深圳M413、M414、M415例如設施改動、通知、宣傳等的視察

深圳最近有一個巴士路線重組，就是在8月31日把310-315環線取消，並開辦M413、M414和M415取代。

根據http://shenzhen.8684.cn/x_44de1e79、http://shenzhen.8684.cn/x_a828d608和http://shenzhen.8684.cn/x_971ee4c8，整個巴士路線重組大致上的概念是把310-315環線在福田和布吉的位置分拆成3條巴士路線，再將它們稍為延長少少藉以例如找合適的位置作為總站、順便服務新的地區等等。結果M413要兜多少少福田的商業區，M414南端只是純粹找附近的車公廟公交總站擺總站，而北端則拉上至甘坑新村才擺總站，M415東端則在布吉果個國鐵站擺總站。M413與M414可以轉乘的位置在招商銀行大廈、深南香蜜立交和特區報社這三個巴士站，M414與M415可以轉乘的位置遍及M415在吉華路的所有巴士站。

至於巴士公司方面就沒有改變，仍然是由東公營運。

這3條巴士路線有了新的服務範圍，但作為東公這個營運者有沒有解讀清楚其優勢並作出適當的設施改動、通知、宣傳等工作呢？這令我很有興趣想了解一下。於是我選擇了在這個巴士路線重組開始實行後的第一個工作日即是9月2日親自前往那些重點的位置了解一下。

由於M413南端的總站聲稱在會展中心，首先我在福田口岸過關，然後搭地鐵在會展中心站落車，看到站內告訴乘客附近的巴士站位置的指示牌仲未加上M413這條巴士路線：



接著我尋找M413的總站位置，誰知原來附近有M413途經的巴士站都仲未加上M413的豬紙，而M413真正的總站其實在這裡：







諷刺的是，這處較接近購物公園地鐵站龍崗線的大堂。

會展中心巴士站仲未加上M413的豬紙的情況：







接著下來搭M413睇下沙井那邊的情況。

M413的收費等級表，非常狹窄的10元的收費等級：



車內只得這張製作差劣的通告通知乘客整個巴士路線重組，唔特登企定look大隻眼都睇唔到：



去到沙井那邊，原來車庫門口的招牌都仲未更換：



東公既車泊街的情況在日間亦會發生：



兩邊總站的站牌都仲未更換：:o





接著下來搭M415去睇下布吉那邊的情況。



M415的收費等級表：



布吉那邊的總站情況好少少，但做出來的質素很差劣，由於後面的站牌只是求求其其用張紙遮蓋舊有310-315的豬紙，一到晚上牌箱著燈就遮唔住，都係現返310-315的豬紙的影像：





而前面的站牌只是求求其其把M415的豬紙遮蓋舊有路線的豬紙，一到晚上牌箱著燈就現哂形，兩張豬紙的影像重疊，令人難以閱讀：



當晚去到布吉既時候已經是10點幾，M414既情況唯在下次再跟。
不過當晚仲有一樣野可以跟的就是立即搭地鐵去購物公園站，然後行到M413南端既總站，睇下M413既車係咪已經走哂。
結果11點去到M413南端既總站，果邊都仲有M413駛走:o，不過果段時間駛返沙井既M413俾唔俾上客我就唔清楚啦。:o
由於驚住冇巴士去邊境口岸而又要幫襯的士既關係，我在M413南端既總站逗留咗一陣就離開，行返出去深南大道原來都仲有巴士去到皇崗口岸。

總結當日的收穫，當香港的巴士公司每逢所有巴士路線重組實行都做到例如新的巴士路線首航之前就已經更換所有站牌的豬紙，在絕大部分相關的站牌都掛上清晰的通告通知乘客相關的改動，在新的巴士路線的巴士上貼上相關的提示牌再次提醒乘客相關的改動，甚至在新的服務站點做埋宣傳工作的時候，原來大陸的巴士公司就連最基本的例如站牌換豬紙，通知乘客相關的改動的工作方面遠比香港的差勁很多。

儘管如此，香港都仲有個別市民無視所有出現在巴士設施上的通告，搭巴士途中發覺行咗唔同既路先至搵carlo求救，這班人絕對應該要深度反省。

[ 本帖最後由 paul2357paul 於 2013-9-30 11:13 編輯 ]

咁夜仲去大王山,真係大膽!! 沙井感覺仲係好亂.

批黃海貼貼紙好核特

原帖由 paul2357paul 於 2013-9-11 09:55 發表
深圳最近有一個巴士路線重組，就是在8月31日把310-315環線取消，並開辦M413、M414和M415取代。

根據http://shenzhen.8684.cn/x_44de1e79、http://shenzhen.8684.cn/x_a828d608和http://shenzhen.8684.cn/x_971ee4c8，整個 ...

師兄真有心
又黎夜遊沙井
不過而家上海賓館去107國道仲有301
但去沙井好似冇車到...

9月14日抽到時間去睇埋M414的情況。這時這個巴士路線重組已經進行了15日。

招商銀行大廈西行巴士站的站牌，有M413和M414的豬紙：



然後行下面的公共行人隧道過馬路，睇到行人隧道內那些無牌小販如何「活化」成「購物街」的盛況：





招商銀行大廈東行巴士站的站牌，亦有M413和M414的豬紙：



然後沿著泰然九路行人去入面的巴總等M414。留意巴士並不是直接從泰然九路進出那個巴總：



巴士是沿著後面的車路進出那個巴總：



有架M414終於來到，M414是用BYD純電動巴士掛牌：







這班M414夠鐘開出，襯住佢埋站位上客這段短暫時間，迅速影低佢車門那邊的膠牌：



點知掛住影果幅相而miss咗果班M414，我立即跑去出面的招商銀行大廈東行巴士站，點知都係趕唔切。
頭先等M414的時候很覺佢班次很疏，驚住等下班M414去到甘坑新村巴總已經天黑，我保鐵去到布吉市區再轉車上甘坑新村巴總，以為快少少，點知原來都係差唔多時間。

不過多了一些額外收穫就是星期六黃昏的龍崗線北行很擠迫，搭地鐵來往車公廟站至布吉站都要俾接近6蚊，比起M414去到布吉山區都只係需要俾3蚊，M414確實是抵到爛，M224（同樣都是從福田區深南大道以南的地區出發，經布吉關去到甘坑新村，不過是從另一個方面上甘坑新村：http://shenzhen.8684.cn/x_1ce6c394）用五洲龍混能車起步很慢。

終於去到甘坑新村巴總，原來這裡是一間車廠，留意乘客可以在車廠門口等巴士，而巴士會駛到車廠入面落客，但並不代表乘客可以在車廠入面停留：





回程搭M414走人，M414那種BYD純電動巴士的電池箱是擺在前面：





M414微調某些站位的通告：



總結：M414用BYD純電動巴士本來是一件好事，但為了要用BYD純電動巴士而搞到班次很疏就真係唔係好妥。

[ 本帖最後由 paul2357paul 於 2013-9-19 14:25 編輯 ]

請問310-315,M413及M415有無行過比亞迪K9電動巴？

原帖由 HE7921 於 2013-9-19 11:21 發表
請問310-315,M413及M415有無行過比亞迪K9電動巴？

我至少係咁多次去深圳study 310-315或者M410系（8月29日、8月30日、9月2日、9月14日）都未見到310-315、M413和M415有用過比亞迪K9電動巴。

如果你真係想知，我諗你要例如去沙井那邊的車廠附近逗留較長時間慢慢study。

不過我相信310-315、M413和M415有用過比亞迪K9電動巴的機會應該不大，因為310-315一單起碼要行足3個幾至4個幾鐘，M413一程最慢是要行足接近兩個鐘，M415一程閒閒地要行足兩個幾鐘，用純電動巴士似乎是太大的冒險。

在香港，想搵各公共交通工具需要官方認可的改動的正式官方通告我們會去運輸署網站，唔知大陸有冇類似「運輸署」的網站可以搵到各公共交通工具需要官方認可的改動的正式官方通告？

原帖由 paul2357paul 於 2013-9-20 07:23 發表
在香港，想搵各公共交通工具需要官方認可的改動的正式官方通告我們會去運輸署網站，唔知大陸有冇類似「運輸署」的網站可以搵到各公共交通工具需要官方認可的改動的正式官方通告？ ...

深圳交委:
http://www.sztb.gov.cn/bsfw/wycx/gjcx/cxtx/201308/t20130830_22444.htm
亦有APPS交通在手下載
做得好過香港TD!

9月20日抽到時間去睇多次M413和M415的情況。這時剛剛好是中秋節翌日，可以順便睇埋深圳的公共交通服務在中秋節時期有冇加強服務。

首先我經過其中一個羅寶線的車站，見到入口的顯示屏仍然有顯示昨日的加強服務的通知：



跟著搭M413，遇到那架M413通知乘客整個巴士路線重組的通告貼得較低：



去到沙井那邊的總站一帶，車廠門口的招牌仍未更換：





上次睇漏了這點，原來這邊乘客都可以在車廠門口等巴士：



兩邊總站的站牌都仲未更換，睇黎好似香港果個新世界中心巴士站咁樣，要等好耐先至改名：





原來東公既車泊街在傍晚開始：



跟著大約在六點半開始搭M415，估唔到搭到第二站已經多人到頂閘，去到公明先至冇咁多人。

去到布吉那邊的總站，誰知原來那些站牌都仲係維持著如上次求求其其遮住舊有310-315的豬紙就算的狀態：:L









我留意唔到巴士路線有任何加強服務的跡象。

順便行返去吉華路果邊感受下當地在中秋節翌日的氣氛。

當晚鐵西路被劃為行人專用區，布吉市區又有一個好去處：