有圖有真相, 四十在龍翔

原帖由 samkung 於 2013-8-25 12:12 發表
九巴的確真係宣傳做得極差，全數集中北區及屯公，連熱線新諮詢也欠奉，更談不上與2A及6D轉乘消息，實行前兩天才發出正式通告 簡直離譜 堂堂行足45年的五區大線亦話之你，反而益了6號D"不宣自長" ...

諮詢肯定講足成年，
但係香港太多「文盲」上車客，車頭張紙唔夠大隻。

只係一條線轉特快，人地係成個區大改，
邊有等比呢？就算係大線又點，又唔係無出海報。

尋日真係好多人中伏, 照我估計40全線司機尋日都比人問候過
司機其實幾無辜

原帖由 toyl 於 2013-8-24 23:23 發表
老實講真係少咗好多$6.1分段客喎，以前星期六下晝去到石硤尾係坐滿要企。
仲有就係……我12:30果班車都有5個師奶/長者上咗呈祥道先知中伏，仲有幾個係美孚上跟住先瀨嘢喎！ ...

唔出奇 宣傳不足算唔算

擒日坐過,來回咁岩都唔算好快,
原因係上午去程(車種 舊龍運既ATR)每個站都停低開門,同司機行唔快,但約五十幾分鐘由大河道到開到開源道
回程(車種 ATR)都係每個站開一開門,同遇中輪椅客,每個站啲38同42C客都係眼望望,但唔敢上...
最終約50分鐘到大河道,後車ATE係5分鐘後到達

咁岩搭個兩架車,都係車頭近門口同錢箱掛上A3 size 彩色既改路通知,
回程仲俾我見到上車門既右邊都有張改路通知

原帖由 OrangeCC 於 25-8-2013 12:49 PM 發表
尋日真係好多人中伏, 照我估計40全線司機尋日都比人問候過
司機其實幾無辜

我只focus於乘客看通告而討論

琴日77K個司機發哂嬲極不滿係因為佢會不停被問候………(乜77K唔入大馬路？唔去祥華？只往上水？等等)

另外，我琴日搭77K在錦上路落車時，有批客等上車，到上車前一刻佢先見到「往上水」，O係度問「唔係去祥華咩？」
老實講，候車同波板糖都以痴紙形式變成「往上水」，佢都睇唔到，不過佢睇到巴士既顯示算好了……

40都算好，有一張巴士仔通告，元朗區既76K/77K係冇官方野，最多有一張背後有詳細時間表既野，唔睇真D既乘客只會以為佢列哂班次出黎，唔知有縮總站之意。(而77K元朗大馬路車站沿途都係手寫提你搬左去鳳翔路，睇黎係站長既「好心」，如果唔係九巴都應該冇官方彩色通告/單張提示)

總知唔睇通告就大炒大鬧就抵佢死唔好怪人, 中年婦更加抵死, 唔係要請你去睇通告呀
健九巴就係太過遲先出通告所以搞成咁, 預左會有人中招, 今日星期日更加多人中招

如果九巴真係想搵客笨
就唔會加個報站落去寫"轉乘站、2A或6D"，有得你搭錯車


不過我今日坐個程司機好似都無係美孚叫人落車，亦唔見有人搭錯車
係有人離開美孚站後見到報站D名唔同，係燈位前又落一個


如果九巴套報站系統好似新城咁，就可以沿途不停自動廣播叫人轉車..

咁樣，40 宣傳上其實幾鋪天蓋地，
但始終無人喺大站講嘢係差啲。
(大站指如心、大河道、荃豐、美孚、九龍灣站、apm)

頭先嗰程，49 個喺觀塘 (區) 上車嘅人入面，
有五個中伏，當中四個係長者。
其他人我可能會唔同情佢哋，但長者無論幾醒目都應該體諒下。
1. 如果佢哋唔係排頭位上車，睇唔到通告 / 宣傳品唔奇。
2. 架車喺啟業邨個報站亦都相當唔清楚，上層多數會被「撈粗」聲覆蓋。

P.S. 嗰程個司機都唔係十分好老脾，不過我就費事講係邊個了。

[ 本帖最後由 238X 於 2013-8-25 18:00 編輯 ]

原帖由 238X 於 2013-8-25 17:55 發表
咁樣，40 宣傳上其實幾鋪天蓋地，
但始終無人喺大站講嘢係差啲。
(大站指如心、大河道、荃豐、美孚、九龍灣站、apm)

頭先嗰程，49 個喺觀塘 (區) 上車嘅人入面，
有五個中伏，當中四個係長者。
其他人我可能會唔同情佢哋，但長 ...

但我想知係邊個,睇下同我心諗係咪同一個人