分享：擒日被人「隊」

放工渣車去尖沙咀，係忠孝街紅磡警署轉出公主道，正想出時「立」到
有部紅的由公主道慢線高速將至，於是我急停，但一停時，咦，點解咁
震既，定左一秒才意識到自己被後車「隊」。（隊人就試過，被隊就第
一次！）

落車一睇，後面原來係紅的，佢話以為我出到佢就跟住行，點知我收油
．．．我睇下部前七，無事，完全無花無凹，的士司機又問我有冇事，
咁我又無事，佢同我講左幾聲對唔住，咁就大家繼續開車，成件事唔洗
三分鐘搞掂。

咁輕微既碰撞，當場無叫佢簽返張紙，一來心諗事後就算部車真係有事
而自己當場走漏眼都冇得追。我咁諗岩唔岩？

兩年前剛買車時真係好心紅，所以試過跟得太貼隊人尾，大鑊、輕微損
毀同無事都試過，所以幾叻都好，經驗某程度上係由錯誤中學習。

[ 本帖最後由 HY671 於 2006-3-25 09:16 編輯 ]

我就試過行緊五十幾, 前面有部波子911同我成兩三個車位, 行行下佢急停, 佢個brake好好收,
但我唔係(我楂緊部AE110), 差半尺就隊埋去佢車尾....

上兩個星期六晚渣車入馬鞍山食飯, 落住微微雨,
去到城隧收費廣場快易通收費亭前, 前面兩個私家車相繼收慢,
咁我又開始收啦, 突然間兩部車都急停,
我唯有又急停, 點知部車震晒咁跣住去, 差好少就隊人車尾.
又唔覺個ABS有著喎, 好在後面都冇車跟尾～
停低之後望清楚前面,
原來有部私家車臨到快易通收費亭前的雪糕筒才Cut返去了隔離線......

原帖由 hanvas 於 2006-3-25 23:20 發表
上兩個星期六晚渣車入馬鞍山食飯, 落住微微雨,
去到城隧收費廣場快易通收費亭前, 前面兩個私家車相繼收慢,
咁我又開始收啦, 突然間兩部車都急停,
我唯有又急停, 點知部車震晒咁跣住去, 差好少就隊人車尾.
又唔 ...

其實佢應該過左先，之後搵個安全位置停低，就會有人出黎收錢架啦，咁樣夾硬黎cut 好唔安全呢。