14X 而家究竟失敗係邊?

小弟是大西北人，剛才收工係中港碼頭上左7點開的14X去APM同朋友食飯.

沿途去到山谷道居然連窗口位居然坐不滿, 到我係觀塘市中心下車都係估計7,80人左右.

但以離開中港碼頭都係19:05分左右來說 (上一班14開18:52),  去到觀塘市中心都係19:35..有點意料之外...
如果坐215X 都唔知去到邊 (我係九龍站坐215X 去觀塘都差唔多成粒鐘)

那麼14X除左半小時一班外,開左一段時間都坐唔滿問題係邊?

班次其實唔算吸引
乘客一見30分鐘就唔開胃,仲點會計數幾點有車?

服務範圍亦唔夠廣
中港城/佐敦一帶即使係繁時都未必支撐得起條特快線去九龍東
相反可以考慮同219X/P,甚至215X嚟一次重組先有機發圍

對比競爭對手唔突出
佐敦去油塘搭港鐵唔算太耐
同時又有紅小爭飯食
再加上14X只到油塘站一帶,而唔係深入高超道亦有影響

原帖由 Crotone 於 2013-8-26 23:05 發表
小弟是大西北人，剛才收工係中港碼頭上左7點開的14X去APM同朋友食飯.

沿途去到山谷道居然連窗口位居然坐不滿, 到我係觀塘市中心下車都係估計7,80人左右.

但以離開中港碼頭都係19:05分左右來說 (上一班14開18:52),   ...

服務範圍太細，而但係佐敦道往返觀塘根本需求就唔係真係咁大，
就算快都唔會執得到幾多客。

我覺得是佐敦的範圍不夠. 成條佐敦道得三個站, 11,14有得做是因為東九龍覆蓋比較大, 加上14X都是快15分鐘, 太多又唔係, 反正九龍城不常大塞車, 一般可靠. 另一個致命偒是有紅小同你搶, 佐敦至九龍城未必會搭紅小, 因覺得貴, 得長程D觀塘又未必咁諗. 紅小又密, 又快, 上車有位. 四五個字到觀塘.

重點是14X沒有獨市位(除鯉魚門), 不論13X, 215X, 都有它的獨市賣點, 相反, 14X的賣點只是是幫你追返上一部14. 加上, 若我在佐敦往觀塘, 有部CITYFLYER到站, 我都心旭想上.

莫講限制, 理想上, 我認為14X應放尖沙咀碼頭經彌敦道往返加士居道, 至少:
1) 做天星/柏麗大道至觀塘特快的獨市, 可以同1A分客.
2) 讓中環搭船的有直接東九龍特快服務 (比215X更就腳)
3) 加密至定點如15(或20)分鐘一班.
4) 加經高俊苑等屋村

[ 本帖最後由 偉文 於 2013-8-26 23:57 編輯 ]

先前有板友貼出麗港城居民通訊, 14X會於月底與219系重組, 前者改經尖沙咀, 219P取消, 219X早繁加密至12分鐘一班,
現在好像仍未有官方消息, 唔係又要等到臨開線前兩日先宣傳呀!

九巴有誠意的話，可提倡各啟德隧道巴士線之間的轉乘，
並提供優惠，轉乘東九龍線，免費，轉乘將軍澳線補差價。

屆時，相信部分樂華、秀茂坪、將軍澳、麗港城搭客會於
中港城選搭14X，於山谷道或九展轉乘13X、98D及219X。

若將93K改行東九龍走廊、啟德隧道、觀塘繞道，則14X
會吸納多一班上秀、寶達搭客。

待高鐵西九站開通後，料會帶旺一眾往返東九龍的路線，
包括14X。

[ 本帖最後由 yevgeny 於 2013-8-27 00:34 編輯 ]

原帖由 yevgeny 於 2013-8-27 00:13 發表
待高鐵西九站開通後，料會帶旺一眾往返東九龍的路線，
包括14X.

都不知開鐵時, 14X 還能生存得到

入油麗得唔得？

原帖由 HG6729 於 2013-8-27 01:00 發表

都不知開鐵時, 14X 還能生存得到

高鐵同14X有關??
沙中線都應該無關係啦...
15X就同沙中線有關...

班次疏、服務範圍少

想輔助14又好多主要地方飛站(剩係頭同尾有幾多客?)
想輔助215X等線，你又唔深入尖沙咀
想比油塘人有車出油尖旺，又唔開上山