不愉快事件

原帖由 harumi7890 於 2013-11-11 21:54 發表
睇完樓主，可以話九巴係可以唔受理
一：司機可以話唔知有樣咁既事->提示->close file
二：有相，司機該指拍攝者為拍照不理安全，純粹提示->close file
三：司機可以話因為有人滋擾，影響駕駛安全拒絕開車

是因你而家係“影”巴士， ...

而家老九邊會咁輕易炒人阿

睇相好似女司機黎

原帖由 X962 於 2013-11-11 21:02 發表
雖然司機唔啱，但係閃你幾下大燈就暈係唔係有點誇？
你影黑社會人地分分鐘打爛你部相機，呢個司機都唔係錯到十惡不赦

如果當事人係我, 我的確會感覺眼花.
利申: 先天性近視, 現約900 度

原帖由 nickk 於 2013-11-11 21:43 發表

閃幾下大燈就暈，你都係返火星住啦，因為呢度你行行下街或者搭搭下車都會有機會有車向住你個方向閃大燈。

都係嗰句，一定有前因既，否則個車長唔會玩到咁大。 ...

你唔暈=/=其他人唔會暈, 唔洗一開聲就叫人返火星

d車頭燈好光架,比人錦閃法真係好易暈

[ 本帖最後由 KD2869 於 2013-11-11 23:11 編輯 ]

老實講, 小弟年中PORT過唔少司機閃車頭燈, 有時甚至係駕車時巴士司機唔忿氣閃燈.....至於係咪真係有處分, 唔知...但試過再遇上有關人士, 都唔敢再亂來..

作為路人既, 如果司機真係蓄意閃燈, 你又真係想去盡佢...你咪暈到訓係部車面前, 要求報警LAW...再唔係, 除左透過九巴投訴, 記著透過TD投訴, 留個紀錄做個統計...

一人讓一步, 海闊天空....你係要覺得對方有心玩野, 你又有興趣既, 咪合法地奉陪到底LAW

點睇都好
雙方交惡搞成咁...一定有箇中0既故仔
樓主可能「激親」呢位「喪」車長(只可能咁推斷)...積埋積埋之後
今晚先搞件咁0既事出0黎...(所以小弟不便多下評論...)

勸一句: 即使投訴都好啦...
「喪」車長最多只係調去揸其他線...咁少事0者...
(換一句話:樓主隨時又會俾呢位「喪」車長「如法泡製」...
到時即使小弟晌現場想勸交都未必阻到佢...
當然,因呢件事玩大燈而釘牌者又係例外...)

總之,見到面色唔係咁好0既朋友...
就小心唔好搞到佢已經唔多妥0既情緒
(唔怕佢變成手榴彈,最怕巴打一拉安全Fuse就爆...
到時大家都收唔到科...點叫各位巴打幫手呢?
大家都搵唔到(適當0既)位插手啦...
唯有勸兩句之後,繼續食花生...)

PS 樓主同喪君都仲未冷靜到...俾多兩日時間清靜下先啦...
而家事情仲係發展階段: 各位巴打可以做0既事唔多(勸交居多)
------
不過咁樣用車頭大燈法...
某程度上已經要搵交通差「備案」...
(呢方面要搵揸車0既巴打請教...
無揸車0既小弟對<371章>無乜研究...
不過好似有見過同車頭燈使用有關0既條文[同埋罰則]...
所以請各位揸車巴打講下...)

小弟講多0左少少...留個Post跟進好啦...
(晌度嗌交、筆戰絕對百害無益...勸得幾多就幾多:
反正iTalk 0既事, 小弟唔太想過問太多...
不喜者就請巴打睇完就算啦。)

[ 本帖最後由 LNChickenRice 於 2013-11-11 23:21 編輯 ]

原帖由 nickk 於 2013-11-11 21:43 發表

閃幾下大燈就暈，你都係返火星住啦，因為呢度你行行下街或者搭搭下車都會有機會有車向住你個方向閃大燈。

都係嗰句，一定有前因既，否則個車長唔會玩到咁大。 ...

咩叫一定有前因呀? 前因咪樓主舉機影車搞到個司機唔鐘意囉
不過香港地巴士總站影巴士並不犯法

再

睇下#21囉 睇得出呢個"車長"幾咁有品

我唔認為樓主要做過D咩特別事先令司機狂閃

原帖由 harumi7890 於 2013-11-11 21:54 發表
睇完樓主，可以話九巴係可以唔受理
一：司機可以話唔知有樣咁既事->給予提示->close file
二：有相，司機可以話該拍攝者為拍照不理安全，純粹提示->close file
三：司機可以話因為有人滋擾，影響駕駛安全拒絕開車

是因你而家係“ ...

件事過左其實真係佢有佢講你有你講

其實樓主話個司機出言恐嚇佢,大可以即場報警話比人恐嚇,驚生命安全受到威脅,件事玩大左咁九龍公司就冇得唔處理
如果樓主真係報左警,段估個司機亦都唔夠膽走,因為你呢部係巴士,有你車牌有你路線,你夠膽走真係幾架警車去廣源等你都似