點解金公司車長對駕駛室裝閉路電視咁反感?

對面新城都有裝, 車長們不知幾支持, 上次8號柴灣道失控撞死人, 車長因為駕駛室裝閉路電視畫面證明佢係休克而無事.

駕駛室裝閉路電視絕對係好事, 最少可以阻嚇巴士迷敗類唔敢逃票同阻住車長駕駛

因為佢地覺得部CAM唔單止意外果時會用

如果行的正企得正， 有什麼好怕

反對裝老閉的車長，應該是碌神。

樓主單野令我想起今日某報MTR既新聞

其實我覺得裝左對雙方有好處，有咩投訴都可以搵片黎證明是與非
班司機只要稍為檢點少少已經唔會咁易比位人入

驚比人偷私隱，驚比人捉碌車。
其實行得正又有咩要驚呢

停車時飲水要收port紙上去見主任，你地點睇

原帖由 ronaldng 於 2013-9-29 05:20 PM 發表
驚比人偷私隱，驚比人捉碌車。
其實行得正又有咩要驚呢

其實出嚟打工，就要預咗上頭同有某啲人，
會係唔係都搵啲小事小動作嚟打小報告，
等自己喺老頂眼中好似好表現咁嚟博上位。

即使冇cam都會有事，更何況有cam影住仲多嘢俾人話，
做工做事唔係話你行得正會冇事，因為去都邊都有小人作怪，
你冇做錯，嗰啲人都會千方百計去無中生有。
即使公司冇規定話唔得同冇危害安全嘅事，只要真正揸fit嘅人唔喜歡，
你都好難搞，7樓嘅內容正正講中咗。
更何況大公司人事唔簡單，只要打緊/打過大公司工，
你就唔會咁簡單有"行得正又有咩要驚呢"呢種想法。
換轉係你，唔理做邊個post你仲想唔想開工有cam"射住你"呢?

你會唔會鐘意一路返工  一路比人錄影?
又或者比屋企人係屋企你自己間房裝CAM  隨時監視你係屋企既一舉一動?

車長多數唔會鐘意
有陣時個鼻痕一痕  挖一挖個鼻孔都要比人錄低   實在好可悲

而且你又知大部份新城既車長一定好支持?

原帖由 ey3231 於 2013-9-29 21:15 發表
你會唔會鐘意一路返工  一路比人錄影?
又或者比屋企人係屋企你自己間房裝CAM  隨時監視你係屋企既一舉一動?

車長多數唔會鐘意
有陣時個鼻痕一痕  挖一挖個鼻孔都要比人錄低   實在好可悲

而且你又知大部份新城既車 ...

我又想知有咩工唔會比人錄?
我做過幾份服務性行業，全部都有CAM影住

我會覺得，比CAM影住，同埋CAM拍落黎既片點樣處理，係兩回事黎

如果大家覺得某巴士公司有d野唔合理，例如飲水都唔得，咁點解唔叫巴士公司清清楚楚定義晒，係個CAM下邊D做得，邊D唔做得?

有灰色地帶有爭議唔係應該要clarify咩，個CAM本身無罪喎..