建議重組6D, 11B及17線

呢個建議過到觀塘一關，但係無可能過到九龍城，已經可以收工

仲未計你令到彩虹道無車搭又無任何補償/合理替代，雖然唔係總站區，但重組唔係咁做的……

晌11B土瓜灣客量原來高過舊40觀青客量好多的前提下，
我睇唔到理由點解要斬11B進貢俾已經有齊其他替代品的觀青……
觀青要開線，唔該觀塘同深水步搞掂，唔係拉埋唔關事既九龍城落水

40改路既成事實，你都係接受現實吧啦，唔使日以繼夜諗計打劫第二D唔關事既區出氣，講完

要改囉11D改，客量都用到單層
將6D延去觀塘碼頭
樂富同聯合道就由6D轉7B或11K轉乘優惠代替
用11k，綠小13既分段或開新小巴線做代替品

原帖由 1181 於 2013-8-25 23:47 發表 http://www.hkitalk.net/HKiTalk2/images/common/back.gif

彩虹道唔係總站區，講完

11B非繁客量唔掂，用17做埋車又密左，又有車海轉乘
繁時有17A做番土瓜灣

有乜數據證明客量影響大過40？
講緊全線只有九碼一個站expect要轉車
唔轉車都只係行10分鐘就到下路，仲近過叫人由明愛去荔枝角道坐296C

你要觀青多一個選擇，就要彩虹道/土瓜灣無車搭，咩道理？

只係目測，上繁舊40開14分一班，去到九龍灣得返半車客；
11B開9-10分一班，去到九龍灣仲有人要企

下繁舊40開12-15分一班（實際得兩班車12），過完九龍灣仲有窗口位；
11B開9-11分一班，過左德福花園個站，下層平均企十幾個

就算你要人行去上路搭車，咁我又問你，土瓜灣無地鐵，其他交通工具食唔食得晒呢班客？

如果你認為你咁做無問題既話，咁而家由深水步拎走條舊40，仲有紅小/地鐵俾你地揀，絕對係天經地義，一D問題都無。
因為你本身都係打劫緊人，仲要係打劫d無鐵路既地區，因此你抗議40改路的理由全部都站不住腳。

[ 本帖最後由 S3BL100 於 2013-8-25 23:57 編輯 ]

原帖由 1181 於 2013-8-26 01:02 發表 http://www.hkitalk.net/HKiTalk2/images/common/back.gif

繁忙時間有特車，已修改特車走線服務13街一帶
編號17X，東行飛亞皆老街球場至啟業各站

你改得方案，即係原本個方案都未盡完善啦

不過改完都仲係好大問題，我想知返九龍灣、住土瓜灣果班客，應該搭咩車返屋企？
係咪又因為唔想條線益「牛頭角」，所以連土瓜灣的利益都要出賣？

而家放工有11X 15X行快路清客好地地，開呢條17X只會影響九巴收入

好心你啦，搵條觀塘區既線駁返去青山都唔係搵11B呢D另一邊總站區真係有客坐足全程去觀塘、兼無替代既線搞啦……
最簡單，咪打15A主意囉，15A來往藍田去慈雲山的乘客極少，
倒不如拎四架車俾返慈雲山，做慈雲山<->九龍灣，或者俾佢地開線去第二D區，
之後2A拉直減三架車，深水步少客的2同12各減一架，咁已經4+3+2 = 9架車，
做到條青山道經啟晴、啟業麗晶九龍灣工業區去觀塘再上平田的新15A，繁忙時間20分一班，非繁30分一班
心目中大概咁行：

往藍田方向 http://goo.gl/maps/0U0pA
往深水步方向 http://goo.gl/maps/uDXy3

收費$7.1，啟晴 - 藍田雙向分段$5.1

到時藍田應該會幾歡迎，條線又可以九龍灣工業區食糊（唔使經「牛頭角」喎），放工唔使下下行出地鐵站

當然唔想搞15A，仲有一個選擇，就係無咩客由秀茂坪坐去黃大仙的11C，
秀茂坪/翠屏果段駁去青山道，11C縮落觀塘，做觀塘 - 竹園，嘔三架車俾新線，
之後2A嘔三架，2/12加埋嘔三架，一樣有九架車慢慢玩，繁忙時間20分一班；翠屏又有車去西九，佢地都會歡迎

不過直行觀塘道會同地鐵重疊，而且11C客量好過15A，搞15A應該好過搞11C；
改11C vs 15A，前者同其他路線重疊比較多，而且
我想信最終入九龍灣工業區對整條線的客量更有幫助。

點都好，你打人主意，無理由走去搵D另一邊總站真係有客坐足全程既線去搞囉
而且深水步都要有份嘔車，完全無理由搞九龍城。
你答唔到點解要將6D由彩虹道拎走，答唔到點解要搞條真係有客的11B，
答唔到點解要搞d無替代品的地區，呢條thread已經可以收工。

[ 本帖最後由 S3BL100 於 2013-8-26 01:32 編輯 ]

原帖由 1181 於 2013-8-26 07:49 發表 http://www.hkitalk.net/HKiTalk2/images/common/back.gif

如果你嘅目標係要贏，咁你贏囉http://www.hkitalk.net/HKiTalk2/images/smilies/default/handshake.gif
反正出文嘅目的係促進討論，唔係要一言堂，比人插左六版仲死撐
仲未計你個爛方案，班次、收費等都好大問題

11C要重組，山上應該會揀同14D，15A執
搞好山上-黃大仙，慈雲山「過山」服務
上秀，四順都有西九線
將來搞東西特快都可以揾藍田，但唔應該係唔經牛頭角嘅15A，而係14B，
而且係應該加14雙向分段取代，車分比14X同新線（暫稱216X）
服務範圍應該係藍田，觀塘，九龍灣直飛深水埗（荔枝角道/長沙灣道），美孚
比空間40再提速，到時6D再回歸彩虹道，東頭邨，食埋2D……

要一步登天唔係唔得


但一次理順哂真係比較困難

好好笑囉，你邊度見到我俾人插左六版？同人討論左六版就等於俾人插足六版？

如果係用新15A改的話，繁忙時間20分一班，連埋6D已經一粒鐘有5+3 = 8班車，
非繁30分一班連6D都有4+2 = 6班車，同40未提速前已經接近打和。
15A仲要係入埋九龍灣工貿區，獨巿位食糊，兼食埋megabox行街客
（假日15A megabox 係落十幾廿個再上十幾廿個的）
而收費$7.1，我就算俾你改11C或者13D，里數超標都要收呢個價，來回$14.2同舊40打和，仲想點？
你唔要既話，即係敬酒不飲飲罰酒囉

又返到基本問題，點解一定要有觀青一程過巴士？純粹想多個選擇？定係只係為左象徵意義？係咪真係有必要？

11C要重組，唔係唔得，搵D野同翠屏、竹園、秀茂坪交換囉。
同樣道理，改15A，都要搵野同藍田、慈雲山交換，所以你見我已經分返四架車俾慈雲山。
換過山線？中段有冇客先？慈雲山要觀塘過山線做咩？
而家真係無全日車的過山組合係油塘 - 四順，另加三彩條畸形28B，
只要區內線自己重組，已經可以經觀塘巿中心駁通晒成座觀塘山啦，開全日過山線做咩？嫌錢腥？

你淨係識得透過削減牛頭角/其他唔關事既區的巴士服務去換觀青，即係你已經技窮兼玩針對。
14B換第二D跨區線唔係問題，但係原來你只係借人過橋
講真，油塘加廣田/碧雲道，比起你呢條東西九線更有潛力而未開辦的跨區線仲有大把，
至低限度使唔使一定要塞觀塘巿中心，停晒觀塘至九龍灣？你知唔知藍田油塘真正需要D咩？

再講，14B得五架車，我打15A主意都搵到四架，條數根本分別唔大。唔好妄想五架車可以做到頻密班次囉。

客觀事實係，深水步搭港鐵去觀塘好快，又未係去到好似觀旺、觀荃呢D多客多到傻，
舊40已經有辦大家睇，夾硬開條線同地鐵重疊，又唔係快過人，係唔會有好結果。

美孚上龍翔道係快過觀美紅小，仲有美孚<->黃大仙只需10分鐘，
行荔枝角道/長沙灣道再快都唔可能20分鐘出到九龍灣/觀塘，唔好諗住半直通線擺美孚就可以俾40脫離美孚囉。