路門路與龍富路之迴旋處將改為紅綠燈

迴旋處不是比紅綠燈更有效率嗎?

原帖由 Seiko 於 2006-3-26 10:53 發表
迴旋處不是比紅綠燈更有效率嗎?

如果好多條路鍊埋一舊就一定係迴旋處好，
但三叉路口效果未必咁顯著。

而且迴旋處佔地比紅綠燈大。

我寧願用紅綠燈，
過往這裡發生好多交通意外。

反而不明為何在這個路口, 龍門路要轉上龍富路? 這樣令交通燈需要三步驟.
如果龍門路不允轉上龍富路, 交通燈便可設置為二步驟, 增加效率

原帖由 barking 於 2006-3-26 15:53 發表
反而不明為何在這個路口, 龍門路要轉上龍富路? 這樣令交通燈需要三步驟.
如果龍門路不允轉上龍富路, 交通燈便可設置為二步驟, 增加效率

世界上最有效率既道路係迴旋處、交通燈都無。
如果要係度整，龍門路轉上龍富路可以天橋或隧道代替。（有無可能另話）

如果唔得，我建議咁做：
1. 龍門路不得在前迴旋處左轉龍富路返龍門路
2. 設兩組過路線係迴旋處西南方同東南方
3. 落三組交通模式
a. 車可以係龍富路北行可直行及右轉龍門路，行人唔可以過馬路
b. 車可以係龍富路南北行直行，東南方既行人可以過馬路
c. 車可以係龍富路南行左轉龍門路或由龍門路右轉龍富路，西南方既行人可以過馬路

不過，我唔係好明點解唔整天橋或隧道？可能又係錢既問題

如果你去過, 睇到D路既高低分配
就會明白點解唔起天橋/隧道

之所以要改做燈
係因為地勢問題
令龍門路出碼頭(即往龍富路方向)
要上一個急左斜彎
未上完斜就到路口讓車線

唔熟路會好易DUP唔切

再加上因為咁而出過嚴重致命交通意外
冇辦法之下先裝交通燈

原帖由 ChickenTong 於 2006-3-26 13:07 發表

政府做既野永遠都係出人意表...估佢唔到囉..

其實咁多位板友批評此工程，其實你地去過呢條路未?
可能龍富路無巴士行，大家唔知條路好有問題

往龍鼓灘方向條路又直又闊又無車，以為整部假狗白鴿籠係度就嚇到人
d 司機唔知就直撞落迴轉處

唔止龍富路外，蝴蝶灣以後o既龍門路都係咁，又直又闊又無車
又會有兩個迴轉處係度

根本依度之前發生過頗多 o既貨櫃車翻側意外, 所以先至會改交通燈。
同埋須知道 o的泥頭車司機、貨櫃車司機出迴旋處係唔會讓,
大家鬥快食位之下引致車速過高, 容易造成交通意外。
之前試路個陣仲專登搵左架鐵巴黎試添。