有線新聞背景同開場音樂回顧

有版友對有線新聞主播好有興趣, 我反而對佢開場音樂, 短片同背景有興趣, 唔知有無朋友可以比多少少資料參考呢

我係有線開台1年後睇既, 當時新聞開場短片係主要以放大鏡, 展示記者採訪既片段, 呢個時間亦係有"唔同時段, 唔同開頭片, 唔同音樂"既政策, 大約係6點11點一個, 12點至17點一個, 18點至翌日5點一個, 早午版本相近, 都輕柔舒服, 晚上就剛強明快, 節奏感足, 背景以灰色為主

約95-96年換左一個係以方形為主, 除左新聞記者採訪外, 就有主播同編採幕後景, 都係唔同時間, 唔同音樂, 音樂都無變, 但就分開深夜時段0點至5點, 音樂比早午版更輕柔, 特別係最後5秒就更有新既音樂混音, 好有心思, 但呢個維持時間亦最短

96-97年換個新既, 我叫佢地球, 一開始就張有線logo最入面果個變做地球, 閃一閃後就有幾個小片段, 好記得第一個係解放軍武術集體操, 之後就係解放軍台海演習射導彈, 之後好似係台灣立法院衝突, 最後就係飛行服務隊響八仙嶺救人片段, 由呢個時候開始, 就24小時一樣片頭, 一樣音樂, 主播亦開始坐側面, 背景早午黃色, 晚上藍色, 見唔到新聞中心內既活動喇

到99-2001年左右, 又簡單左, 就係一個上午淺綠, 配日間維港照, 晚上就藍色配晚上維港照, 音樂亦只剪剩以前音樂的最後一段, 但混音輕鬆, 亦係聽講當時最多人鍾意既版本

自有線新聞2001年數碼化後, 就一直用呢個開場版本, 好多人當時覺得, 呢個新聞開頭音樂無重點, 無特色而有唔少意見, 但呢個亦係維持得最耐既開場片段同音樂

其實有時候, 新聞開頭片段幾重要, 係一個靈魂黎, 可能有d人靜係掛住睇靚主播, 但好似中央台既長號開場白, 無線既開場音樂可以成為唔少手機鈴聲, 亞視當年新聞明星化失敗後, 都用返原本既開場音樂, 可見開場音樂既重要. 我有段時間響學校睇唔到新聞, 但有晚突然12點聽到無線新聞台歌時, 都會有種感動. 可能移民左去其他地方既人, 聽到無線新聞台歌, 都會有一樣既感覺

反而係香港24小時新聞始祖既有線, 係將新聞台歌簡單化, 平凡化, 開台片段亦愈來愈簡單時, 如果真係有人要長時間睇新聞既, 或者係好似我呢d有新聞音樂開頭片"怪癖"既人, 真係覺得好悶, 亦響呢5年無乜變化時, 相對會有少少失望

雖然我明白新聞重要性係做好一段新聞, 呢d只係點綴, 但如果點綴都可以做好d, 可能睇既都開心d

我反而覺得而家有線新聞開場音樂
個節奏感比無線亞視快
符合到個口號「更快更新」的感覺

順帶一提近年有線新聞開場音樂前的提要
通常都被拉長, 尤其晚上黃金時段

我反而鍾意最後報外面或世界天氣果首背景音樂

原帖由 limited 於 2006-3-26 17:38 發表
我反而覺得而家有線新聞開場音樂
個節奏感比無線亞視快
符合到個口號「更快更新」的感覺

順帶一提近年有線新聞開場音樂前的提要
通常都被拉長, 尤其晚上黃金時段

當然我都明, 更快更新既口號同呢個音樂幾貼切, 但就無比人深刻印象, 唔會一播就知道係有線新聞囉

反而係無線亞視有呢個感覺嘛

如果係講台歌簡單易記, 鳳凰既都幾好

原帖由 wesley 於 2006-3-27 00:07 發表
如果係講台歌簡單易記, 鳳凰既都幾好

你指鳳凰資訊台整點新聞o個個?

但係鳳凰中文台o既快報, 時事直通車, 早班車, 子夜快車
每樣開場音樂都唔同
可幸唔係成日改, 都仲可以分到

資訊台那個每小時新聞

原帖由 B12 於 2006-3-26 21:50 發表
我反而鍾意最後報外面或世界天氣果首背景音樂

係呀係呀
果段音樂真係勁正

原帖由 wesley 於 2006-3-27 00:07 發表


當然我都明, 更快更新既口號同呢個音樂幾貼切, 但就無比人深刻印象, 唔會一播就知道係有線新聞囉

反而係無線亞視有呢個感覺嘛

如果係講台歌簡單易記, 鳳凰既都幾好

如果講辨認, 我覺得而家果個都ok
起碼一聽到我會知道lor, 長響
但反而果種fresh同速度同實時感就係的確唔夠既...

我都鍾意新聞音樂的

P.S.: 有線新聞個口號係「最快.最新」......

How abt Now BNC and ATV 24?
I think BNC's is quite a good one