九巴6D/40改路消息及234C開辦消息

原帖由 limited 於 2013-8-21 01:01 發表
仲有三日就改道, 40 仲要有好多長者搭, 睇怕預左俾人話宣傳不足

睇怕要有外勤企響美孚，每班40都要上車開咪叫彩頤花園或之前的乘客全部落車，否則呢單改動後一定上報紙港聞版！

其實小弟將會係其中一位雙輸的現有乘客，無論6D/40點重疊都好，坪石邨只有40，
取消站後6D又唔停，轉27或者彩虹邨落，甚至40牛池灣村落都要行200米以上！
轉13D/14/15/16加埋又要$8.0，11B/11D/17等平線又無得轉……
到而家真係出通告，我諗都要再打多次去要求加站同埋加轉乘喇！

原帖由 mak5052 於 2013-8-21 01:09 發表

可否如當年新巴8改線般，在40的車頭及八達通機側邊貼一張紙如下：
新40經美孚、黃大仙
不經
深水埗、石硤尾、九龍城

荃灣, 葵涌, 美孚, 九龍灣同觀塘見到新40就有用
企係深水埗、石硤尾、九龍城, 連40號車都見唔到, 點會見到車頭張紙

原帖由 toyl 於 2013-8-21 01:13 發表


睇怕要有外勤企響美孚，每班40都要上車開咪叫彩頤花園或之前的乘客全部落車，否則呢單改動後一定上報紙港聞版！

其實小弟將會係其中一位雙輸的現有乘客，無論6D/40點重疊都好，坪石邨只有40，
取消站後6D又唔停，轉27或者彩虹邨 ...

咁你的起點係邊度?

牛池灣村穿過彩虹站的另一邊, 已經係坪石邨.

原帖由 張偉沖 於 2013-8-21 01:32 發表


咁你的起點係邊度?

牛池灣村穿過彩虹站的另一邊, 已經係坪石邨.

冇計啦, 坪石邨一向四通八達, 大量公交直達樓下, 咁講唔出奇,
可憐某些屋邨幾十年來要在觀塘市中心落車, 穿過觀塘站上上落落之後,
再行多10-15分鐘先返到屋企, 冇轉乘路線, 咪一樣咁行.

原帖由 AVD1 於 2013-8-21 01:11 發表

宣傳不足呢個就 ...
基本上呢一點你知我知大家都知道發生咩事,
如果鋪天蓋地咁宣傳的話, 可能會有人反對而否決呢個方案,
其實呢個又真係幾矛盾,
對於 40 特快成事, 作為荃灣區居民當然歡迎,
其他就, 我都唔識 ...

睇返對面海
23A同25C取消一樣爭議大
東區區議員甚至在改動實行前call開會反對
新城一樣未驚過, TD簽左紙就得啦
最多之後為表誠意加2<>81轉乘

不過TD今次似乎遲左簽紙(估計係星期一)
40 改動又涉及六個大區,來回線近90個新/舊分站
個報站器又唔似新城會顯示路線消息
點樣通知受影響乘客並給予替代方法係幾大挑戰

由上一代dippy，到到而家dippy坐緊監，要用1181之名逃獄，都係咁鍾意「尊貴既牛頭角」，真係無變過……

呢種rhetoric已經破壞緊本來理性的討論，進一步削弱緊提出呢d謬論既人的話語權

要搞清楚一件事，而家係青山道想要有觀塘車，咁理所當然係要搵深水步找數。
6D唔係唔俾你郁，如果你有完滿的辦法填補晒牛頭角<->彩虹道、彩虹道<->界限街/太子道/石硤尾/深水步/長沙灣咪得囉……

我已經一路冒住沿線有議員反對的風險，提出秀茂坪對上/佐敦谷新邨要搵「牛頭角」既13D找數（因為事實係無其他線可以找數），
我唔係要死攬牛頭角道咁多條線喎，提出話13D係我既「私家車」已經係對人不對事，令人相當遺憾

得喇，知道40係你既私家車喇，我留名睇下星期六會唔會有人渣住架新巴12米躉1181上呈祥道/龍翔道打橫封晒咁多條東行線

原帖由 張偉沖 於 2013-8-21 01:32 發表

咁你的起點係邊度?

牛池灣村穿過彩虹站的另一邊, 已經係坪石邨.

起點係6D頭站，落車之後要排每公里收費貴過83M綠小一倍的山頂綠小

。

講真港鐵$7.5又迫餐死，我同唔少同站上車班客都係知時間貪平坐6D/40。
改動之後雖然可以玩29M>40直落甘泉街（但係貴過港鐵），但係15分鐘一班兼且呈祥道出口朝早慢車風險大，我都唔會博。
放工的話條條路都唔好過
1. 行去昇悅居搭同樣$6.1，但班次表面齊頭實際都有抽獎格的42，落車再行多鑊慳返駁腳錢（咦？又唔見咁多觀荃友鬧佢做流水……）
2. 行上斜路搭新40，落車行去轉29M（$6.1廿分鐘去到牛池灣村，港鐵第二程９折$6.7都仲要慢過佢，不過行完一輪到個站隨時再等多15分鐘！）
3. 搭６Ｄ彩虹通道行過去坪石
4. 6D>27 (只係比42多1毫)

總括嚟講6D新時間表無而家咁好記，都係要印出嚟擺公司檯面鳥……
註：假日有12分鐘時段，但美孚會有多班私牌？

最後呢件事就會變成政府宣傳
日日運動身體好，男女老幼做得到


最後都想講多句：
如果行路真係解決咁多問題，堆綠小駁腳線就唔會有咁多排長龍無車投訴，申請加價都比區議員及居民聯手反對到幾個月都未有批出跡象啦！