九巴6D/40改路消息及234C開辦消息

原帖由 hon_son_wilson 於 11/10/2013 16:58 發表


【乙】唔係現實，因為紅小起碼早繁東行班班爆，
更多客嘅西行都唔會無客啦。
非繁紅小客少，係因為車費同速度唔成正比。

我只係話「養唔大」，唔係「養唔起」。
前者比較輕微，但已經足夠令九巴啋你都傻。

一部 12 米雙層巴士載客量大約等於 7 至 8 部紅小，
假如一條巴士線繁時 10 分鐘一班班班爆，
換算成紅小，嗰條紅小應該做緊 1.5 分鐘以內有一班車。
條觀青而家繁時係咪做到咁密先做得哂？

另回 1181：
以小巴牌費、皮費而言，
如果唔係流水但又做唔到班班爆可能已經係蝕

[ 本帖最後由 238X 於 2013-10-11 18:06 編輯 ]

原帖由 1181 於 2013-10-10 20:33 發表
6點3美孚方向到石硤尾, 即係應好大機會係1741牛頭角開
啲人邊有咁早放工? 而且晚繁爆瀉係東行唔係西行
西行呢個時段未至於瀉既
不過坐滿都唔少人啦 ...

牛頭角巴士總站去石硤尾要34分鐘, 港鐵九龍灣去石硤尾15分鐘, 除左平或者唔想行之外, 真係諗唔到有咩理由要搭6D,
如果延長去觀塘市中心, 觀塘至九龍灣站10分鐘, 觀塘至石硤尾就要45分鐘, 而港鐵觀塘至石硤尾只係20分鐘, 諗起都...
遲多一個鐘頭, 撞正下繁最高峯, 60分鐘真係唔係講笑.

同學仔啊同學仔, 在你眼裡, 出來做野就只有朝九晚六/七/八的工作嗎? 基本上, 一日廿四小時每分每秒都有人返工收工,
返朝八果D, 咁咪有機會收五囉, 返八半收五半亦都好正常, 唔知同唔同意呢?

爆瀉係東行唔係西行, 住得九龍, 搭開地鐵.巴士.小巴有邊個唔知流向, 從來都係東九需求大過西九, 唔駛專登拎出來講!!

至於點解40改經龍翔道後, 飛起晒大坑東.石硤尾.深水埗, 東九除左麗港城居民.議員爭取九龍城界限街路線(69A)之外,
連轉乘優惠跟足以前40同價, 兩程共收$8.4轉2A 6D都接受到, 其他人要坐13D 14 15 16轉2A 6D, 先平得四毫子($8.0),
唔鍾意轉車, 惟有坐小巴.港鐵.

建議6D延長到觀塘係西九人而唔係東九人, 小弟身為東九人完全明白點解後者冇刻意爭取過, 反正6D延唔延長到觀塘,
我地都用慣左奇貴的方法如小巴.港鐵去西九, 只係收工見平就幫襯下40咁囉(以前), 馬死自然要落地行, 40提速令本來
青山道至大坑東前往東九的乘客, 要改用小巴或者港鐵係意料中事, 亦係改線目的之一, 我就睇唔到依家話見冇左40,
連6D轉乘都唔用, 改搭其他交通工具有咩咁特別, 此一目的已經達到, 只係提速後的40需要慢慢培養觀荃客改變習慣,
棄小巴.港鐵投40, 令港鐵長沙灣段有多少少運力, 應付西九客(東九人), 而觀荃小巴少左, 對觀.荃兩個市中心的交通
也有正面幫助; 至於40提速後, 令原本用40去觀塘班客改左用港鐵.小巴, 或者有少量接受到2A 6D轉乘優惠的乘客,
6D客量係會上升, 班次已經加左, 只係比當初建議班次10/11分鐘略疏(或者可以講少左一部車), 若果現在下繁往東九
係爆瀉, 應該做o既係加車加班, 而唔係加車延長去觀塘, 況且, 照現時情況看來, 現在的6D只係「接收」緊以前見40
上40, 見6D上6D果班九龍城.新蒲崗客, 6D總客量係有增加, 但加車後的6D絕對有能力去做所謂接收翻黎o既呢班客.

另外, 有一班以往貪平而搭40落觀塘o既西九客(西九人.東九人), 只可以話, 吊頸都要抖下氣, 蛤乸都有死o既一日,
九巴擺明就唔想再做呢種效益咁低o既事, 即使你話我唔係身受其害都係咁話, 唔介意o既, 我又replay番講過n次,
幾年前在長沙灣工廠區收工的親身經歷, 如果唔係九巴仲棟支站牌響青山道, 一早搭鐵走人, 唔駛企響青山道吸塵,
唔駛受40無定向班次, 要搭巴士見2A上2A, 有6D上6D, 去旺角轉13D 16好, 九龍城轉14 15 16好, 九龍灣轉13D 14
15 16也好(最常用), 係貴少少, 總好過平, 但係得到好似受罪咁o既服務, 情願佢把心一橫cut鬼左佢, 係對九巴和乘客
都有好處o既做法, 反正東九人被九巴恰左咁多年, 車費貴, 車程長, 果一兩蚊俾港鐵賺, 豪唔起咩?!

40提速唔係單單巴士路線重組咁簡單, 講緊係為整合東西九荃葵公共交通揭開序幕, 係一項環環緊扣的偉大工程,
如果40吸客力弱, 6D.小巴.港鐵都唔會好過, 如果你繼續認為胡亂削線俾6D延長到觀塘係正確, 我寧願你用呢d時間
去為40祈禱好過, 希望早日搶盡港鐵.小巴觀荃客, 讓港鐵長沙灣段較易上車, 讓太子站月台唔駛日日繁時有一半被湮沒,
讓東九.新界東乘客好過d.

原帖由 1181 於 2013-10-11 17:04 發表


觀青個老細如 果唔攪住協和街塊站牌過世已經還得神落
依家非繁時, 一係油青一係觀美
觀青等得客嚟天光都未到

btw
如果有現實乙, 就唔會咁夜都爆啦 ...

觀塘市中心周街都係巴士站紅綠小巴站同禁區,
連廠巴想搵個非禁區上落客都難,
你搵到個好位搬走青山道小巴, 又搶到地鐵客, 我俾個like你又點話.

原帖由 1181 於 2013-10-10 20:33 發表


6點3美孚方向到石硤尾, 即係應好大機會係1741牛頭角開
啲人邊有咁早放工? 而且晚繁爆瀉係東行唔係西行
西行呢個時段未至於瀉既
不過坐滿都唔少人啦 ...

唔係喎, 我唔記得係星期一定星期二坐西行17:41 班, 福佬村道頂閘, 根住飛站, 去到基堤道落完又頂直飛到石硤尾mtr

原帖由 1181 於 2013-10-12 00:44 發表

依家係培養左一批人由鐵路回流40
但唔係觀荃客
係葵涌道-東九(食38客)
美孚/長沙灣-東九(新客?)

40從來唔係只係為左吸觀荃客，觀荃客係主要目標但唔係唯一目標。
條線設計成咁，亦係為左吸荃灣 - 黃大仙、葵芳 - 東九、美孚 - 東九，而唔係只係觀荃。
呢個point已經好多人講過無數次。

而呢條thread亦有好多人（包括你）見到架車晌荃灣巿中心果三個站上落人數達60-70人，
甚至試過差唔多坐滿，40係咪真係吸唔到觀荃客？

原帖由 S3BL100 於 2013-10-12 11:34 發表

40從來唔係只係為左吸觀荃客，觀荃客係主要目標但唔係唯一目標。
條線設計成咁，亦係為左吸荃灣 - 黃大仙、葵芳 - 東九、美孚 - 東九，而唔係只係觀荃。
呢個point已經好多人講過無數次。

而呢條thread亦有好多人（包括你）見到架車晌荃灣巿中心果三個站上落人數達60-70人，
甚至試過差唔多坐滿，40係咪真係吸唔到觀荃客？

而家40提速後個零月，返工西行我都搭過唔少次，而家終於見到佢個效用。
早前已經講過話個hidden agenda係38/42c爆瀉，拉40嚟找數，結果完全係做到。而家好明顯響黃大仙/永光係執晒呢班被遺忘的苦主。

朝早我響彩虹搭過3班唔同時間的40 (8:10/8:25/8:40)，當中8:10(即7:45麗港城開) 呢一班ATE去到彩虹邨上埋就坐滿。這間接表示所有上層乘客係觀塘道或之前上車。

之後幾個站開始嚟料，鑽石山上6個，黃大仙上14個，永光最勁上17個上到頂閘！
當然啦……永光呢個站基本上38/42C全部無法上車，呢班40簡直係救星！
最後我都特登遲一個站落睇下有幾多客長荔落，結果係甘泉街例牌6個，長荔街11個（包括平時甘泉街落的小弟）。

呢兩個站落車乘客之中，只有２位係下層上車，其餘長荔街落車的都係坐上層。

睇埋企位幾乎無變的情況，已經可以結論為客路係
黃大仙→荃葵
九龍灣／觀塘→長沙灣／美孚
個別麗港城→黃大仙客都有，呢Ｄ一程車獨巿無得好講。

觀美客已經可以稍為增加，有幾多客坐到去荃灣真係好難講。

不過暫時只有呢班最好客（可能因為葵芳荃灣都可以９點前到）。
後一班客量稍差只係坐滿，有固定的甘泉街落車客（唔搭2B/2F）。
再後一班只係坐滿單邊唔夠７０客，接近9點先到甘泉街，又係6-7人落，相信呢班集中在就快遲到的長沙灣客。


其實西行除咗呢一班，仲有幾班都係可以頂閘，就係黃昏6點半至7點由長荔街轉入長沙灣道，我都見係頂閘。

放工都搭過幾次6D，夜晚7:50開果班平時呢D時間無乜客可以行得好快，但可能因為得返1條線15分鐘多咗客，而家覺得做得慢咗好多。

早幾日下繁6：45pm見到班40西行去到彩虹已頂閘。