[新聞] 配合閘門工程 東鐵及馬鞍山綫月台須加固

原帖由 3asv322 於 2013-9-13 21:46 發表
的確60年代美國阿波羅計劃由1961年甘迺迪總統提出，到1969年第一次成功登陸月球只是用了八年；
在五十多年後的今天，港鐵於2013年起幾個閘門都要搞七年

前者有競爭（與蘇聯太空競賽）；後者單一企業壟斷兼計算最佳建造成本（一併改造候車月台）。

原帖由 h2o 於 2013-9-12 23:12 發表
個人比較關注數字所反映的：
53個月台, 其中馬鐵 18 個, 東鐵邊境至旺角共 35 個, 即是紅磡唔包?
同埋2300對門, 馬鐵8卡共720對, 剩低除開35個月台同每卡5對, 即是暗示每個東鐵月台都係9卡? ...

1. 紅磡應該係跟新站....

2.

一般工程做法，合約點寫還合約點寫，

有乜加改，可以係 additional order 出

又或者落 tender 時預留一個 separate item...

原帖由 UCR683 於 2013-9-13 21:55 發表

前者有競爭（與蘇聯太空競賽）；後者單一企業壟斷兼計算最佳建造成本（一併改造候車月台）。

我當前者一日做十二個鐘
後者收車之後做得四個鐘
（收車之後開始準備，通車前清場，無左一個鐘）
仲要研究登月係不可以幾樣一齊做
工程要等上一個步驟完左先得
都差好遠下喎

原帖由 3asv322 於 2013-9-13 21:46 發表
前立法會議員鄭家富曾經講過人類都去到月球,搞幾個閘門都搞唔掂......
的確60年代美國阿波羅計劃由1961年甘迺迪總統提出到1969年第一次成功登陸月球只是用了八年,你港鐵在五十多年後的今天2013年起幾個閘門都要搞七年到2020年,難道這項工程真的難得過登陸月球???.

裝閘門係咪難過登陸月球我就唔知，我只係知道，
億億萬萬的「技術困難」、十年八載計既施工期，只會出現在月台閘/幕門、車站公廁、仲有......沙中線。
起MTR shop呀、車站上蓋十幾、幾十幢屏風樓呀、仲有......膠鐵，就永遠冇一絲一毫「技術困難」，兼效率奇高。
唔講到登陸月球咁遠，剩係睇下膠鐵由垃圾會通過(2010年)，到預期通車(2015年)，都只係五年。
係咪起成條膠鐵，仲難過裝閘門呢？
上面講緊乜自己參透下.....

原帖由 mckhgc 於 2013-9-19 19:29 發表



裝閘門係咪難過登陸月球我就唔知，我只係知道，
億億萬萬的「技術困難」、十年八載計既施工期，只會出現在月台閘/幕門、車站公廁、仲有......沙中線。
起MTR shop呀、車站上蓋十幾、幾十幢屏風樓呀、仲有......膠鐵，就永 ...

現有既野做改動,仲要唔影響到日常運作,永遠都耐過由冇到有架啦,你起條青馬大橋,都冇重建一條屯門公路咁耐啦下話

東鐵唔起幕門住我明，但為什麼馬鐵個邊合併左咁多年仲唔開始呢？
應該可以邊起幕門邊擴建月台。

原帖由 b123as 於 2013-9-22 16:00 發表
東鐵唔起幕門住我明，但為什麼馬鐵個邊合併左咁多年仲唔開始呢？
應該可以邊起幕門邊擴建月台。

擴建月台後的停車位置門位未必對得到現有位置，咁即係又裝又拆又再裝貪好玩咩。
要裝都係一次過裝，如果唔係分兩批買咪仲易出問題……

原帖由 mc_ruby 於 2013-9-12 23:23 發表
睇now果段新聞話一個月台要半年時間,,,,
其實東鐵有d多過2個月台ge站,係咪可以做到封左整個月台,在日間進行工程,縮短時間呢?

第一，日常運作上係需要於繁忙時間及避直通車時用果啲月台。
第二，一邊上落客，一邊圍板做工程，東鐵啲月台唔同西鐵，根本冇咁多空間做到，再講，仲有噪音同安全問題，增加工程難度及價格。

原帖由 toyl 於 2013-9-22 18:09 發表

擴建月台後的停車位置門位未必對得到現有位置，咁即係又裝又拆又再裝貪好玩咩。
要裝都係一次過裝，如果唔係分兩批買咪仲易出問題……

據今日搭馬鐵，無意中留意到第一城站至大水坑站月台邊緣位置原有的防擅條部份已被拆去，而所有拆去的位置均為車門與車門之間的位置，未知會否是邊

擴建邊裝車門?

原帖由 ctb8107 於 2013-9-23 13:21 發表

第一，日常運作上係需要於繁忙時間及避直通車時用果啲月台。
第二，一邊上落客，一邊圍板做工程，東鐵啲月台唔同西鐵，根本冇咁多空間做到，再講，仲有噪音同安全問題，增加工程難度及價格。 ...

其實可以的話，承建商一定寧願在日間圍板工作，


1. 噪音問題
晚間工程需要申請 CNP (construction noise permit),
限制遠大於日間，
而且一晚一個工地只能開一至兩組機械，
也不能長時間開動，
相反，日間工作可以"疊人堆"，同一時間開兩三支風炮打拆絕不為奇。

再者，晚間被投訴的機會遠多過日間
小弟試過做一個趕工的工地，一晚被人投訴三次
每次投訴都要停工再花時間解畫/查牌..
搞得黎都收工


2. 工作時間
港鐵路軌晚間可以工作的時間應該就只有兩三個鐘，
七除八扣可能就只有個多小時，

日間即使扣除上下繁時都最少有五六個鐘...
加上夜班地盤工人的人工遠高於日更....
(街外係最少 1.5 計，OT / 趕工係直頭當雙工..
當然，返長夜可能有得傾..)

Contractor 一定寧願花時間在安全文件身上..
問題應該只在於港鐵是否會批准