中秋節正日傍晚，城隧往沙田方向出現罕見的嚴重擠塞

又真係幾誇張，城隧口去到沙田市中心竟然花上數以鐘頭計。

最奇怪的是，架巴士碌到沙田市中心我都睇唔到嚴重擠塞的原因。

昨晚7時前，於觀塘道啟業邨附近都出現嚴重擠塞，
巴士由牛頭角總站出到啟業邨需要25分鐘(行路仲快)，
後來發現只有觀塘繞道往大老山近麗晶入口塞車，
好多私家車塞上觀塘繞道往沙田方向，唔知係唔係好多車入沙田，所以擠塞。
(但彩虹邨上大老山支路又唔見擠塞喎)

四點幾搭車經過 , 當時龍尾都已經差唔多到隧道口 , 傍晚更加塞車係意料之內
沿頭應該係交通燈問題 , 放唔切車

每逢大時大節，傳統習慣需要回家做節吃晚飯的日子，市區入沙田的道路都是份外擠塞的。

前年我中秋放工渣車經城隧又係塞到爆廠.
好鬼衰,象鼻山路入口一粒車都冇,引左我入去, 上到山先知龍尾o係禾宜合. 原來間封進行中

尋晚o係西環放工(1645),所有西隧線已淪陷... 唯有叮出金鐘 (5X都唔敢等)
搭681由金鐘返耀安都用左兩個鐘 (1736上車). 享用了東廊+觀繞套餐 (東隧+老隧)
個司機已經算醒,在東廊 last minute先cut 入東隧線,爬左前車,追到前前車

老隧於大約19:30實施3線入沙田, 如果早尐就好喇

原帖由 ryulky 於 2013-9-20 11:52 發表
前年我中秋放工渣車經城隧又係塞到爆廠.
好鬼衰,象鼻山路入口一粒車都冇,引左我入去, 上到山先知龍尾o係禾宜合. 原來間封進行中

尋晚o係西環放工(1645),所有西隧線已淪陷... 唯有叮出金鐘 (5X都唔敢等)
搭681由金 ...

我記得有一年中秋在IFC 收1800, 走去搭681。在香港站開1815, 2030先到曾壁山, 返到錦龍已經2045。
在港島段無問題, 但一上東廊就中伏, 一路塞到去大隧入口。

尋晚收1840, 原本計劃在香港站搭MTR去荔枝角轉邨巴。點知去到荔枝角時, 司機話無客不會開車入馬鞍山。
好彩我有plan b, 行返出去搭286x再轉803。

坐803 去到曾壁山已經2000, 仲見到部新記680x (不知開1745/1755)。
尋晚咁樣行, 由中環返到馬鞍山都要80 mins, 但無遇到塞車。

[ 本帖最後由 drbean7218 於 2013-9-20 13:00 編輯 ]

原帖由 hon_son_wilson 於 2013-9-20 09:29 發表
昨晚7時前，於觀塘道啟業邨附近都出現嚴重擠塞，
巴士由牛頭角總站出到啟業邨需要25分鐘(行路仲快)，
後來發現只有觀塘繞道往大老山近麗晶入口塞車，
好多私家車塞上觀塘繞道往沙田方向，唔知係唔係好多車入沙田，所以擠塞。
(但 ...

仲有個中秋例塞位：彩虹交匯處

中秋十條有八條路都塞架啦

個個都揸架私家車出黎, 唔塞就奇
情況好似個個人都同時間去銀行提款, 咩銀行都擠堤啦

尋晚周圍都斷哂纜, 真係有怪莫怪

其實都唔係幾罕見, 大時大節又或者早打風早收工, 只要大圍方向落橋燈位, 或耆文化博物館外疏唔切車, 車龍就會倒灌返去城隧轉車站, 呢段路閒閒地都塞返個幾鐘