分拆九巴89線

286X點同？前身86B營運狀況唔係太理想，
而且單邊慢少少但係顯徑、美田美林都係獨巿位，無鐵路競爭，
長沙灣尾站返美田更加只需十分鐘，慳到超過一半時間，戰略意義好大。

但89點同？大部分時間個位數班次，本身客量唔係差，
觀塘往返沙田巿中心巿佔率咁高，有咩誘因要冒險走去改？

根據我多年來多次搭89的經驗，淘大/牛頭角上邨往沙田巿中心、沙田大會堂上車返淘大/牛頭角上邨
平均只需21-22分鐘，最快一次試過只需17分，
甚至頂閘獅隧口返淘大10分鐘搞掂都試過（雖然果次真係outlier）。
就算你話淘大行返出觀塘道，都係25-26分鐘搞掂。

咁X89出觀塘方向又做唔做到呢個時間？
就算俾你跟798咁行，沙田巿中心直入大隧，都要6-7分，
大隧要5分鐘行完，出大隧至觀繞落橋要5分鐘（唔好唔記得呢個位要塞車），
偉業街路口出返德福，交通暢順都要至少12-13分，
換言之唔塞車出返到德福都要29分，仲慢過89落車再行過去。

地鐵沙田站往九龍灣站都唔駛呢個時間，X89咁搞咪倒客囉。
兜到觀塘再返牛頭角九龍灣，感覺係好差。

如果你係跟89去到文化博物館，再屈返出去行大隧的話，就要更耐。

至於回程，啟業直入大隧，比起經彩虹只係快兩分鐘，
正常行車時間去到大隧收費廣場都要8分鐘，之後沙田圍路仲要食燈，
沙田巿中心落車比起89快最多五分鐘，邊似得286X比起舊路快咁多？

仲有，乜而家全部客源都係來自觀塘道向工貿區一邊咩？另一邊又唔見你提？

考慮旅程時間時，唔應該只係考慮車上嘅時間，應該係成程行路＋等車＋坐車＋行路嘅時間，不過，你嘅建議會令部分人等車時間增加，九龍兜圈又令行車時間增加，仲貴幾毫⋯

我作為馬鞍山人士
都仲諗緊馬鞍山去觀塘唔好再兜廣源/濱景
而點樣慳番區內車畀區外車用
既然你要"提昇觀塘-沙田車程", 咁89c/d使唔使再兜埋愉翠先入隧道?(咁咪提昇車程囉 )
如果你想"提昇觀塘-沙田服務範圍", 點解你要用沙田區車去滿足觀塘區需要?
你呢條x89/89s定線又無視河西-黃大仙
連89b都唔去沙角, 河東人點去黃大仙?
你唔好諗住黃大仙冇話事權就打劫埋人地
再加上沙田有幾多需要去安達臣山? 點解要由沙田抽資源?
更何況, 如你所講, 寶達至順利有車入沙田, 點解唔索性行多少少
入到去康盛/景林/寶琳, 做埋將北?
唔通安達臣山d客係客, 將軍澳北d客唔係客?

如果有一日油塘又有需要去沙田, 係咪又要抽沙田資源?

原帖由 1181 於 2013-10-31 21:19 發表 http://www.hkitalk.net/HKiTalk2/images/common/back.gif
http://goo.gl/maps/Hqrzi 當一部巴士, 要停燈, 停站, 仲要高載上山都只係比google map時間慢4分鐘我就真係好想試坐下呢部神車喇 如果九巴啲車咁神奇, 咁條條線都唔駛嗌哂救命要大幅加時啦

呀, 提埋你, 觀塘市中心 ...

我係的確搭過一次由淘大去到沙田巿中心，果次係朝早十一點幾，信不信由你

不過，淘大/牛頭角上村去沙田巿中心，平均只需21-22分鐘係事實。
唔好唔記得，淘大入到沙田巿中心，得三盞燈：彩虹交匯處、獅隧公路/大涌橋路交界、獅隧公路/大埔公路交界近蔚景園