探討大埔區內還可容納的人口...

現時,大埔區市內規劃完善,醫院,學校,診所等一應俱全,

但仍有一些主要設施/現有設施因人口數量誘因不足而一直議而不決,
包括室內泳池,綜合家庭醫療中心,戲院等等

其實大埔市中心以東,近元州仔/吐露港公路一方可適度填海,
令大埔區總人口可以提升至38-42萬人,
據維基百科上所引用香港政府於2011年公布的香港人口普查資料,
大埔區2011年人口為296,853。

而現有市內設施/用地可因應新發展區而作出修改,
例如現有文娛中心正與大埔官立中學共用設施,因應官中將停辦,
建議整座重建成一個文娛康樂中心,包括一個容納1500人演奏廳,一個多用途室內球場等等

另外因舊賽馬會泳池用地空置多年,建議改劃成住宅用途,並公賣拍賣,
希望令旁邊多層停車場持有人一併投下,與多層停車場一併重建,
將多層停車場及舊賽馬會泳池用地一併發展,
重建內容應包括提供不少300個車位的地下停車場,
同時間為市中心內提供一個單體建築及面積達廿萬呎地區旗艦式商場

但道路配套點做？
在元洲仔填海已超越吐露港公路出入口，最寬闊而又有增流空間的大埔太和路卻不能合理地延長至元洲仔。（一係剷走部份海濱公園，讓大埔太和路向東伸延再向南屈返落林村河，建新橋往元洲仔）

近年吐公入大埔已經越來越塞'
人口再增加交通睇梨會更差
游泳池應該要起啦
同埋大埔成300000人先得一間圖書館
又係少得可憐.....
都唔知等到幾時先會加建

點都要係吐公上再開出入口連入新區,

但如果要連入市中心,都要靠完善路/太和路交界去處理...

用左多最多人使用O既繪圖軟件(好似係) 畫出大約規劃圖
**由新區連接吐公入大埔墟支線條紫線畫斜左D...




區內道路都仲可以作出改善,
例如南運路(太和路至廣福道一段)來回畫成3線/燈位前增至3線
尤其南運路南行近廣福球場一段,次次放燈都放唔哂D車,中線一有巴士等燈成日塞番想左轉出大埔公路元州仔段西行D車...
果個位比路政強行變3線,最慘係中線同右線直去D車攞唔直條走線,一有大車過到對面燈口位就收哂油讓大車行先....


*同時間,如果可以的話,相應係海濱公園沿岸再適度填海,令新海濱公園能提供一條迴型單車徑/或重整單車及緩跑徑...
但呢個可行性應該低一點...

[ 本帖最後由 tkf_2005 於 2013-10-10 17:11 編輯 ]

大埔唔係唔夠人開戲院，但要問準區內某間名校既校長先囉
賽馬會泳池？唔係話重建咩？不過都重建左差唔多十年

至於合適用地，個人認為大埔醫院附近達流標用地諗得過

原帖由 S3BL417 於 2013-10-10 22:05 發表
大埔唔係唔夠人開戲院，但要問準區內某間名校既校長先囉
賽馬會泳池？唔係話重建咩？不過都重建左差唔多十年

至於合適用地，個人認為大埔醫院附近達流標用地諗得過 ...

其實我係有感區內商場東一邊西一邊,
仲有區內所謂最大商場,都只係將幾個小商場合湊為一個大商場,
覺得真係比大埔人一個可以行大半日O既商場都冇,尤其E家大汁完,連本身本
先至想將多層CARPARK同旁邊舊泳池地一齊發展o者,
**其實大埔中心開頭規劃果陣應該將現時C,D區一齊發展,基座做番3層高,樓面達30萬尺O既單體式商場
橫掂個泳池遲下都可能比寶湖道塊地拎黎起,雖然果邊都仲紙上談兵緊....

同埋,SHK講就話同政府傾,
但老實,大埔個市中心唔近鐵路站,唔似沙田,
仲要本身區內人口有只有大約30萬,人地將軍澳40萬人就有一間,
如果大埔本身係夠人口支持一間戲院,我相信就算邊個反,
shk點都會加多2錢肉緊同政府傾,搞好批文,快快手開工啦

[ 本帖最後由 tkf_2005 於 2013-10-11 02:45 編輯 ]

講開大埔VS將軍澳
雖然大埔人口少10萬但係在交通負荷上；因其承載着北區及過境交通流量，大埔對外交通壓力絕對大大高於將軍澳。
既然將軍澳有兩條地鐵綫（將軍澳綫＋觀塘綫；往來港九市區不同地方），若大埔再度發展，也有理由建造第二條連接市區的鐵路吧

原帖由 barking 於 2013-10-12 00:45 發表
講開大埔VS將軍澳
雖然大埔人口少10萬但係在交通負荷上；因其承載着北區及過境交通流量，大埔對外交通壓力絕對大大高於將軍澳。
既然將軍澳有兩條地鐵綫（將軍澳綫＋觀塘綫；往來港九市區不同地方），若大埔再度發展，也有理由建造第二條連接市區的鐵路吧

即係意味著例如直通元朗區至大埔區的快速公路或者鐵路（這點我在http://www.hkitalk.net/HKiTalk2/thread-794113-1-1.html都曾經討論過），大埔經跨海大橋直通馬鞍山再經例如隧道直通觀塘的快速公路或者鐵路就最好要構思下？

吐露港入廣福越來越塞,政府一定會建議善用便宜嘅東鐵
不過東鐵會唔會再減速\班次,唔知。九卡過海列車規格會
提升,但會唔會客量增長而抵消甚至惡化,要七年後先知。

東鐵現時北區+跨境客都夠做,特登整條直出市區鐵路,
就算有埋蓮塘口岸落成都未必起。巴士配額唔減都偷笑,
青沙公路解決唔到新城市個樽頸位,其實足足影響成個新界北。

戲院只屬消閒設施,好難左右商業決定,我自己就無去沙田
睇戲好多年,因為細同埋北區無戲院都會一齊去用,如果要計
xx萬人就有xx設施就太易得罪人(例如東涌人口較少都有戲院
我亦因其使用率低過Megabox而去唔少,背後原因實在無謂講啦
格硬可以話成個大嶼山都用,大埔需求細,計埋北區真係咁低?要靠
沙田本身人口等於大埔+北區總和,共用沙田新城市戲院?)

74X多年講唔掂九龍段分工,北區277系亦普遍認為上水較遜,
馬鞍山好少少,但出東九解決唔到經亞公角問題,最明顯莫過條72,
睇下西九,有幾多有鐵路嘅地區可以有多過一條巴士線經西九,再拗
落去又變成係夠唔夠客,有雞先定有蛋先嘅問題。

填海就必定有人反對,擴建汀角路,會涉及村落收地,大埔
舊街市會有一幢單座公屋,容納人數有限,應該不超過3000人。

至於富亨附近私院流標地,距港鐵太遠又對巴士服務增添壓力,
正如嵐山容納不足一萬人(建築中,位於鳳園,工業邨對面)到時
又會要求伸延巴士線過去,變成第二個北區,兜好耐都未上公路。

我諗過剷平莫壽增中學個山頭起樓添……因為廣福道無電梯
之樓宇或區內公屋又未有重建條件,民居分散,政府商業設施同
交通好難便利所有人,運頭塘邨後方亦涉及不少村落,至於寶湖道,
重置落成不久校舍又會造成浪費,收回球場用地會被指缺乏康樂設施。

[ 本帖最後由 kitarolo 於 2013-10-14 01:10 編輯 ]

原帖由 kitarolo 於 2013-10-13 20:59 發表
吐露港入廣福越來越塞
政府一定會建議善用便宜嘅東鐵
不過東鐵會唔會再減速\班次,唔知。
九卡過海列車規格會提升,但會唔會
客量增長而抵消甚至惡化,要七年後先知。

東鐵現時北區+跨境客都夠做
特登整條直出市區鐵路 ...

嵐山得千三個單位
人口多極四五千
到時都係靠進智架啦


莫壽增座山有古蹟
冇咩機會鏟平
係那打素附近可以起樓
不過同醫院就好近,交通又麻嘛