標準高度 之 常用替車

搭過咁多次9號，得一次唔使倒車

最近係某個中巴 fb 群組先有人提及過有一兩架常用 LV (好似有 LV129) 可以一手走人
(細個搭親 LV 入去都係最繁忙既星期日，隔離重有 309 既車成個總站塞到滿，直接揀倒車算)
上 hkbdb 舊文記錄個度摷應該係真有其事


以旋轉掃圈半徑黎講大家好似差唔多 (跟據以往網上文件見過既數字 33xx 好似係 19 米，雞同埋 10.6 米蠆係 20.4 米，短 Dart 係 20.6 米，鴨係 20.7 米)
如果技術好，16xx 都有人話過一次就轉完


石澳總站最困難應該係地形問題，上 google map 同埋 youtube 搵片睇過
個巴士站彎由巴士站牌開始已經開始收返細，但最右邊分隔開巴士總站同埋馬路個一截行人路島仔仍然未盡 (島仔條邊重有齊晒燈柱、不准駛入牌同埋路牌，無得剷上去)
即係唔可以一開車就扭盡右軑，一黎扭死軑應該會發尾掃到後面，二黎由讓線轉返出去個部分就偷得唔夠位，撞落個三條柱上面


而一路沿著巴士站彎條邊行又容易過晒龍，大約過左站牌少少就要正式轉彎
而似乎係如果部車車頭經過讓線一刻已經接近垂直，應該就有機會過到
而個站地面係側向出邊馬路，馬路左邊線又斜向巴士站，唔知會唔會再增加睇位難度
同埋個站唔算一個靚既梯形，站尾個邊算斜斜地，似乎要夠位出站既話，就要由入站個刻做起，去到停定上落客時要較貼近巴士總站大樓，同出面馬路完全平衡，
而入站個位本身又有條支路同個牌坊，要入站入到非常靚似乎都相當困難...
睇過 LV 同 33xx 爭少少就可以一手走人既片段 (而家網上搵到既都係 33xx 要倒車走人)，兩次架車都係原本唔算停得太靚，
但轉到出站同馬路交界時部車已差唔多垂直，如果睇位再靚 d 同埋部車轉向無毛病/特別好的話應該可以做得到一手走人




如果講起常用車要驗車而突然有大量特見，十年前寶馬山上每年總有幾日 25A/25C/41A 呢 d 15xx 線會全線改用變其他車咁濟
(短豪似乎特別多，其次就短龍，再其次好似係短蘭又或者 B6/9xx，唔知係咪短豪通常最無力同埋短龍轉舂砍角未必夠轉所以俾人揀完揀淨可以拎去其他地方呢..)
可能係 15xx 集體驗車日...



[ 本帖最後由 HW8373 於 2013-11-28 11:03 編輯 ]

睇返陳生的舊書，新巴曾經出DA行9號接載流星雨客…都想知DA轉出石澳總站時會實是否較14XX更吃力?
面對大潭道、石澳道等迂迴曲折的窄路又能否應付裕如?