[新聞] 配合閘門工程 東鐵及馬鞍山綫月台須加固

原帖由 Kaix 於 2013-10-14 11:34 發表
都唔明有d人咁心急做乜, 幕門/閘門唔係必需品, 有當然好, 但有係bonus冇亦問題不大,
遲多幾年完成講到好似係鐵路公司草菅人命咁, 喂跳軌自殺係錯在自殺者身上喎,
真係有人係無辜辜俾人推落路軌??

懶係關心人命就唔 ...

不如反轉睇返, 有左幕門/閘門, 除左增加安全性, 亦是保護緊鐵路系統免受干擾, 無錯, 跳軌自殺
係錯在自殺者, 但 跳軌後果可以係引致較大延誤, 所以本身幕門/閘門除左保障乘客安全, 同時亦係
保障緊鐵路服務, (有冷氣月台仲可以節省冷氣)

當然, 正如閣下所講, 幕門/閘門有當然好, 咁邊有人會唔想要, 要求盡快有亦是正常吧.....如果同
世界不同地方比較, 新建車站用 或 加建 幕門/閘門, 亦是世界方向呢....

剛剛係成都, 都見到有巴士站(算係新系統)加閘門....當然, 巴士同鐵路比, 鐵路, 尤其重鐵, 需要較
長剎車距離, 這個相信亦是考慮之一

[ 本帖最後由 3ASV196 於 2013-10-15 08:23 編輯 ]

拗咁多做乜，一句到尾就係經濟原因，
馬鐵要等八卡月台起好一次過裝，
東鐵要等新車拍板，如新車門位不同就要舊車全退先可以裝，
唔想又裝又拆、唔想裝一半唔裝一半，就係咁簡單。

東馬鐵裝閘門慳唔到冷氣，又唔係親生仔，港鐵裝閘門的誘因係極極極低。

對港鐵而言，保障乘客安全從來只是對外宣傳的公關伎倆。
就算真係想防止跳軌／闖入路軌，佢只係唔想搞到佢delay又冇生意做又要出證明書咋。
人地上市公司，同你講心呀？

[ 本帖最後由 DIH 於 2013-10-15 10:22 編輯 ]

原帖由 Kaix 於 2013-10-14 11:34 發表
都唔明有d人咁心急做乜, 幕門/閘門唔係必需品, 有當然好, 但有係bonus冇亦問題不大,
遲多幾年完成講到好似係鐵路公司草菅人命咁, 喂跳軌自殺係錯在自殺者身上喎,
真係有人係無辜辜俾人推落路軌??

懶係關心人命就唔 ...

係囉, 我都唔知你最鐘意的東京地鐵/JR/大手私鐵 做咩要裝閘門
仲要諗埋點樣對應三門同四門車

好心佢地就咪鬼裝啦, 反正跳軌自殺係錯在自殺者身上喎, 真係有人係無辜辜俾人推落路軌??

原帖由 JF1261 於 2013-10-15 11:48 發表


係囉, 我都唔知你最鐘意的東京地鐵/JR/大手私鐵 做咩要裝閘門
仲要諗埋點樣對應三門同四門車

好心佢地就咪鬼裝啦, 反正跳軌自殺係錯在自殺者身上喎, 真係有人係無辜辜俾人推落路軌?? ...

我已經講左有閘門當然好, 你無謂夾硬搵位入我
而且東京2000個車站入面有幕門閘門的車站只佔極少數

但係咪明知依家裝完好快又要再拆再改, 都係要即刻裝??

如果俾著係香港, 我絕對相信早幾年會有人剷東急唔為即將廢止的東急涉谷站裝閘門,
插東急只重視經濟效益而妄顧人命

[ 本帖最後由 Kaix 於 2013-10-15 17:24 編輯 ]

原帖由 ATE24 於 2013-10-15 00:44 發表

http://goo.gl/gX4t4m

紐約有名你叫, "罪惡之都", 多癲佬癲婆多乞衣多暴徒, 車站又窄又舊

香港東馬鐵又唔係唔起閘門, 只係有明顯的經濟效益因素而要等多幾年先有,
cost vs benefit, 香港的非自殺墜軌意外率低(或無)自然拉低個benefit, 月台狹窄位相對上少亦拉低個benefit,
即使東馬鐵非自殺墜軌意外高到一個月幾單, 我相信都只會在非門位的黃線上加裝鐵欄直至沙中就算,
因為起完成套閘門無幾耐再拆再改的cost實在太大, justify唔到個benefit

講經濟效益vs人命, 直接同人命有關的醫科就有一part叫Health Economics,
香港為數不少的"理想主義"人士一定好驚訝, 人命竟然同經濟效益掛鈎, 仲要在醫科教,
醜陋d講就係醫療系統邊類人值得醫同邊類人唔值得醫, 邊種藥值得資助同邊種藥唔值得資助,
明知有種藥可以醫得返一個人, 但因為種藥不在資助名册下而家屬又俾唔起錢, 唯有等死,
係咪好醜陋?? 但資源有限, 冇左Health Economics, 死嘅人一定仲多,
一股傻勁勇往直前的"理想主義"人士(不要對號入座)只會好心做壞事

[ 本帖最後由 Kaix 於 2013-10-15 17:44 編輯 ]

原帖由 Kaix 於 2013-10-15 16:48 發表



我已經講左有閘門當然好, 你無謂夾硬搵位入我
而且東京2000個車站入面有幕門閘門的車站只佔極少數

但係咪明知依家裝完好快又要再拆再改, 都係要即刻裝??

如果俾著係香港, 我絕對相信早幾年會有人剷東急唔 ...

東鐵其實可以等9卡化先裝

但馬鐵點解唔一通車就裝?
改8卡原本果4卡閘門都可以用得返的

原帖由 053h4 於 2013-10-15 17:55 發表
講咩Health Economics, 咁講經濟無形之"爪", 好似美國原本咁, 四千萬人無醫保自然逃汰咪夠晒經濟LOR
洗咩講咁多野?
好似香港樓市咁, 十年前正常人都知唔夠地唔賣地, 起樓起晒大單位一定供應欠缺
而家屈晒係擋房, 呢D ...

舉個簡單化例子, 你間醫院有budget一千萬,
用特效藥可以幫一個病人續命一年, 但特效藥需一千萬,
而一千萬可以幫N個其他病人換肝換賢續命10年,
醫院的醫生同管理層每日都要做好多呢類型決定,
但香港人就會話醫生職責唔係盡力救每一個病人咩??

原帖由 JF1261 於 15/10/2013 19:22 發表

但馬鐵點解唔一通車就裝?
改8卡原本果4卡閘門都可以用得返的

車頭 / 車尾的閘門到擴建時必然大執，
個 effort 同從無到有可能分別不大，
俾我係港鐵都會多一事不如少一事喇

原帖由 JF1261 於 2013-10-15 19:22 發表


東鐵其實可以等9卡化先裝

但馬鐵點解唔一通車就裝?
改8卡原本果4卡閘門都可以用得返的

馬鐵通車時（2004年12月）兩鐵都未合併（2007年），有不滿請向田少投訴
係，早一個月通車的尖東站（2004年11月）有幕門，甘係米只有上市公司才會計盡成本效益？
不過當時的practice就係沒有冷氣的月台就不裝幕門，兩鐵都一樣。

p.s. 敵視你線是2005年通車的