AD7456 長牛巴士正被"肢解", 大家有何意見?

請板友留意回文及評分態度, 特別是站規第39條的規定.

另外本站並沒有規定必須有很特別的內容才可以回文, 任何的資料提供或個人意見皆可發表.

唔係呀 ??
你咁搞不如賣比有心人收藏好週啦..

講真我覺得「財物論」有啲怪, 大家日日喺度講巴士我估冇邊個係巴士公司老闆卦, 咁為巴士公司點樣處理一架巴士討論一下都唔得?  咁點解巴士公司買咩車開咩線討論又冇問題? 如果都唔得, 呢個站係咪只可以講自己擁有的財物還是直情摺得? 咁當然討論得亦自然有支持有反對亦都有不支持又不反對的, 好正常吖。只不過講言論自由的同時, 應該建基於互相尊重、合乎板規, 同埋唔好妨礙他人「合法」發言囉。同埋當口口聲聲話人係歪理的同時有冇想過道理嘅嘢只係觀點角度因人而異而根本就冇正歪之分, 就算人哋真係歪, 都唔駛得理不饒人見人出文一篇鬧一篇啦, 喺旁人眼中係好討厭和好核凸的事呢。

原帖由 ate_58x 於 2013-9-4 12:33 發表
唔係呀 ??
你咁搞不如賣比有心人收藏好週啦..

有心既, 買條殘骸返黎都可以借件起死回生
之前架AD7323被招標出售, 個架只係拆凳拆窗
要起死回生絕對容易過呢架, 咁又有無有心人救返佢?

你間公司點保留我個人就無咩意見，始終部車係你公司自己嘅財物，
講保留我諗除咗政府之外，咩自稱車主嘅人(無買起部車)實際上都要行埋一二邊。


但我只希望貴公司唔走去當部車廢鐵咁拆/賣之後，
過咗十幾年走嚟問我地掛唔掛住部車，想唔想部車出番嚟行。
跟住就求鬼其搵幾部新到無人有嘅車就咁貼貼紙然後扮到乜事都無。

我想講，你咁樣做唔單止傷害緊大家嘅感情，你重係欺騙緊自己。

原帖由 PS8851@182 於 2013-9-4 14:01 發表
人地老奉賣比你？
而家部車係邊個既財物呀？

咁又唔係咁講。

若有人出黎話想用錢買下架車作私人珍藏，我又覺得九巴應該俾下面
同人傾一個合理既價錢。講到尾可以保留(完整地)，總好過得個車頭，
甚至連屍都保唔住。真係有有心人的話我又認為應該大力支持，咁比
強逼物主保留有意義得多。

另在此感謝板主於回文#41及板友syp於#44的提醒及分享。當然我唔
係絕對認同回文#44的意見，但此分享確能提醒本人要注意一下回文
態度。而其實若樓主也抱這份態度的話，相信會得到更多支持。

車頭放得係歷史館,應該係永久展品 ?
其實得個頭唔緊要
最唔希望就係個介紹:「19幾幾年,呢種巴士服務0左好耐」咁樣既野,之後搵一堆黑白照做背景

如果係咁不如整複製品算,何必浪費行得走得既車呢?

原帖由 NA4179x賢 於 2013/9/5 02:26 發表
車頭放得係歷史館,應該係永久展品 ?
其實得個頭唔緊要
最唔希望就係個介紹:「19幾幾年,呢種巴士服務0左好耐」咁樣既野,之後搵一堆黑白照做背景

如果係咁不如整複製品算,何必浪費行得走得既車呢? ...

你唔希望咁介紹，咁究竟你希望點介紹呢？