入閘機建議

其實我自己用慣左, 就覺得舊機快d好d gei, 又唔駛理d敏感的感應器,  一般人甚至小童老人都ok, 一般亦唔駛點用力推,
問題係有d人拎多野或行李, 用時就無咁方便

開閘式本身唔係唔好, 不過常開閘的確容易引起誤會, d感應器反應亦難d調較, 再講, 近年港鐵好似成日想cut d 閘機,
令D人慢D入閘, 限制月台人流, 速度較快入閘似乎已不是港鐵主要考慮....

原帖由 cheungtszfung 於 2013-8-29 23:28 發表

同埋報章都報過，試過有細路亂走，衝入當時仍為直開之闊閘機中間後突然關閘而被閘板整傷

另回你最後一段，基本上所有公營機構都係咁，雖然MTR上左市，但佢仍有唔少公營機構之官僚僵化...
(好似前線要拎件反光衣要填N張form同 ...

不過這些入閘機通常比較長身，新一代的偵測功能令乘客衝閘到一半位置都會關門。我在日本所見的閘機的

閘板較爲輕盈（有軟墊），加上閘板較小（不像機場快綫的），我試過衝閘幾乎不會被夾到。

原帖由 Dennis34 於 2013-8-29 22:27 發表


早在97年尾，地鐵荔景站因機鐵工程而先有闊閘機，
當時係設定為常開，到後來機鐵通車新站闊閘機啟用有一段時間，
經常有人唔適應，卡未拍好就行而被立刻關閘的閘板撞到，
最後都放棄常開的設定，即使到西鐵通車，
當時九鐵都將門檔 ...

要是自律, 就咩都得, 韓國日本都可以直行直過, 其實闊閘機係有助暢通人流, 所以新站設計都可以擺少幾部機
但本身呢個社會公民質素就係咁, 喺不爭嘅事實下, 只可 "門常關"

不過 "

門常開" 地方唔多, 暫時都係見韓國日本居多, 歐洲大把地方地鐵都係

"門常關" (近郊鐵路開放式系統除外)

而夠自律做到 "門常開" 嘅, 相信台灣都或者可行, 香港就不做不錯, 少做少錯, 唔做唔錯, 新嘢穩陣啦

原帖由 拾顓豭 於 2013-8-31 09:08 PM 發表

要是自律, 就咩都得, 韓國日本都可以直行直過, 其實闊閘機係有助暢通人流, 所以新站設計都可以擺少幾部機
但本身呢個社會公民質素就係咁, 喺不爭嘅事實下, 只可 "門常關"

不過 "門常開" 地方唔多, 暫時都係見韓國 ...

認同，唔止要自律，仲要有自覺，
但唔少香港人係唔會自覺的。

即使再俾提示都有人睇唔到聽唔到，好似撞咗嘢咁，
簡單到用八達通卡搭巴士，拍卡一聽到聲就以為一定ok,
但如果係未能確認而發出音調唔同的聲並亮紅燈，
有唔少人連mon都唔睇就衝上車，到司機出聲要求再拍，
就一定有人嘈話拍咗同黑晒面，嗰啲人明知拍卡要睇清楚同聽清楚，
但無時無刻都認為自己做親所有事都啱唔會錯，
唔係就厚起面皮同人哋嘈同投訴，一定要人哋認衰至心息。

連喺重鐵系統都有類似的問題，拍卡太快或無餘額而閘機出高音的提示聲，
都有唔少人會chok閘桿，換成係闊閘機就可能貼咗前一個人入咗去都唔知。

所以如果閘機常開，有人拍唔到卡就可能有以下情況:
如果因閘機立刻落閘門，而被閘門撞到，
就話點解要咁設定閘機陰人，又唔提佢小心，
又可能話嚇親而去投訴某大日報要索償云云。

如果係閘唔到人而個客無確認而入咗去收費區，
到俾職員查到無記錄，就大大聲鬧人堅持自己有拍卡，
又投訴人哋屈佢欺負小市民更可能狂贈人三字經,
分分鐘要搵區議員伸冤討公道云云。

所以，換轉好多管理層都唔會攪咁多，
唔係就真係自己攪自己，做好事想改善都會俾人鬧無良，
俾人話陰人錢整傷客就無謂，到時就無日安寧。

講到底，香港的公民水平同教育要改善就真，
香港人唔好以為自己一定啱自己一定好過人哋，
唔好再以為呢度真係國際大都會而自滿唔改善自身問題，
唔係，俾幾好嘅嘢俾香港都係徒然。

[ 本帖最後由 Dennis34 於 2013-8-31 22:35 編輯 ]

如果真係咁薄身 又長開 輕鐵裝有冇得諗之前九鐵ban咗裝闡機係因為部機太大 裝唔到好多部同埋會阻塞人流不果其實裝咗對乘客真係有D唔方便 但我係睇唔眼有咁多人逃票

小弟試過係某西鐵站嘅閘機拍卡入站時係冇聲 同埋唔知大家有冇試過你拍咗卡 有正常嘅 '嘟'一聲 個mon 寫著請入閘 但支杆係轉唔到 之後等一兩秒 先過到 呢個情況 小弟試過好幾次都係咁

香港閘門已經叫難推，Paris Metro果隻係咩

日本式閘機的其中一個好處是
鐵路服務有問題或月台有任何意外時可以直接熄左個閘
加快疏散速度