[老調重提] 重組東區紅隧過海線

原帖由 1181 於 2013-10-11 09:05 發表 http://www.hkitalk.net/HKiTalk2/images/common/back.gif
客少左但唔減班？
如果由4.5分減到5.5分，即係成個時段無左4班102，但多左11班102X
合計多左7班，但只係加一部車，會唔會大想頭左啲？
巧婦難為無米炊呀！如果為左夾硬加35%班次而令深水埗無車搭博ban嘅，咁點解要夾硬大幅加車？

係，但係唔好唔記得我係由118減左六部車，再摺埋110，成全102分拆、112分拆的，
102+102X比起而家102用多左六部車，條數根本無問題。

如果根據我個方案，再對返而家102/106新城時間表，
景隆街下繁最繁忙一個鐘，106會大約由9班減至7班，
102會由14班減至11-12班，但係唔好唔記得無左110幫手清紅隧口落車的乘客，
加埋103每粒鐘5班（事實上103亦唔應該銅鑼灣兜圈，不過亦無咩理由同108捆綁），
總數由32班減至23-24班，無左四分一班次，以景隆街大站的客量來講，
已經係巴士公司肯做、保證乘客唔會轉投其他交通工具的極限。

亦要再強調一次，我方案入面，銅鑼灣同北角炮台山分別有112同112X都可以去深水步，
根本唔存在深水步無車搭的問題，最多咪係景隆街北行去深水步要行返怡和街搭112，
但事實係112速度根本同102打和。再者你的方案亦令到有少量乘客要由景隆街行入怡和街搭車。

況且仲有運作上的考慮，102/102X時段相同先係理想。
如果唔係我計過數評估過認為唔夠時間行，又有112/112X，你估我會貿貿然建議102旺角後飛西廊入直入美孚？

當然，長沙灣道南行狀況唔係太差，南行跟返原路技術上亦唔見得唔可行。

原帖由 1181 於 2013-10-11 11:44 發表 http://www.hkitalk.net/HKiTalk2/images/common/back.gif
微調一下九龍中部份

106X 小西灣-西灣河-上路-黃大仙
用車: 5+6
班次: 15

108部份維持寶馬山-紅隧-何文田-槳富

樂富個樂字一而再再而三錯，罰抄1181次

106P而家係行下路，我睇唔到有咩理由變成106X後應該行上路走。
而家上路108/116係爆，但係你將108拎走，106X服務範圍根本完全唔同，無助疏導上路客。

而108而家係行上路，亦無理由改行何文田，
況且何文田往返銅鑼灣嚴格來講仲有103/170，時代廣場亦有109單向擦邊。
佢地地區訴求一直係想有架車去港島東（北角、鰂魚涌果頭），
當然108令佢地去銅鑼灣更方便，但你咁改108根本成全唔到佢地的願望。

[ 本帖最後由 S3BL100 於 2013-10-11 12:45 編輯 ]

原帖由 1181 於 2013-10-11 17:13 發表 http://www.hkitalk.net/HKiTalk2/images/common/back.gif

咁你明白你個方案有乜問題未?
102系拆完, 但原來班次仲差過依家

現時102有埋北角以東既客, 實際係景隆街上到既客唔係想像中多
係我個方案, 每個小時仍然有4班110, 但唔止紅隧口可以上, 連旺角客都可以上
變相多左四班旺角特, 呢個就有如971係水街既作用
所以即使由每小時18班102+110變成14班102+110
因為無左北角以前既客, 都會夠載
但唔駛搵現有乘客較飛, 博深水埗反對拎走條線

拆完之後班次一定會減，問題係減幾多，咁都有位入？
事實係你拆完之後，你條102疏過我個版本的102喎。

又，你唔係之前話110清風街天橋尾站直飛紅隧過海咩？點解而家又變左停景隆街？
到底係停定唔停？做咩又前言不對後語？

http://i542.photobucket.com/albums/gg422/s065239/2013_10_11.png

既然你改110係為左想炮台山北角客以更快速度過到海，咁點解又要停景隆街？
果度每日下晝開始直到夜晚都可以好塞，唔停呢個站慳到起碼五分鐘時間。

又要我再重複第三次，我個方案並無令到深水步無車搭，唔存在拎走條線的問題。
重組前北行返深水步有102 112兩條線，非繁忙時間基本班次每小時10 + 12 = 22班車，
重組後北行返深水步有102X 112 112X，多左條線，而基本班次係每小時6 + 8 + 6 = 20班車，
少左兩班，但係筲箕灣至鰂魚涌全部可以搭102X，慳20-25分，
而北角炮台山亦可以搭112X，慳10-15分，
天后銅鑼灣亦有112。

至於繁忙時間，假設112外來攝車數目不變，重組前後繁忙時間北行返深水步的班次數目亦與現時相若。

南行計過數，102照碌長沙灣道影響唔係太大，可以保留，
但係北行全部有替代，咁試問102又係咪有必要北行碌長沙灣道返美孚？

如果咁都叫拎走條線既話，做咩你又唔嘈話118改特快，令到深水步無車出北角？

深水步並無拎走條線呢個point，我已經講左三次，之前兩次你唔單止無正面回應，
更加一而再重複回帶話我拎走條線，又唔指出我到底點樣令到有人無車搭。
唔係唔俾討論點樣完善方案，但係唔代表可以指鹿為馬、扭曲事實、歪曲他人觀點。
如果你堅持扭曲他人觀點而唔係基於客觀事實討論的話，我睇唔到我地之間仲有咩討論空間。

[ 本帖最後由 S3BL100 於 2013-10-12 11:30 編輯 ]

我地圖畫條112X蘇屋方向，經荔枝角道右轉黃竹街左轉長沙灣道
避太子一段彌敦道北行塞車，新增站點位置同原本站位相距不足100米，
咁都叫做搞到楓樹街同太子站無車搭，真係笑大人個口。

貿易廣場個站服務長沙灣地鐵站附近一帶，包括元州邨，
但係112/112X長沙灣道右轉東京街即刻已經有個站，搬個站都唔俾？

套用你之前夾硬搬2A/28上山，要淘大返樂華客無啦啦行上山先有車搭的邏輯，
而家只係平路搬平路，有咩問題？

而我唔知道長沙灣有條街叫做「旦荔街」。

你呢D就真係欲加之罪何患無詞，搵唔到理由就作野轉移視線，繼續作理由胡亂批評。
而家110根本唔服務荔枝角，取消左佢根本無令到荔枝角無車坐。
其次，大家咪又係一樣拆緊102，我假假地102/102X同112/112X九龍相同總站，
一條線無車都仲可以拉第二條線救，
唔似得你將102/112調總站，一條線出事都無得拉另外果條線另一間公司既車，咁都有位入？
第三，乜原來加班係令到班次不穩的原因？
況且我至低限度都係用返成堆東區紅隧線找數，無加減過車，
102/102X/112/112X班次總數有得增加，好大程度都係因為無左110，試問同埋你將110改去旺角又有咩分別？
第四，我條112A係由寶馬山開落怡和街過海，同102有咩重疊？
至於102 vs 112X，重疊程度同你102 vs 110差唔多囉

110反正而家都係好少客，耀東呢D獨巿位只要有車以較快速度過海已經得，
何以見得紅磡土瓜灣線換走尖咀線會俾人ban？
當然我同意去旺角好過去土瓜灣紅磡，但係除非你用102/110/112一組的資源
砌到一條寶馬山線，否則就抽唔走108，砌唔到何文田/土瓜灣 - 北角特快，
咁做的後果必然係將耀東同紅磡土瓜灣pair up。
我無講過唔可以做耀東旺角，但係大家個purpose唔同，
你無打算過砌一條人地想要的何文田港島東線，又順手做埋土瓜灣北角特快，
目的唔同已經唔可以直接比較。

[ 本帖最後由 S3BL100 於 2013-10-12 14:17 編輯 ]

利益申報，太子朋友，
過港島北岸，要準時一早落咗地鐵站，
就算買位坐都唔會楓樹街上車，
下站太子站平5毫。
至於回程，跟68x出長沙灣道，
而唔係跟118入汝州街，
車站極近，改路冇問題。

[ 本帖最後由 transbus 於 2013-10-12 21:12 編輯 ]

原帖由 1181 於 2013-10-12 15:52 發表 http://www.hkitalk.net/HKiTalk2/images/common/back.gif

以閣下之前反對2A28搬站，咁閣下既然接受唔到坐車要坐多程
咁閣下又「己所不欲，must施於人」？
而且你仲未答成個長沙灣工貿區可以坐乜車番工

你刻意令到荔枝角無車坐，又居心何在呢？
仲有，以現時970系現況
同站拉車只會一條無車返，齊齊陀衰家
咁不如分散投資仲實際
再唔係嘅咪將112，102啲冧把改下佢，叫S3BL1000000000…
寶馬山-旺角搞到係bonus
如果閣下自知唔夠車
點解又要犧牲現有乘客去遷就寶馬山？

如果係講長沙灣工貿區，受影響的都係東區的乘客，但係佢地到底會關注少左架車去長沙灣，
定係關注班次總數、行車速度多D？

拆完線之後用同一個總站，起碼要拉車都有得拉，
你可以選擇唔拉車，但係如果B線好耐無車返，而A線返兩架，咁唔通A線照開兩架，B線就慢慢等？
分散投資咪仲死，無車返就渣都無，想拉都無得拉，中途大站的乘客就真係祝君好運
不過算，你本身有預設立場，人地講幾多巴士公司實際運作考慮都好，你都一樣會反對同無視，甚至混淆是非。

我無犧牲過現有乘客去遷就寶馬山，
但係寶馬山而家有條過海線，乜拉走左唔駛搵第二條線上去補位？
又要再講多次，我拉108落山唔係為左砌寶馬山旺角線，
而係為左砌何文田/土瓜灣上路特快去北角鰂魚涌，唔拉108落山點砌？
唔通改116做特快skip銅鑼灣天后？新巴肯唔肯？慈雲山又俾唔俾？
112A上山只係副產品，因為拉108落山後，無其他線適合拉上去，唔好倒果為因。

不過咁，你睇唔順眼既話，想作理由反對又有幾難？

又，如果跟我上面個方案再改，102北行停返晒深水步長沙灣各站
（但係太子一段彌敦道都係避得就避），城巴下繁到美孚過後私多幾架車收工/食飯，
之後112X改做旺角弼街往返耀東，西灣河至民康街一段飛東廊（即係跟返我半年前個方案），
派車數目維持6+7不變，縮去旺角避免同102重疊，同埋確保有足夠時間行，
再將102擺北角百福道，咁咪用返咁多架車找返條數，108亦無必要上耀東，可以擺太古城算數。
102所有現有乘客都可以搭返路線編號頭三位係102的路線，咁你應該滿足啦？
不過到時北角炮台山沿途返深水步就焗搭102，無得112X飛興發街同景隆街，下繁慢四個字咁囉，
而美孚客亦無得飛西廊，又慢幾個字囉。

至於點解一係102北行飛西廊，一係112X縮去旺角？
你試諗下，102因為要停維園，技術問題點都要擺北角，況且又要有是但一條線擺百福道總站。
而家102/112北行都有客，只係因為兩條線北行行車時間差唔多，
但係改完後，112X北角上車一定明顯快過102，咁你估如果兩條線去到深水步都仲重疊，102北角會唔會有客？
定係你唔想北角兩條線提速後其中一條北行唔做深水步，寧願全世界都無得快四個字入紅隧？

[ 本帖最後由 S3BL100 於 2013-10-13 11:45 編輯 ]