有關考重型貨車及巴士牌問題

以下題目幫朋友問問的, 有關考重型貨車及巴士牌問題,

因為最近有朋友計劃考呢兩種車牌,

而佢亦唔想齋跟李 x, 駕 x 學院學車, 想在坊間搵師傅教

以個人所知, 學牌可以同時申請學大小巴及重型貨車的, 但見到坊間只得為數不多既教車師傅有同時教授上述兩項車種,

想問問各位朋友:

1. 如果同時學重型貨車及巴士, 會否太難應付? 定或是兩者既技術相近?

2. 由於考期排期時間較私家車或貨 van 短得多, 如朋友想考, 會否先建議佢申請學牌學車, 然後再按師傅指示買路票考車?

3. 請問各位朋友有否相熟可靠師傅介紹? (如不便的話可 pm 提供, 朋友會揀九龍或新界區考車)

先謝解答, 如違反站規的話請告知

一般人會考中貨加巴士，之後一係揀重貨或掛接，重貨要5手呔調頭，
中貨巴士就3手呔調頭，好少人會考重貨加巴士，因為學習方式同車輛
不同，分分鐘會搞錯，反而同時學中貨加巴士，考場路線相近，睇位
泊位方法相差不遠，咁會易上手

學車當然係一併申請學牌同路票，學牌只得一年期，路票18個月內有效，
，可以申請改期，但排期可以講唔會快，原因係學牌路票只可郵寄申請及
領取，呢度預至少1個月時間，朋友早前考，十二月入信四月先有期考，
平均要等3個月，收到考期就要諗學車時間

中貨巴士會係柴灣同荃灣考，重貨只有荃灣，掛接就沙田，教仔學院可以
去沙田元朗考商用車

朋友話，考商用車講路面經驗同執生能力，楂開車上十幾堂可以，無楂補
多十幾堂，運輸署建議學30小時

原帖由 orange 於 2013-8-19 00:29 發表
一般人會考中貨加巴士，之後一係揀重貨或掛接，重貨要5手呔調頭，
中貨巴士就3手呔調頭，好少人會考重貨加巴士，因為學習方式同車輛
不同，分分鐘會搞錯，反而同時學中貨加巴士，考場路線相近，睇位
泊位方法相差不遠，咁會易上手

學車 ...

明白了

點解會講排期快, 因為睇運吉網頁一般只需 40 幾個工作天, 7 月頭幫佢睇過, 預計 9 月尾有得考 (實際原來係咁)
朋友本身有渣開車, 唔係雪藏牌, 亦有的士牌, 應該唔大問題

好奇問問, 至於你朋友係跟教仔學院定係坊間師傅?

不過我朋友佢就唔係等渣巴士搵食, 先講既然都要考, 不如中貨或重貨巴士一齊學, 學左重貨後, 巴士輕而易舉