北環線落馬洲站應該做終點站還是中途站呢?

大家覺得，北環線起既時候，落馬洲站應該做終點站還是中途站呢?

依地圖及網上圖片觀察所得，車站末端仲有位，以KCR西鐵標準當然唔夠轉，
但以MTR標準應該夠位轉，彎度同油塘過海/何文田轉紅磡差唔多，
作少許改建，轉完彎可以沿新田公路到錦上路站，個人覺得咁樣會方便發展/線路安排，亦可以到做真正既環線

不過我估開新路又要再重新過環評，政府同MTR最怕果關，至少行舊路可能避到唔行濕地


P.S. 權限不夠，不能開投票POST

如果踩到深圳河中線應該夠位（港深界線係深圳河中線），
但係，除了濕地問題外，沿深圳河起，線路會比原有方案長，
行政及技術開支加起來所費不菲，政府未必會咁做。

再者，東西鐵列車在2017年後將互不兼容（門位及卡數不同），
如果落馬洲支線直駛過北環線，到錦上路就無得再出九龍，對北區吸引力不大；
相反如果用西鐵規格，就要在上水或粉嶺做轉乘站，牽涉大規模改建，也很難實現。

現時政府似乎係想用西鐵規格，在古洞做轉乘，再深入粉嶺北新發展區。
如果北環線係落馬洲－錦上路－九龍，角色同高鐵重疊，又服務唔到新發展區，都幾難多人搭。

原帖由 DIH 於 2013-12-2 11:01 發表
如果踩到深圳河中線應該夠位（港深界線係深圳河中線），
但係，除了濕地問題外，沿深圳河起，線路會比原有方案長，
行政及技術開支加起來所費不菲，政府未必會咁做。

再者，東西鐵列車在2017年後將互不兼容（門位及卡數不同），
如果落馬洲 ...

依觀察所得，末端之後仲有位，以MTR可接受彎度標準(日製列車於紅磡可轉的彎度作參考)，
無需進入到深圳河空域，只需在鐵網內邊沿上空轉過就可以，或者將現時直線的越軌橋改彎1-2截就可以
由於不走回頭路，單以古洞至錦上路與落馬洲至錦上路比較，線路亦不見得會比原有方案長

至於直駛過北環線，唔會唔到錦上路無得出九龍，因為可以行Y型分支線，在元朗站Y型分流，
以西北居民需求，屯門去落馬洲+粉嶺係有客路的

政府本來就有意將上水/粉嶺站十字或T字型發展，再去新界東北，大規模改建亦係可預計之內
門位及卡數不同方面，東鐵線不到落馬洲站，亦係一個可能

當然濕地環評始終係政府同MTR最大難關

[ 本帖最後由 waterboy1984 於 2013-12-2 11:35 編輯 ]

離題都要講一講，北環線唔應該去錦上路，而係應該要改為去經元朗及朗屏站伸延到去天水圍北以及未來洪水橋新市鎮北部（即係洪水橋北），將來天水圍以及洪水橋這兩個新市鎮加埋有成五十萬人口但只係得兩個重鐵站係並唔足夠應付交通需求。

原帖由 剛男style 於 4-12-2013 10:40 發表

離題都要講一講，北環線唔應該去錦上路，而係應該要改為去經元朗及朗屏站伸延到去天水圍北以及未來洪水橋新市鎮北部（即係洪水橋北），將來天水圍以及洪水橋這兩個新市鎮加埋有成五十萬人口但只係得兩個重鐵站係並唔足夠應付交 ...

新市鎮居民出九龍港島返工做野點都多過去元朗天水圍

有咩理由要佢地兜個大圈

兩個新市鎮之間有咩通勤需求

洪水橋同元天聯繫

古洞同上水連

斷估都唔會走到元朗掛

[ 本帖最後由 busfunfun 於 2013-12-4 11:10 編輯 ]

其中一個麻煩位係要重劃禁區範圍

原帖由 icecone 於 2013-12-4 23:16 發表
其中一個麻煩位係要重劃禁區範圍

想問下重劃禁區有幾難? 反正而家禁區越縮越細，話唔定2047後冇埋禁區添

原帖由 jpoon 於 5-12-2013 17:01 發表

想問下重劃禁區有幾難? 反正而家禁區越縮越細，話唔定2047後冇埋禁區添

應該冇啦
愛情話一萬年

不變

何況而家係50年

不過北環線係咪真係咁有需求

如果淨係一個新界北/古洞

沿綫錦繡花園果D都要發展下先OK