九巴6D/40改路消息及234C開辦消息

原帖由 1181 於 2013-10-13 22:50 發表

可能真係啲人「有番工，無放工」

荃葵客上車$8.4，長沙灣$6.1，如果40東行加兜長沙灣，每趕三個荃葵客可以吸到超過四個長沙灣客，巴士公司咪肯做囉。

問題係，長沙灣繁時限定，附近民居人口又明顯少過荃葵，巴士公司識做生意既，應該識得點做囉。
當然我知道你都係想趕多幾個荃葵客，為自己爭取架就腳的東行九龍東特快，為日後爭取帝線鋪路

原帖由 1181 於 2013-10-13 22:49 發表
咁40改道後，有人話6D福佬村道頂閘，深水埗難以登車
咁又搵邊個救？
連搵2D呢啲空氣線找數都鬧喎
仲未計同樣被推去地鐵迫上爆棚車嘅觀青客
而且走一部6D所需時間遠耐過38/40/42C ...

「福佬村道頂閘」同「深水埗難以登車」係咪同時發生?
2D係多空氣少人, 但係講左幾多次, 你成日將d唔同d比較有幾無謂你有冇聽書?!

2D服務中低密度地區, 你係都要同其他市區線比, 咁比法實空氣嗝,
況且你之前係話cut 2D加車俾6D延長去觀塘, 延長2E去澤安,
唔經佐敦道, 改經柯士甸道.紅磡站, 2E唔駛加車加價?
6D無啦啦拉左去觀塘, 又係唔駛加車加價? cut左人地條線,
換來d咁o既服務, 你真係為九巴同乘客著想, 定係好似你話人果句:
「係咪搞事」?!

人地話...人地話, 你自己日日上來留言, 6D客量有幾高, 繁時有幾爆,
你有冇親身坐過晒6D牛頭角-美孚平日假日早午晚來回程先發言呀,
石硤尾冇人落車o既? 深水埗郵政局冇人落車o既? 元州街去長沙灣.美孚
得6D一條線?

唔怕講, 前日收工專登為左你, 三點幾走去坐左一單6D牛頭角去美孚,
一如所料, 15:35開車, 真係要34分鐘先到石硤尾站, 去到美孚16:25,
全程55分鐘, 一個普通星期六下晝都要行咁耐, 咁你話... 拉埋去觀塘,
位位收人$6.5, 行65分鐘先到美孚, 有冇人會坐? 收貴左, 九龍城.深水埗
繼續焗坐6D, 又對佢地(可能包括你)又公唔公平?

車程勁長o既2A, 大部份客係坐到深水埗, 李鄭屋至美孚一段已經得番
好少客, 即係話條線收幾平都好, 作為乘客坐上部車度, 但坐極都未坐到站,
兜完呢度又兜另一度, 俾你唔加價拉6D到觀塘, 真係會有人坐到咁遠?

講番星期六:
客量方面, 牛頭角+淘大花園兩個站上上埋埋係唔少人, 但睇番落車分佈,
啟業邨(第三個站)已經開始有人落車(離開車站), 新蒲崗上到上層要搭座,
聖德肋撤堂要企, 石硤尾上落唔大, 不過元州街第一個站落左成廿五個,
元州街其他車站夾埋落左五十幾個, 去到美孚都有十幾人.

牛頭角至啟業邨上左廿幾個客, 但係出太子道東之前已經落左十個左右,
就當剩低果十幾個係坐去石硤尾至美孚之間先落車, 即係話造成6D坐滿
要企(或繁時頂閘)係彩虹道.九龍城乘客, 而非牛頭角.九龍灣, 由牛頭角
去九龍城沿線, 基本上唔坐6D仲有2A 13D, 啟業邨仲可以因應唔同情況,
揀佢地需要o既路線.

所以, 加車加班應該係優先俾彩虹道.九龍城<>深水埗.石硤尾一段,
再次印證跟觀塘區沒有關係, 至於用2D cut線換你口中果組重組
你認為值得咪繼續囉, 6D客滿, 要做o既係加車加班, 至於用乜野方法
可以做到呢個效果, 確實有好多種, 你矛頭係要繼續指向2D隨得你,
反正你習慣打橫黎講, 胡亂比較!

最後, 都順便講一講去到美孚之後o既去向, 因為太攰, 原本諗住坐翻6D
去牛頭角已經冇乜氣力, 惟有搭40囉, 點知架車貶下眼用左只係21分鐘
就由美孚返到觀塘市中心, o岩晒我呢d坐唔到長途車o既老人家,
而話說, 21分鐘只係夠6D由石硤尾去美孚, 九巴仲會唔會走回頭路?!

有關6D的描述及記錄可信。6D大部份路線可覆蓋原40，所以提出延長6D尚算合理。
我之前亦傾向支持延長6D，但觀乎界限街及彩虹道慢流，深水埗去淘大已需40分鐘，的確會卻步。

所以近日研究緊296C，延長至長沙灣(甘泉街)，詳細構思有二：
#1 亞皆老街半直通
東行：甘泉街→青山道→欽洲街→荔枝角道→(原線)
西行：(原線)→長沙灣道→(橋底調頭)→甘泉街
跟13P來回不停中電至采頤段，由2A,796C代替，西行加停德福、駿業里，
補償原40站位的乘客(尚欠石硤尾)，可善用296C剩餘運載力。

#2 經龍翔道
東行：甘泉街→青山道→欽洲街→長沙灣道→南昌街→龍翔道→觀塘道→(原線)
西行：(原線)→龍翔道→南昌街→汝州街→欽洲街→長沙灣道→(橋底調頭)→甘泉街
可謂大革新，亦可以話係舊40流水翻版，填補深水埗<>觀塘之餘，
仲做埋石硤尾半山<>觀塘/將軍澳，原796B將軍澳南<>黃大仙/九龍灣/彩虹。
深水埗<>觀塘車程與原40相若，深水埗<>黃大仙較2B,2F快10分鐘，
可能好過同796C對撼，話唔定有理由cut埋2B，用2F,296C[改]<>7M,211轉乘取代。

66線取消，當中3架車係荔廠車，加上2C,203可能合併，要抽2部車入296C應該唔難。
如果用 #1 亞皆老街半直通 方案，可以搞296C西九雙向分段(學796C)，然後拉直2A，已經慳到2部車。

當然，風險在於將軍澳可能唔俾296C離開旺角，甚至想將296C收歸將荃，
不過深水埗話曬係總站區，仲有一點話語權吧?

原帖由 hon_son_wilson 於 2013-10-14 02:21 發表
有關6D的描述及記錄可信。6D大部份路線可覆蓋原40，所以提出延長6D尚算合理。
我之前亦傾向支持延長6D，但觀乎界限街及彩虹道慢流，深水埗去淘大已需40分鐘，的確會卻步。

所以近日研究緊296C，延長至長沙灣(甘泉街)，詳細構思 ...

關於 66 線取消而可以拎到車出黎去搞第二條線呢個主意,
我就認為你唔好諗啦,
上次我提一提就已經比人話我做咩要打屯門區資源主意啦

原帖由 AVD1 於 2013-10-14 04:53 發表

關於 66 線取消而可以拎到車出黎去搞第二條線呢個主意,
我就認為你唔好諗啦,
上次我提一提就已經比人話我做咩要打屯門區資源主意啦

話時話,CUT咗果兩條線(加埋70X就三條),D車去左邊?自己收返?

係的話就其實大家都畀九記呃哂,咩CUT車放落區內原有路線

原帖由 EX-TL 於 14/10/2013 00:35 發表

車程勁長o既2A, 大部份客係坐到深水埗, 李鄭屋至美孚一段已經得番
好少客, 即係話條線收幾平都好, 作為乘客坐上部車度, 但坐極都未坐到站,
兜完呢度又兜另一度, 俾你唔加價拉6D到觀塘, 真係會有人坐到咁遠?

突然醒起題外話：
2A 之所以延長去美孚，只不過係因為要填 6B。
而家 6D 都經彩虹道，一定程度上填埋 6B 當年嘅空檔，
如果 2A 過咗深水埗少人，而又唔多人用佢喺美孚轉 40，
係咪可以考慮縮番去蘇屋？

(事先聲明：呢篇文只係討論 2A，
請 1181 或其他站友唔好用呢篇嘢嚟抽其他線水)

[ 本帖最後由 238X 於 2013-10-14 10:02 編輯 ]

原帖由 238X 於 2013-10-14 10:01 發表


突然醒起題外話：
2A 之所以延長去美孚，只不過係因為要填 6B。
而家 6D 都經彩虹道，一定程度上填埋 6B 當年嘅空檔，
如果 2A 過咗深水埗少人，而又唔多人用佢喺美孚轉 40，
係咪可以考慮縮番去蘇屋？

(事先聲明：呢篇文只係討論 ...

6D 去唔到荔枝角道、亞皆老街 ...