AD7456 長牛巴士正被"肢解", 大家有何意見?

原帖由 AVW21 於 2013-9-4 15:58 發表
你間公司點保留我個人就無咩意見，始終部車係你公司自己嘅財物，
講保留我諗除咗政府之外，咩自稱車主嘅人(無買起部車)實際上都要行埋一二邊。


但我只希望貴公司唔走去當部車廢鐵咁拆/賣之後，
過咗十幾年走嚟問我地掛唔掛 ...

記唔記得某公司聲稱慶祝80週年搞過一個文物大徵集, 但係佢地自身喺呢一年內已經破壞左兩件文物 (雖然佢仲有幾件雷同嘅晌度).

近年香港越來越著重保育, 但就似乎開始越來越偏激..如都好易見到類似說話:

碼頭唔用返做碼頭, 不如拆左去,
部車要拆頭, 不如用仿製品算
淨係得個頭, 咁同一舊廢鐵有咩分別

我就真係唔太明呢D思想的....我想人希望保留部分舊物去懷緬過去, 見證歷史,
無可厚非, 如果可以做到, 當然原架保留行得走得就最好...但亦要睇返現實同
經濟考慮

值得留意的是, 今次九巴並唔係無啦啦 肢解架車, 走去湯左佢, 而是拆件作香港
歷史博物館的展品, 嚴格黎講, 佢目的本身都是保育, 將巴士元素加入現有的香港
歷史博物館wor....

當然, 在於位置同空間所限, 放唔到成架大巴士...只可以放到頭幅, 我認為是可以理解
接受的, 亦有站友提到, 其實將交通工具肢解放一部分出黎, 係外國亦有例子, 我剛去完
日本鐵路博物館, 亦見到相同情況(這亦非甚麼"香港特色"), 何況九巴仲有keep 到唔只
一架同款車tim...

我唔知樓主想表達d咩, 但有公眾博物館留空間收納巴士歷史真品本身係好事, 點解將重點
只放在"肢解", 而非展出呢...

講得難聽d, 如果根據呢d思維, 當年將呢架全九巴最後一台出牌的Daimler E開頂, 已經係"肢解"
左部分, 仲要將架舊巴士上d 卡通人物上去搞到不倫不類, 都唔係原裝, 不如當年就唔好要佢? 係咪?

[ 本帖最後由 3ASV196 於 2013-9-5 20:31 編輯 ]

其實很簡單一件事：既然二十年來都可以保留整部車，
為甚麼就不能尋求一個可以把整部車完完全全地展出的方法？

難聽點說，不一定要放歷史博物館，
又或者可以研究「改造」一下歷史博物館，
使它有足夠空間吧？
那幢建築物不像放不下一輛巴士吧？

原帖由 238X 於 2013-9-5 23:28 發表
其實很簡單一件事：既然二十年來都可以保留整部車，
為甚麼就不能尋求一個可以把整部車完完全全地展出的方法？

難聽點說，不一定要放歷史博物館，
又或者可以研究「改造」一下歷史博物館，
使它有足夠空間吧？
那幢建築物不像放不 ...

首先第一點我之前提出, 就係事實上, 本身部車已不是完整

第二, 如果真係簡單, 正如你講, 唔放都放左20年, 九巴連拆都
唔駛拆, 理論上仲輕鬆, 如果不一定要放歷史博物館, 也不需
對現況有任何改變, 但點解都要咁做?

現時實際博物館想點放出黎, 呢度未有人講, 你咁問無咩人答到你,
但亦正如我講, "當然原架保留行得走得就最好...但亦要睇返現實同
經濟考慮"

相信無人會反對成個保留係保育層面係更好, 係呢方面上"道德高地"唔難,
但唔係理想化就一定有人同你做, 我只是覺得如果有同款幾部, 部車本
身又已經唔係完整, 咁樣拆頭放入一個正式而公眾可易入的歷史博物館內,
係博物館加入巴士元素向更多人推廣, 比起可能只是一年一次放下出黎, 甚
至最近都未必會放晒, 本身唔係壞事, 亦唔係咁負面吧....

[ 本帖最後由 3ASV196 於 2013-9-6 00:03 編輯 ]

原帖由 238X 於 2013-9-5 23:28 發表
難聽點說，不一定要放歷史博物館，
又或者可以研究「改造」一下歷史博物館，
使它有足夠空間吧？
那幢建築物不像放不下一輛巴士吧？ ...

為左一架巴士走去大改造個博物館, 算唔算係一種本末倒置?

原帖由 teddybus 於 6/9/2013 00:04 發表

為左一架巴士走去大改造個博物館, 算唔算係一種本末倒置?

我有話過要大改造咩？

或者咁講：你 憑咩 認為一定要 大 改造？

原帖由 yoyotown 於 5/9/2013 03:02 PM 發表


記唔記得某公司聲稱慶祝80週年搞過一個文物大徵集, 但係佢地自身喺呢一年內已經破壞左兩件文物 (雖然佢仲有幾件雷同嘅晌度).

      笨問題:兩件文物????????

[ 本帖最後由 NX2844 於 2013-9-6 18:27 編輯 ]

原帖由 teddybus 於 2013-9-6 00:04 發表
為左一架巴士走去大改造個博物館, 算唔算係一種本末倒置?

建造博物館原有目的係收藏文物，如果因為博物館先天設計問題而去破壞文物，我覺得先至係本末倒置。

同故宮唔夠長要將清明上河圖割開一樣。

原帖由 syp 於 3-9-2013 00:03 發表
(1) 倫敦運輸博物館都有「斬頭」巴士展品, 以前係倫敦寶, 而家係 Wright 殼 Volvo, 呢個並唔係香港獨有, 不過嗰啲係唔係真車我就唔知, 煩請高人指教。

嗰架車被人縱火之後燒通頂，得車頭係比較完整
但D550機械上係完整，仲可以做revenue service
﹣

呢批丹拿E係隧道線功臣，更係全英國最後出廠half-cab巴士，意義重大
湯個頭出嚟係乜保育？要全架車行得，俾市民乘坐，先真正有意思，
唔係個個都對住一個爛鬼車頭可以幻想到咁多「那些年」，如果真係得，
咁香港唔駛骨灰位，切先人個頭落嚟擺屋企飯廳啦，咁日日都可以同先人一齊食飯添﹗



[ 本帖最後由 FS1819 於 2013-9-7 17:19 編輯 ]