九巴6D/40改路消息及234C開辦消息

原帖由 1181 於 2013-9-16 09:18 發表

佢啲「理諭」，認真你就輸了
秀茂坪甚至成個觀塘區都無義務要留車幫邊個找數
而家有安達臣，將來茜發道又有發展
唔通又要預埋車等厲鬼城堆線？定又開新線？
鯉魚門又話要改住宅，又要留車？ ...

無義務還無義務，咁係咪為左你地班仲有其他選擇既客，要新區客除左電梯線之外就無其他交通，食穀種？

原帖由 FBI2 於 2013-9-16 08:20 發表
13D冇客,搵佢找數係最佳方法,反正佢係唔係都會俾人找數.

真係, 打兩隻字"冇客"就真係冇客?!
可以改唔代表真係冇客, 任何時間同14 15 16比其他客量相差唔遠,
係行牛頭角道觀感上同實際上遜色左少少囉, 唔好一見到班次差,
有板友話可以拎去改就以為冇客!

又要再一次反問, 深水埗單方面要求6D拉入觀塘, 點解要觀塘區找數?

原帖由 1181 於 2013-9-16 09:18 發表

佢啲「理諭」，認真你就輸了
秀茂坪甚至成個觀塘區都無義務要留車幫邊個找數
而家有安達臣，將來茜發道又有發展
唔通又要預埋車等厲鬼城堆線？定又開新線？
鯉魚門又話要改住宅，又要留車？ ...

當你晨早到各區睇下邊啲車最多人搭, 就知邊度多貧民,
要一早出門口為有錢人打工, 我想話呢類貧民深水埗一定比秀茂坪少囉,
深水埗果啲可能係窮到要執垃圾為生, 露宿為家, 但秀茂坪仲要搵錢交租,
有仔女要養, 車錢已經貴, 車程郁啲都45分鐘至一個鐘頭先出到旺角/灣仔,
我就唔知深水埗有齊港鐵.小巴.巴士轉乘仲要爭取直達線係咪活得開心啲,
但請唔好以呢個方式搵秀茂坪找數, 拜託!

原帖由 1181 於 2013-9-16 12:05 發表

28用細車問題已經解決左，即係唔加車可以增加載客量
樂雅苑仲有28B，13X等線落淘大
唔好一郁到牛頭角就發哂矛

即係又係你為左達到目的不擇手段，要其他區居民遷就你啦

28B個站近唔近德福？13X又收幾錢？

原帖由 EX-TL 於 2013-9-16 12:07 發表
當你晨早到各區睇下邊啲車最多人搭, 就知邊度多貧民,
要一早出門口為有錢人打工, 我想話呢類貧民深水埗一定比秀茂坪少囉,
深水埗果啲可能係窮到要執垃圾為生, 露宿為家, 但秀茂坪仲要搵錢交租,
有仔女要養, 車錢已經貴, 車程郁啲都45分鐘至一個鐘頭先出到旺角/灣仔,
我就唔知深水埗有齊港鐵.小巴.巴士轉乘仲要爭取直達線係咪活得開心啲,
但請唔好以呢個方式搵秀茂坪找數, 拜託!

咁又講真，如果係6D食13D，全程收費$6.5，班次維時12/15分一班，
減六架車開三彩 - 油尖旺/深水步的話，我諗觀塘區會幾受落，秀茂坪都會幾支持

我都會接受呢個做法，但唔覺得咁做係理想，因為6D經觀塘巿中心唔快，只係滿足左秀明道有全日西九線的訴求，
之後想開山上將沙就唔知應該搵咩線找數，九巴現有網絡同資源亦無辦法食到安達臣出九龍巿區

點都好，觀塘自己都仲有大把區巴士好多地方都去唔到，甚至無車搭，
相比之下深水步交通算係好方便，唔使上落山，又近地鐵站。
深水步單方面要6D入觀塘，根本無充分理由要搵觀塘找數，就算只係找一架都唔得。

[ 本帖最後由 S3BL100 於 2013-9-16 12:19 編輯 ]

從來只係話拉去觀塘/麗港城/觀塘碼頭, 如果條線上埋秀茂坪,
最好梗係學85C 85X果套重組, 而唔係繼續慢兜牛頭角道.彩虹道,
再咁做加幾多車開幾密都冇用, 但改完之後石硤尾收唔收貨?
青山道又收唔收貨? 彩虹道聲都冇得聲又公唔公平?

原帖由 EX-TL 於 2013-9-16 12:25 發表
從來只係話拉去觀塘/麗港城/觀塘碼頭, 如果條線上埋秀茂坪,
最好梗係學85C 85X果套重組, 而唔係繼續慢兜牛頭角道.彩虹道,
再咁做加幾多車開幾密都冇用, 但改完之後石硤尾收唔收貨?
青山道又收唔收貨? 彩虹道聲都冇得 ...

行牛頭角道比起觀塘道唔慢得幾多，繁忙時間反而仲快。
真係慢的係協和街食燈，同埋秀茂坪出彩虹交匯處有直路唔行，偏要兜落觀塘巿中心。

而家13D由寶達總站去到淘大都要四個字以上，一D都唔快。
當然，如果6D食13D的話，因為要照顧觀塘客，同埋以補償觀青做目的，所以一定要跟返13D咁行。

不過彩虹道注定無得飛，亦因為秀茂坪出去都係慢，所以我都唔覺得咁做係理想，
只係呢個做法一定過到觀塘各個山頭，尤其是滿足秀明道全日西九線的訴求。

anyway，我個point係，搵觀塘找數的話，唔該順便解決埋觀塘自身的問題，滿足觀塘區的需要，
否則真係無理由要觀塘區拱手送車俾深水步。

旺角方向觀塘道過勵業街燈位後放住去, 牛頭角道淨係停肌肉男生果舖,
牛頭角街市同埋振華道口呢三盞燈夠你觀塘道路線出現下班車,
繁時仲要受偉業街/龍翔道車龍頂返牛頭角道天橋, 將車鎖住響落橋位,
出唔到觀塘道, 停完啟業邨一個站又要入彩虹交匯處, 有車板友不如試下
繁時六點幾咁樣渣法, 睇下寶達去到彩虹45分鐘到未?

題外話, 尋日約一位寶達朋友出九龍城, 佢唔熟路搭左13D, 假日朝早11點
由寶達去富豪東方酒店用左35分鐘車程.

原帖由 hon_son_wilson 於 2013-9-16 00:38 發表


但係要郁296C深水埗走線，就難免要夾埋796C重組，比較難搞~

只要296C 飛走旺角, 拉去長沙灣廣場做總站就得.