維澳蓮運宣布破產

唔知今日果邊情況點？
維澳同正常服務無分別？定有無新巴澳巴支援維記路線？

原帖由 Ms.Potato 於 2013-10-2 14:11 發表
少人搭同班次疏落嘅線先賺，少司機，少維修，氹仔線都有啲好密好多派車。

其實比維澳投多組咪仲死，佢根本蝕住投標，估都估到維澳一定頂唔順啦。 ...

好多派車咪多d$，而且維修通常都可以計到平均里數/每次
油都係里數計到

而佢只係計里程比$，所以只要條線少站，唔塞車，平均車速快就可以少司機and車了

P.S:所以維澳要埋d Rt.1，3塞車塞到咁，蝕係唔出奇，仲要冇得加服務費，仲唔蝕死咩-.-
如果大家有坐過澳門3巴，都會feel到新福利的司機揸得較快(好似香港的CTB咁)，原因不明
所以如果再將維澳路線直接搵一間新公司做，如果服務費唔多過另外2巴，根本冇可能會賺
就算是巴迷認為'好勁'的新，城都唔掂

[ 本帖最後由 tommy11529 於 2013-10-3 12:43 編輯 ]

原帖由 tommy11529 於 2013-10-3 08:27 發表


好多派車咪多d$，而且維修通常都可以計到平均里數/每次
油都係里數計到

而佢只係計里程比$，所以只要條線少站，唔塞車，平均車速快就可以少司機and車了

P.S:所以維澳要埋d Rt.1，1A，3塞車塞到咁，蝕係唔出奇，仲要冇得加服務費， ...

1A仍由新福利營運，之前行3號既12米蘇金就係因為條線轉左維澳而調去1A

原帖由 HE7921 於 2013-10-3 09:06 發表

1A仍由新福利營運，之前行3號既12米蘇金就係因為條線轉左維澳而調去1A

記錯，sorry

原帖由 YanShing 於 2013-10-2 03:05 發表
維澳蓮運網頁中的公開聲明




[ 本帖最後由 YanShing 於 2013-10-2 03:06 編輯 ]

事實上澳門各大賭場開辦的過於發達的免費穿梭巴士網絡是其中一個主要的致命傷，因為會導致不少遊客只靠那些免費穿梭巴士或者的士遊澳門。

其實政府可唔可以例如強制澳門各大賭場開辦的穿梭巴士服務改為以按金的形式收費，即係所有乘客搭那些穿梭巴士要俾錢，然後要幫襯相關的賭場或者酒店服務後先至有得退車錢？

原帖由 paul2357paul 於 2013-10-3 13:54 發表


事實上澳門各大賭場開辦的過於發達的免費穿梭巴士網絡是其中一個主要的致命傷，因為會導致不少遊客只靠那些免費穿梭巴士或者的士遊澳門。

其實政府可唔可以例如強制澳門各大賭場開辦的穿梭巴士服務改為以按金的形式收費，即係所有乘客搭那些穿梭巴士要俾錢，然後要幫襯相關的賭場或者酒店服務後先至有得退車錢？

人地想賣大包你唔畀人賣？
賭場路線去唔到舊城內部、路環等地，一般巴士仍然有市場。

你又有冇見識過新馬路幾多人等車、26A/33等路線有幾爆棚？
遊客佔得一般巴士收入幾多丫，主要乘客都係本地人，最致命係無競爭、無前景、無進步動力。

[ 本帖最後由 DIH 於 2013-10-3 14:53 編輯 ]

原帖由 paul2357paul 於 2013-10-3 13:54 發表

事實上澳門各大賭場開辦的過於發達的免費穿梭巴士網絡是其中一個主要的致命傷，因為會導致不少遊客只靠那些免費穿梭巴士或者的士遊澳門。

其實政府可唔可以例如強制澳門各大賭場開辦的穿梭巴士服務改為以按金的形 ...

都話咗澳門公共巴士服務模式係由政府租車，巴士公司按行車里數收錢，錢箱同澳門通收入全歸政府。遊客坐發財車定公共巴士，都唔影響巴士公司收入。

上面已經有版友講咗，路程長、停站少、平均車速快嘅路線盈利能力最高，市區高客量流水線反而盈利能力低。條線越多人坐，上落時間越長，行車時間越耐就最唔好做。

如果連呢個基本概念都未搞清楚，唔該研究吓先。

原帖由 PB602 於 2013-10-3 20:31 發表


都話咗澳門公共巴士服務模式係由政府租車，巴士公司按行車里數收錢，錢箱同澳門通收入全歸政府。遊客坐發財車定公共巴士，都唔影響巴士公司收入。

上面已經有版友講咗，路程長、停站少、平均車速快嘅路線盈利能力最高，市區 ...

其實攪唔清呢個CONCEPT的,又何止呢度的版友, 你睇番澳門電台訪問,連當地市民麵攪唔清, 以為"好多人搭"=賺到錢

原帖由 leslie 於 2013-10-3 23:18 發表


其實攪唔清呢個CONCEPT的,又何止呢度的版友, 你睇番澳門電台訪問,連當地市民麵攪唔清, 以為"好多人搭"=賺到錢

所以哩個模式最大弊處就係，所有野我以最低成本做夠standard就得，其他野我理得你死。跟住，市民又唔知新模式運作，一味嘈維澳，其實政府一開始就做爛頭。

路線一直冇正確重組，有啲線密到載空氣，例如25X，非繁可以拖卡每班有位剩，澳門巴士線正常應該唔會有位剩嘅。

當然政府講過做得好有得加服務費，但又澳門個市場根本唔值得搞額外野去博。

原帖由 Ms.Potato 於 2013-10-4 00:17 發表

所以哩個模式最大弊處就係，所有野我以最低成本做夠standard就得，其他野我理得你死。跟住，市民又唔知新模式運作，一味嘈維澳，其實政府一開始就做爛頭。

路線一直冇正確重組，有啲線密到載空氣，例如25X，非繁可以拖卡每班有位剩 ...

唔該唔係話香港版友唔知扮知，但唔該唔好睇咁片面！

25X運空氣，你知唔知每日過萬路氹、氹仔區上落班賭場/公司員工，每日過千氹仔學生要搭佢返放工/學？
3號都有個別時間完全無人搭，唔通又話佢運空氣半個鐘一班？

唔係市民一味嘈維澳，而係佢本質有問題！
1. 另兩間公司都有差嘅司機，但咁多年真係未聽過話司機同乘客「隻揪」
2. 另兩間公司都有差嘅司機，但真係未聽過話司機做錯仲大聲夾惡鬧乘客
3. 另兩間公司都有差嘅司機，但真係唔會話隔一段短時間就車死幾多個人，邊條斑馬線車死人撞傷人
4. 另兩間公司都有差嘅司機，但真係唔會差到佢咁！

班次另外兩巴都會有疏，好似澳巴6號、新福利17號大把人鬧，但係維澳蓮運連個別好基本班次都出現問題，例如H1，呢一條全程唔駛20分鐘嘅巴士竟然要等30分鐘以上。仲有好多人都眼見佢地總站一係無車開一係一開連開３架，仲有之前政府講緊嘅鬼巴! (另外公司都有孖車但一定唔會總站開孖車啦！)

仲有巴士車型，最大問題仲要間公司只係識吹水，但又做唔好，有咩問題就話政府唔幫佢，市民唔同情佢。

你如果話個服務模式有問題，咁澳巴當年用比維澳蓮運入標更低嘅價錢接手又點計，佢一樣可以由最差變成最好！

重點重點：
唔該睇下維澳個聲明，最重點係佢唔知衰，佢敢講話澳門市民接受佢地覺得佢地形象好左真係三個字，”唔知死”囉！

[ 本帖最後由 Adams 於 2013-10-4 03:25 編輯 ]