小弟原本都打算開首席愛車既生日post,不過見師兄已經開左post,咁就費事開post,係度同愛車慶生日好過啦. (以下長文,敬請留意!!)
講起愛車2127,其實車牌號碼係小弟既生日日期(2/27)
當年係初中生既小弟成日搭27號,而有次坐中2127,一來比佢唔同既下層座位佈局所吸引,二來當日掛牌師傅非常好人,待客有禮.(即相熟師傅)
落車個陣,師傅同我揮手bay bye,車牌又係小弟生日日期,因此對我黎講,2127既首席愛車地位無可取代.
剛新入中學交通學會既小弟認知唔多,只好問同學究竟HJ2127既資料,得知原來佢係全球第一部特低地台巴士(根據英國官方,呢度又係板友們爭議既地方)
剛剛初中入行,該位好人師傅成日渣2127,所以小弟去旺角補習之後都會特登等2127.
後來四廠大地震,原本係27掛牌既2127對小弟黎講就有如被發配邊疆,轉做89掛牌. 
其實又有邊個想自己既愛車離自己而去?感恩佢只係去左跑沙田,要講bye bye都起碼兩年後既事~(如無撞毀)
話咁快2127就16歲啦,雖然佢炒過兩三次,力水又唔夠其他同期既量產兄弟黎,又有行家話佢虧虧地,但小弟依然咁愛佢.(當然唔少得副唔同D既偈聲啦)
相熟師傅話佢出年6月就退休,歲月不止不留人,連車都不留.
重貼舊作(相片依年份順序排列)
昔日既焦點,昔日既一哥,都會比時代既轉變而變得黯然失色,但對小弟而言,2127依然係一部好既樣板車,
亦係前期低地台巴士既其中一位元老級前輩!
點都好,你16歲啦,希望你可以繼續為大家服務,前一日祝你生日快樂 (車牌首次登記為1997年9月22日) |
