西)20分鐘或者得, 青山道.窩仔街.大坑東道燈陣, 深水埗25分鐘真係有難度,
非繁都未必得, 繁時又點得 ...

行去石硤尾/深水埗地鐵站上上落落都要 2 個字, 地鐵車程 3-4 個字 (石硤尾上) 4-5 個字 (深水埗上), 加埋 around 半個鐘到...
我校準時間落樓行 2-3 分鐘到巴士站, 原 40 車程都係半個鐘到...
最快係紅小 (油青線), 如果有緣上到 ge 話, 3 個字就到, 官青就慢碌夾埋 5-7 個字...

原帖由 238X 於 2013-9-10 14:00 發表



我係比較奇怪點解大家圍住砌 1181，
但 hon_son_wilson 同 LAK2 一樣係反對今次改動，
卻又無乜人理佢哋。

前者要求死攬40，無視觀荃需求，
後兩位，
一無反對40改道，
二係要求合理直車補償觀青或增加轉乘額同線，
取態已經比前者明事實同積極，
咁你話邊個被圍攻先正常?

原帖由 張偉沖 於 2013-9-10 15:31 發表
舊40 和6D 路線九成九一樣, 咪又係時間長, 多左彩虹道那十分八分鐘根本唔多覺,
唔好唔記得係深水埗搭得舊40 根本唔會預左快 .

路線根本不是九成九一樣
況且，就算表面上路線相近，都不代表可以直接substitute one and other
屯門-旺火三寶路線九成九一樣，可否把兩條取消？
277X/277E路線九成九一樣，277E是否不應該開？
268C/269C路線又是九成九一樣，應否合併？
麻煩看一看6D/舊40路線相近背後客源是否相似

無可否認40轉特快是能加快行車速度，對乘客/九巴/巴士迷而言是有利的
但同時你必須承認九巴這次補償做得差
補償的逼切性不會因為觀荃客源的大小而有所改變
故此你不斷強調保觀青巴士服務的巴士迷要因為觀荃的龐大客源而低頭是沒有道理的
所以我會繼續支持觀青客爭取他們應有的補償

[ 本帖最後由 castanopsis 於 2013-9-10 21:46 編輯 ]

原帖由 ChungLam 於 2013-9-10 21:04 發表
行去石硤尾/深水埗地鐵站上上落落都要 2 個字, 地鐵車程 3-4 個字 (石硤尾上) 4-5 個字 (深水埗上), 加埋 around 半個鐘到...
我校準時間落樓行 2-3 分鐘到巴士站, 原 40 車程都係半個鐘到...
最快係紅小 (油青線),  ...

原來40呢七.八年來班次準左咁多, 可以校準時間落樓下等車, 繁時會準時的話, 真係世界變!

當年我在長順街返工, 入去長沙灣巴士總站落荔枝角站, 夾夾埋埋用時肯定比走去光昌街/香港製衣等40來得又快又穩定,
地鐵班次正常情況2-3分鐘有車, 40郁d都玩脫班, 當年編定11-15分鐘一班, 結果呢, 經常出奇不意地走左班車後10分鐘內
有車試過, 冇走車排長龍等成40分鐘都試過, 最多人搭o既繁時, 正常冇100人都90人, 脫起班上黎成車有120-130人,
仲要沿途大上大落, 咁你話, 最多人搭o既時段, 40有咩可能做得好, 做唔好o既後遺症有好多, 脫班, 班次不穩, 乘客不滿,
投訴上升. 若果深水埗.石硤尾-觀塘巴士真係有咁強競爭力, 塊餅真係大到可以同時容納到三種交通工具提供服務,
而各自有唔錯的市佔率, 九巴就唔會放棄呢個市場, 閣下所講的理由, 與某君話692銅鑼灣-藍田站有競爭力反對取消雷同,
是巧合還是真心幫口爭取原40/延長6D至觀塘?!

原帖由 EX-TL 於 2013-9-10 21:48 發表

原來40呢七.八年來班次準左咁多, 可以校準時間落樓下等車, 繁時會準時的話, 真係世界變!

當年我在長順街返工, 入去長沙灣巴士總站落荔枝角站, 夾夾埋埋用時肯定比走去光昌街/香港製衣等40來得又快又穩定,
地鐵班次 ...

我朝早搭嗰段時段好準時...8 點 7 - 8 點 8 就有車畀你上...即使其他時段, 我都唔覺佢有咩脫班, 最多 3 個字到都會有車

btw, 全段 ge 對話我冇講過是否支持 40 改 / 是否要求 6D 延長

[ 本帖最後由 ChungLam 於 2013-9-10 22:17 編輯 ]

原帖由 ChungLam 於 2013-9-10 22:13 發表
我朝早搭嗰段時段好準時...8 點 7 - 8 點 8 就有車畀你上...即使其他時段, 我都唔覺佢有咩脫班, 最多 3 個字到都會有車

btw, 全段 ge 對話我冇講過是否支持 40 改 / 是否要求 6D 延長 ...

我之前都有陳述過立場，表態咗，有心睇文的板友睇過就算。
呢幾日真係世界變，有人話改道後40準時好多，但呢個星期好似真係無準時過！

首先今日8點幾朝早西行，38、40完全無影，38/42c彩虹當然排到七彩，我數過部膠都躉可以吉車埋站一吓子上80個客！
我由8:20等到8:40先有40到，大家唔好似為8:25到果架係早咗，完全估唔到呢班車嚟到係上層坐滿窗口，鑽石山、黃大仙都有上唔少客，黃大仙中心更加係上十幾個，究竟係唔係無咗班車，定係班車識飛，未到彩虹已經比平時快8分鐘以上？

放工仲離譜，屋企人話18:05等到18:20先有車到，總站都大排長龍，呢班車去到大窩口已經要企

究竟係咩原因朝早呢班車可以由上星期得30幾客，暴升至88人咁多呢？甘泉街一樣落6個，大家又齊齊遲到……一日唔只無咗一班車，係收車定係車長聰明地飛車/碌車避開晒班客仔？
咁無定向風，朝早難道又要迫港鐵？

[ 本帖最後由 toyl 於 2013-9-10 22:56 編輯 ]

原帖由 toyl 於 2013-9-10 22:48 發表

我之前都有陳述過立場，表態咗，有心睇文的板友睇過就算。
呢幾日真係世界變，有人話改道後40準時好多，但呢個星期好似真係無準時過！

首先今日8點幾朝早西行，38、40完全無影，38/42c彩虹當然排到七彩，我數過部膠都躉可以吉車埋 ...

6 點幾繁忙時間 40 出大窩口 15 分鐘唔出奇 ..
西站出富華街唔停站都要 7 分鐘 , 咁停埋大河道 , 停多少少燈 / 跟下城隧線已經係返哂到 ........

原帖由 EX-TL 於 2013-9-10 21:48 發表

原來40呢七.八年來班次準左咁多, 可以校準時間落樓下等車, 繁時會準時的話, 真係世界變!

如果係非繁，又真係無乜點走雞，未改線時夜晚7點半後我都係較準時間先落樓下等車，總會5分鐘內有。
其實正確來講係6D加時全歸荔廠之後先至叫做準時好多，但反而令40班優秀車手有機可乘，為免頂閘就較準6D開車後先至經過美孚。
不過因為咁樣，原本所謂12-15分一班就跟足6D當時的班次15-20分鐘一班。
龍翔道真係又愛又恨，快就可以好快好準時，但係出事起上嚟又係日日幾單都無停過！

改線之後非繁咪好咗囉，原本1小時3班6D加4班40，但識計數都知梗有幾班會打孖，而家一小時四班流水總好過齊齊停車又開車。

[ 本帖最後由 toyl 於 2013-9-11 00:01 編輯 ]