建議重組九巴30,32,35S,36A,36B,38A,38,40,40P,42C

原帖由 S3BL100 於 2013-9-13 11:52 發表 http://www.hkitalk.net/HKiTalk2/images/common/back.gif


話時話，如果30食晒39A同33A，荃景圍經西站（去程）、楊屋道、葵涌邨、葵芳去深水步，即係咁：
往深水步方向：http://goo.gl/maps/41gC6
往荃景圍方向：http://goo.gl/maps/8b1bs
兼且加返荃灣區內雙向分段，方便荃景圍落西站、楊屋 ...

但係荃灣返紅磡要兜上新區
感覺上真係好兜

原帖由 LF6277 於 2013-9-13 14:47 發表 http://www.hkitalk.net/HKiTalk2/images/common/back.gif

但係荃灣返紅磡要兜上新區
感覺上真係好兜

假如 30X 都係起返黃埔做總站的話,
問題就已經解決左 ~

33X 變相 target 葵涌客 + 荃灣 <> 九龍 (旺角),
再唔係可唔可以考慮 30X/33X 對掉九龍總站, 即 30X 去九龍城碼頭, 33X 去黃埔花園 ~

原帖由 AVD1 於 2013-9-13 14:57 發表 http://www.hkitalk.net/HKiTalk2/images/common/back.gif

假如 30X 都係起返黃埔做總站的話,
問題就已經解決左 ~

33X 變相 target 葵涌客 + 荃灣  九龍 (旺角),
再唔係可唔可以考慮 30X/33X 對掉九龍總站, 即 30X 去九龍城碼頭, 33X 去黃埔花園 ~ ...

諗到個行法
下路-黃埔-佛光街天橋-旺角/油麻地
橫掂下繁紅van都係用佛光街走人
不過蕪湖街一帶會無車到

[ 本帖最後由 LF6277 於 2013-9-13 19:45 編輯 ]

原帖由 AVD1 於 2013-9-13 13:49 發表 http://www.hkitalk.net/HKiTalk2/images/common/back.gif

假如好似你呢個 plan 咁,
個人意見就係呢條線唔應該行楊屋道而改返行沙咀道,
因為你都已經建議新 30X 行沙咀道, 唔覺得楊屋道同一時間需要有兩條線出九龍 ~

至於去九龍方面, 個人建議放棄大窩口一站換取更加直接 ...

行楊屋道係要同時食埋荃景圍/葵涌邨流水客

另外google map畫唔到德士古道右轉大窩口道，不過如果跟我個畫法就可以單向停仁濟醫院

原帖由 1181 於 2013-9-13 22:03 發表 http://www.hkitalk.net/HKiTalk2/images/common/back.gif


成段野可以掉落垃圾筒(費事侮辱左個回收箱)

1. 30+39A+33A夾埋個班次只係同33A一樣, 而且30來往大連排通勤變左要行多一大段路(除非閣下又雙重標準
牛頭角道行去觀塘道有問題, 葵興路行去大連排道無問題, 仲未計葵 ...

1. 可以行天橋，對通勤客唔係問題，況且30食33A就意味住要做埋葵興邨。
再唔係咪光輝圍U-turn囉，不過我唔覺得好有需要咁做。
同埋新30比舊33A，多左荃景圍，但係少左旺角，開返一樣班次，但係放車俾33X，有咩問題？

2. 我無迴避過仁濟去荃景圍無車的問題，爭在係佢地點揀。我最初就係因為呢個原因而諗住留39A/33A而殺30。
當然仲有個選擇就係39A跟RDP改，殺30，33A照擺如心/西站，只去深水步，
到時就繼續有車出仁濟但係出深水步要轉車，反正跟RDP改30X，都係無車出深水步，佢地自己二選一。

3. 我無反對過237A全日，但係只靠葵盛同葵涌邨找數，我唔知237A會開咩班次，
再者237A繁忙時間只會得一個方向有客，相反33X兩個方向都會有客，情況好好多。
仲有葵涌新區係有聲音想有車出紅磡土瓜灣，你可以自己去區議會網頁搵文件查證。
仲有你都唔好諗住237A全日就代表37可以縮去太子甚至深水步，
因為而家係唔少人貪平搭37出旺角的，37撤出旺角就意味有唔少乘客會被加價（但南行要入埋葵涌邨，根本快得幾分鐘），
但33A情況唔同，有紅小競爭，搞到本來旺角人流應該多過深水步，反而33A深水步客仲多過旺角客唔少，
旺角客走晒去搭紅小。

4. 又係你話紅小唔夠載，瓜荃要開巴士既，呢點我都同意喎。
但係原來你先前個方案係令到荃景圍無全日車出旺角，改完之後就輪到麗城被迫兜路，兼且紅磡無左全日車去荃灣。
仲有何文田紅小只做兩味，再加葵涌，呢D中途客更需要巴士打救，230X作用好有限。
站在土瓜灣角度，6P未必快過6C好多，地鐵通車就可以收工，反正6F/212遲早都係剩一條。
但係33X係開拓新客源，unit revenue一定多過6P，受惠人數又更多，巴士公司一定更有誘因做。
又講真，土瓜灣有幾多人真係要搭41去青衣？如果用41換33X，荃灣葵涌返工消遣人流遠多過青衣，情況又係咪一樣？

5. 新30唔係特快線，根本只能夠同而家30/33A同價，亦唔存在比而家33A兜路，
因為深水步至楊屋道行法根本同33A一樣，唔好無的放矢亂插。
深水步想直入荃灣的話，仲有成大條234X。
至於荃景圍，反正30X重組的話佢地都係無直車出深水步架啦，咪俾佢地揀39A轉234X，定係新30囉，
反正荃景圍最後一條線都無少過。

[ 本帖最後由 S3BL100 於 2013-9-13 23:59 編輯 ]

原帖由 S3BL100 於 2013-9-13 23:32 發表 http://www.hkitalk.net/HKiTalk2/images/common/back.gif


行楊屋道係要同時食埋荃景圍/葵涌邨流水客

另外google map畫唔到德士古道右轉大窩口道，不過如果跟我個畫法就可以單向停仁濟醫院

如果以單向黎講, 個人認為以返荃景圍方向經仁濟個吸引力比出九龍方向大 ~

原帖由 1181 於 2013-9-14 19:27 發表 http://www.hkitalk.net/HKiTalk2/images/common/back.gif

1. 天橋一係去到光輝圍/葵興站, 兩邊都遠好多喎, 同現時葵俊苑站邊個方便啲?
之前都建議過30拉直去深水埗, 完全無閣下呢個打劫荃葵方案既問題
仲方便埋日後重組30X/234X唔經深水埗區, 59A縮線等

2. 如果有辦法可 ...

1. 成個方案我無打劫過荃葵，佢地一架車都無少過，只係同佢地一換一。
只要33A唔改特快（我亦認為不宜直接改特快），再加上234X單向經大河道，荃灣巿中心依然有全日巴士來往深水步，
再者59A據知尚算有錢賺，長遠未必一定縮線。
問題爭在係荃景圍留唔留全日深水步線姐。
倒不如你又諗下，點解RDP建議係30X提速，荃景圍深水步用轉乘，仲要加39A轉234X賣大包，
而唔係234X提速，麗城深水步用轉乘呢？

2. 開39C的話，成件事荃景圍係無損失喎，只係一換一喎，你又幻想人地唔想有東九線？
佢地一係用30換，一係就30食39A同33A換東九線，二揀一，
講白D，你都只係因為深水步少左條線而不滿，將自己的損失講成係人地損失姐。
如果你對於我用條客量稀少的30換39C咁大反應既話，咁學你開234C，一樣係搵麗城甚至深井找數，點解又輪到人地無損失？

3. 咁事實係荃葵長遠應該有巴士去何文田同土瓜灣，因為要做埋葵涌同何文田，
所以無理由直接搵30X改（改路後30X做紅磡荃灣，根本係另一班客），
剩返可以郁既廢線係33A，但33A亦有必要保留葵涌邨/大窩口出深水步，咁唔通仲可以點重組？
不如你又教下我，點樣用33A 37的21架車，拆到條繁忙時間至少20分一班的237A，
仲要37走線唔郁得，唔可以大幅減班啦。

4. 6P又係咪同荃葵土瓜灣新線有矛盾？
仲有而家葵芳葵興無得搭小巴返何文田紅磡土瓜灣喎，
何文田荃灣紅小仲要只做兩繁，呢班客又係咪唔需要服務？
無論最終有無6P都好，地鐵通車後，6C/6F/212個組合最後一定減車，
6F/212最後只能活一條，甚至可能因為開6P而搞到兩條都要死。
咁我將減出來的車拎去開一D一潛力的土瓜灣新線，土瓜灣無啦啦仲因為33X而多左五架車服務佢地，係咪都叫做打劫？
你最多可以話我長遠諗住借33X之刀斬左41土瓜灣段，十架車益返青衣，
但係最後土瓜灣成個組合的實用性係高左喎，而且
去到區域性重組的層次，41呢d土瓜灣紅磡段使用量稀少的路線，下場會係點，你望下77K同277X就明。
換言之，41果十架車最後都係無左，咁何不而家就先部署定一d實用少少的新界西線，
等到時想拎走41都容易D？

5. 又再返到上面個point，你諗下點解RDP係建議30X提速，仲要加39A轉234X，而唔係將234X提速？
仲有呢，其他版友都講左N次，234X而家大涌道直出，你一邊將234X掟上西廊，另一邊加經楊屋道，
呢D唔係叫做提速，分分鐘反而仲慢，已經過唔到麗城果關，仲未計祈德尊無左尾站車直出九龍。
但係荃景圍唔同，30X提速，無左深水步但係同時多左尖沙咀全日，
而且30X本身雙向都要經大河道，唔經荃灣地鐵站但係加經楊屋道，上公路時間其實差唔多，同你咁搞234X又係咪一樣？

[ 本帖最後由 S3BL100 於 2013-9-15 01:21 編輯 ]

原帖由 S3BL100 於 2013-9-15 01:12 發表 http://www.hkitalk.net/HKiTalk2/images/common/back.gif


1. 成個方案我無打劫過荃葵，佢地一架車都無少過，只係同佢地一換一。
只要33A唔改特快（我亦認為不宜直接改特快），再加上234X單向經大河道，荃灣巿中心依然有全日巴士來往深水步，
再者59A據知尚算有錢賺，長遠未必一定縮線。
問 ...

只回應九龍東一點,
好坦白講, 而家西約個邊唔計繁時線黎講, 巴士網路遠比荃景圍廣闊,
如果真係要開九龍東線, 講公平的話, 理應比荃景圍, 甚至海濱都未到西約 ~