新巴上寶馬山經常唔夠力死火

原帖由 lmf3927 於 2013-9-12 21:52 發表

坐過ZF波箱trident既人都知道呢堆車一定上到，其實個波箱有甚麼分別可以差咁遠?

三波躉係細尾牙,而且佢特性比TD豪更極端。

新巴三波躉重磅上唔到斜的問題, 唔止出現在炮台山道, 連行西貢公路的792M, 都有同樣問題。

TD上大斜, 城記最差嗰部, 衰極上大斜點都捱得到, 但係三波躉係就真係有機會上唔到條斜
我見識過1189@792M就見識過。

就算九記, 以前三波躉掛258D時, 我就睇住某架電牌三波躉, 頂閘小欖上斜由70趺到得15...

以前81A派33XX上山不知幾爽
可惜載得少人,,,,,到太古都差唔多頂閘

90xx 近年就點都唔係快，不過就真係甚少要中途落車，有都係因為前面人地出事而落定車，唔計 15xx 33xx，五至十年前既 3xx 同 22xx 就真係炮台山道快車中既快車


50xx 90xx 甚至 60xx 就算蟻躝到 1 波油壓 10 kph (起碼 06 年搭 90xx 好多都連 1波油壓轉數錶中轉都未到) 上山，都可以接近 10kph 上完
部分司機會係臨到炮台山頂個十零秒熄冷氣，一熄冷氣全車百幾人真係幾秒內已經覺得好焗促，但都只係十零秒之間既事
況且其實大部分情況下熄左冷氣架車都唔係真係好力左幾多，調轉頭講即係其實唔熄都唔會話慢到上唔郁，都一樣躝到上去


咁多年 (唔只 10 年，淨係上報已經係 11.5 年前既事) 就只有 3 波蠆係華潤超市對面 (即巴士站前一個車位) 熄著冷氣起步，大家企係車頭望著錶版枝針好似做戲咁起步升到 10-15 之後一路倒數返落去
15......10......5 咪錶讀數跌到無得再跌但引擎聲再繼續低音落去，最後成部車打晒冷震，司機急剎車，熟練咁開晒兩道車門
全車人表情都係習以為常咁，係司機例牌講句 "大家落一落車先，陣間轉左上去再上返車" 時已經自覺落車行緊上山
(尤其張記師生，因為絕大部分機會係大家落車行上山入到學校門口都重未聽到出面斜路有巴士上緊斜既聲，
甚至係繼續聽到一架 3 波蠆引擎維持中低轉但轉數慢慢下跌最後變成一下好急促既剎車同手掣聲，係走廊望著剛才架巴士連上下層既乘客都要落埋車既情景)
通常後車如果係巴士都係兩種反應，一係打定死火燈開窗同後車打手勢隨時要成隊車倒後等前車助跑
一係渣著 3 波蠆本身留定位助跑並有自知之明/信邪既司機開埋門叫埋自己部車既客落車，實戰經驗唔信邪既司機往往因為自己部車都咁岩無力上斜死火而引起公憤


TD 上斜真係一部部，當年 hkbdb 講除左 3 波蠆之外最常係斜路死火就係 TD，尤其 12 米
不過個人估計有機會同偷位太少加上中軸轉向架車轉得太近彎心車輪空轉有關 (因為 3xx 都試過係個度出事，唔係無力上，而係好似車轆打滑咁好快扯到非常高轉但架車唔係好出到力)
搵 3A 黨 50xx 60xx 上最多都係水滾或者燒左機件，衰衰地都去到巴士站擺正架車先放客，唔會阻著成村人
(騷眼睇落較好力既康偈 4xx 就係成日係斜路巴士站壞車過客既車種之一，反而 90xx 最後一定躝到上去相安無事)

我日日坐新記Voith躉上柴斜又唔見有問題？

原帖由 ksmbh 於 2013-9-12 23:00 發表
今朝私家車單野原來關巴士事?!
但係點樣搞到私家車炒?

成抽車過對面線上炮台山道而係路口撞車，我係學校都聽到炒左
最後成個路口塞多幾個字

原帖由 HB00610 於 2013-9-12 23:15 發表


三波躉係細尾牙,而且佢特性比TD豪更極端。

新巴三波躉重磅上唔到斜的問題, 唔止出現在炮台山道, 連行西貢公路的792M, 都有同樣問題。

TD上大斜, 城記最差嗰部, 衰極上大斜點都捱得到, 但係三波躉係就真係有機會 ...

早期voith躉一波"超長氣"由當年新車落地至今啦, 聽講能扯到50kmh+, 換著較新的車隨時已行緊四波甚至五波了
咁長氣的波段即係話波牙偏細, 自然拖累上斜表現

城巴行voith的volvo又係咁, 兼且豪偈天生細馬力, 平路極速算高, 但一上大斜路就死晒狗
當年住南區都見無數次上長命斜被雞車爬頭啦(近年就唔清楚, 好少坐佢地上斜)

講講下記得當年ML都係平路快上斜虧.又係細尾牙造成吧

原帖由 nwfb1644 於 2013-9-13 03:38 發表
我日日坐新記Voith躉上柴斜又唔見有問題？

炮台山道斜度 1:8
柴灣道斜度 1:10

再黎多一條：
香港仔水塘道 1:5

我唔知香港仔水塘道會唔會令部車死火
但就肯定係蟻步

至於炮台山道同柴灣道
滿載時其實上山情況都係無分別
分別在於炮台山道有個髮夾彎
0個個髮夾彎仲要係一邊斜路一邊平路
相對地仲斜過普通斜路
加上一定負載
隨時跪低

其實10,30,50行82上柴灣道都係蟻步
30差過10
坐過最惡劣 0既係3033行82 (5km/h)

柴灣道行得最快 0既新巴路線
應該算係106

柴灣道個人推薦：1117
高載時上斜表現算係唔錯

原帖由 1005 於 2013-9-13 09:50 發表

香港仔水塘道 1:5

我唔知香港仔水塘道會唔會令部車死火
但就肯定係蟻步

上得香港仔水塘道都已經返緊總站, 一定唔好似炮台山道頂住閘上

咁如果用turbo M上炮台山道唔知有幾快呢？(只知載滿人既情況下都可以用4波接近60km/h既速度上晒1:10既荃錦公路)