其實見到咁,都冇話可說,
部車如果機件良好,俾我地坐又應該唔會咁易壞嘅話,
或者可以考慮整啲假日限定,做條觀光短途線(例如旺角至尖沙咀循環線),
至少俾遊客認識同坐到咁有歷史價值嘅車,我地亦可以望下又感受下,
有人話將依批車攞嚟做遊客觀光線,會俾啲遊客整花㗎車,
我個人認為,總好過係車長比賽依啲開放日都唔show出嚟,長年累月擺係廠度鋪塵,
但係既然係唔可行兼唔可能嘅話,
我覺得咁樣做都係不失為一個好方法,起碼唔駛再係廠度"自閉",
有人可能話,寧願九巴將依批車擺係廠度鋪塵,第時有機會見到佢地"散下步",都唔想劏咗佢,
咁九巴而家搞果啲公開場合活動又冇八,九十年代咁多,
其實九巴仲可以保留依批開頂車幾時幾耐呢?
有人話見到唔開心,唔舒服,在所難免,我相信大部份鍾意巴士嘅板友們都感到惋惜,
但係冇辦法,我地又做唔到啲咩嘢,與其係咁,不如將啲難過,憤怒化悲憤為力量,
努力向各大巴士公司,政府重提爭取興建巴士博物館!
但係覺得咁做係講嚟都哂氣兼哂口水,就唯有無奈接受現實吧......
[ 本帖最後由 82M 於 2013-9-9 03:27 編輯 ] |
