維澳蓮運宣布破產

原帖由 Adams 於 2013-10-5 03:26 發表

1. 你講左一大段，証明了一點，就係綠巴錯估形勢低價入標，咁你返學交卷前唔對一次，有一版無做唔通老師有錯？你係唔係要CHECK真D先交呀？

2. 「係未出現毆打乘客」，唔通你認為一間巴士公司有司機毆打乘客係正常，管理良好？有冇睇之前有條女司機鬧老人家片，請再睇睇澳門普羅市民感受和回應。

3. 審計報告發現新福利開出班次比標書要求為高，但只係批評政府對加班無監管，但作為巴士公司，唔係應該加強服務便利市民，係唔係班次表話半個鐘就一定要半個鐘一班，一分鐘都唔可以多。但係綠巴係全日所有班次唔達標，但一樣問政府收足錢，咁請問，一間公司做足120%收120%錢合理定係一間公司做70%收足100%錢合理？

4. 村村通唔平呀，30萬一部，對比五洲龍40幾萬，三菱Rosa 50幾萬，新福利/澳巴車型明顯比維澳蓮運好囉，請看看澳門市民的網上意見。起碼唔會買一部澳門史上最高級小巴村村通！

5. 「加3.6%俾佢，佢一樣係蝕->唔係wo；」<<< 你check下新聞先啦，何雨果話加左都唔夠蝕啦，你咁都要屈
計條數你睇啦，綠巴今時今日要1900萬一個月先運作到，但政府俾緊1400萬，咁即係差500萬，計下數好嗎？1400萬加3.6% = 加50幾萬炸好無？另外兩巴一直以來評分起碼都叫合格，政府計分一向唔會話低得去邊，但一間公司都可以未合格過，可想而之其服務好到點！

1. 錯估形勢就一定的，佢以為冇左澳巴可以直接要哂澳巴d人嘛 ；當然，如果佢入標貴，可能會買d貴車(例如Rosa)，不過就有可能唔會有3組(2組)比佢，可能得1組，或者冇存在過
2.-.-唉，我冇話管理良好，係話3巴都唔好
3.這咪正如我所講的，現在這個政策唔好咪係咁解lo。而且新福利都唔係所有時段都開夠(多)班次wo 。不過個政策唔係要有行先收到$咩?如果加班<10%都比$，過10%要批先加得班，唔係的話政府就可以唔比$咩?咁的話做120%都可能係收110%，做70%都係收70%
4.30萬一部係細車姐，大車咪又係40M；不過你講出個事實，三菱Rosa 50幾萬，8.1後買了幾多?7部而已。但金龍就單2013年就買30部....當然Rosa咁短就唔好要多，不過好想好似以前咁有英、德國車
5.你信佢講要1900M先得?如果真係咁，佢唔會上年話加3.6%唔夠而出聲?會計這些只係加減數姐 。不過咁，佢點做都只係岩岩好冇蝕，除非司機人工唔使咁高，又夠司機而做夠班次，咁先賺到

所以澳門最好都係改下政策

[ 本帖最後由 tommy11529 於 2013-10-5 14:00 編輯 ]

原帖由 Adams 於 2013-10-5 11:29 發表


香港有東區走廊，澳門沒有。
以澳門最北（關閘）－南區（葡京）為例，只有4條路線：
1. 經沙梨頭(西區)
2. 經水坑尾(中區)
3. 經松山隧道/水塘
4. 經漁翁街 (東區)

就係咁多條，而現時的確全部都已經大有巴士行緊，而正正上述4條路線 ...

咁又唔係咁講，現在澳門塞車位都係得單向2線(或1線)行車，而行人路已經窄，冇得整「巴士島」，所以巴士埋站就冇1條線，如果真係可以有2線行到車，就唔會咁塞車。而且埋一個站的時間，快上落，唔使等前車埋站要用15s，現在就係等前車埋站，次次快都要30s，慢的2mins。而現在1條路線埋少5站咁計，分分鐘可以省5mins的了，即是快了8%時間，而且快左可以做密返班次。當然，咁就可能要本來唔使轉車而要轉車，又可能要行多少少路，不過其實等車時間and坐車時間少左都好，而且可以留少量路線站站停，等人可以轉上這一些路線而唔使行咁多路。

[ 本帖最後由 tommy11529 於 2013-10-6 15:20 編輯 ]

新福利條25，好似21A噤唔經銀河運動場已經算快啦，以上地方根本有26A,26,15,氹仔入路環真係有噤大需要15就唔使噤樣啦！連交通局都打算25回程澳門路段拉直啦，證明澳門巴士線有拉直縮短行車時間空間，只係不為也非不能也，以前港澳碼頭出金蓮花一樣好兜，最後都拉直！

原帖由 YoungMan 於 2013-10-5 17:16 發表
新福利條25，好似21A噤唔經銀河運動場已經算快啦，以上地方根本有26A,26,15,氹仔入路環真係有噤大需要15就唔使噤樣啦！連交通局都打算25回程澳門路段拉直啦，證明澳門巴士線有拉直縮短行車時間空間，只係不為也非不能也，以前港 ...

唔好傻啦，出連貫公路圓形地龍尾去到茵景園，兜過圈仲快囉！

原帖由 Adams 於 2013-10-6 02:16 發表
唔好傻啦，出連貫公路圓形地龍尾去到茵景園，兜過圈仲快囉！

真係的話相信21A,37x同50一早兜左啦，就算要行銀河，經基馬拉斯馬路都肯定比奧林匹克快！

愚問：
1. 用澳門通搭車，車資高低只有一元之差，唔知各位認為會對乘客分佈及巴士公司有甚麼影響？
2. 唔知各賭場發財車營運者同巴士公司有甚麼千絲萬縷的關係？可唔可以列出來？
　例如，根據#32，永利發財車係由新福利旗下AA旅運派車，
　新福利集團可唔可以用賭場畀佢條數，彌補市區巴士的支出？
　如果維澳冇後台，又冇人畀面，就梗係蝕啦。

宏觀地去睇，如果市區巴士同發財車係同一間母公司，
某程度上可以將發財車當做「搵好多錢的特快線」，用佢來補貼流水線營運，
同樣的做法就香港都做緊，只係在澳門名義上唔係同一間公司。
我估架咋，還望知情站友提供更多資料。

[ 本帖最後由 DIH 於 2013-10-6 16:22 編輯 ]

原帖由 DIH 於 2013-10-6 16:19 發表
愚問：
1. 用澳門通搭車，車資高低只有一元之差，唔知各位認為會對乘客分佈及巴士公司有甚麼影響？
2. 唔知各賭場發財車營運者同巴士公司有甚麼千絲萬縷的關係？可唔可以列出來？
　例如，根據#32，永利發財車係由新福利旗下AA旅運派 ...

1.澳門人只會見有到目的地的車到就上，因為唔差得多(學生/長者完全冇分別)
2.列唔到，不過d關係係好復雜，等於香港長江咁(大把公司都有關係)

d$其實我地都唔會知，因為佢地唔會公開，政府又唔使理(因為只按里數比$)
賺唔賺都唔使報，只要你做就得
P.S:澳門另外2巴的服務費已經可以有賺，唔使理d$放係邊，因為澳門唔係HK咁有9.7%

原帖由 DIH 於 2013-10-6 16:19 發表
愚問：
1. 用澳門通搭車，車資高低只有一元之差，唔知各位認為會對乘客分佈及巴士公司有甚麼影響？
2. 唔知各賭場發財車營運者同巴士公司有甚麼千絲萬縷的關係？可唔可以列出來？
　例如，根據#32，永利發財車係由新福利旗下AA旅運派 ...

答第 2 Part：
唔係得唔得，而係根本絕對唔會咁做。

依家無論邊家做標書路線，都係收服務費，
根本無公司會投組線返黎蝕，所以投得兼營運得都一定已經有錢賺（計錯數除外），
沒有必要也沒有需要去用非政府招標既公共巴士業務去補貼標書路線既營運，
若果無經濟誘因去經營標書路線，唔投就可以。

亦因為無公司會為左霸組線返黎做，寧蝕都要投（維澳除外，不過佢都只係計錯數出事），
所以澳門所有標書路線其實都係有水位有錢賺的，澳門係無公司需要經營蝕錢線，因為蝕係政府蝕，唔關巴士公司事，
唔同香港巴士公司，蝕錢線要食自己的。

其實賭場專車並不是萬能，好像我於5月的澳門一天遊，只是乘搭過一次，其餘都是乘搭專營巴士為主（另加兩次是乘搭的士），因為如舊城區基本上是依賴專營巴士，甚至當天的車程理論上是不會有機會乘搭賭場專車，當天的大致行程是：

．外港碼碩往水坑尾街近百老匯中心（往雀仔園街市）：巴士
．南灣大馬路往官也街：巴士
．官也街附近往關閘：巴士
．關閘往澳門科學館：的士
．澳門科學館往新馬路：巴士
．新馬路往水坑尾街：巴士
．水坑尾街往新葡京：的士
．新葡京往外港碼頭：免費穿梭巴士

所以專營巴士是不可能完全被賭場專車取代，就算架空輕軌通車後舊城區仍要依賴專營巴士服務。

原帖由 YoungMan 於 2013-10-6 15:59 發表
真係的話相信21A,37x同50一早兜左啦，就算要行銀河，經基馬拉斯馬路都肯定比奧林匹克快！

按照你做法澳門係唔係條條巴士都要行同一段路？
仲有，行基馬拉斯大馬路要考慮條線有無呢個需求，事實該路段沒有客量需求囉。