旋律 怎制定量度

攝影，是以自己的方法去把身邊的事物記下。
至於每個喜歡攝影的人如何以自己的方向去把事物留住，就要看攝影者本身了。
持有不同器材，自能拍出不同的相片，而如何把事物演繹得最好，就用不同角度試試看吧。

部份人自有他們的一種演繹方法，另一部份人自有他們另一種的演繹方法。
你無權去強迫別人接受自己的標準，同樣地別人無權強迫你接受他們的標準，去跟他們的方法演繹事物。
以自己的標準強行量度別人，只會使別人獨有的演繹方法慢慢消磨耗盡，從而失去了自己的特色。
隨旋律入腦，言詞不吞吐。

thx 4 reading

講得好好，一張靚相其實好主觀
我地點解又要去評論人地張相好唔好呢?

又攞返某共筆網站妮講下(為免有人不安,不開名)
http://hkbus.wikia.com/wiki/%E5%B7%B4%E5%A3%AB%E6%94%9D%E5%BD%B1

"巴士迷圈子裡，有種對「好相」不成文的標準：
用長鏡影，最好影到車頭和車身輪廓，幾乎成一直線
車頭與車身比例約為1:2.5
車頂上的空間，要比車底下的空間多
巴士幾乎佔滿相片的空間"

點解要咁執著姐
咁執着只會別人獨有的演繹方法慢慢消磨耗盡，從而失去了自己的特色。
好鐘意呢個post

原帖由 KG4055-70X 於 2013-12-2 21:57 發表
部份人自有他們的一種演繹方法，另一部份人自有他們另一種的演繹方法。

其實我自己都有一種個人的演繹方法,所以我唔喜歡將相片上載至某共筆網站,以免俾人話"嚴重爆框，建議(×)刪除。"

雖然一張相靚唔靚係好主觀
但係攝影係一種藝術,點都會有d客觀審美標準
如果你係當有心去令張相靚d,得到人地認同既話,我相信點都會有d要求係每張靚相都應該做到既
最簡單就係一張相究竟可唔可以清楚咁表達到一個主題?
當然如果你只係當攝影係一種玩意,追求隨心所欲;又或者單純想捕捉一個瞬間既話
咁我諗一張相係人地眼中,甚至自己眼中靚唔靚都唔會係你既考慮

即係好似你作文咁
一篇文好唔好,見仁見智
一個人覺得好,唔代表另一個人都覺得好
但係有d文點都登唔上大雅之堂
例如篇文錯字病句夾雜,主旨欠清晰等等

你講得岩,一個人係唔應該以自己的標準強行量度他人
每個人都有佢地的一種演繹方法
但係即使人人有唔同演繹方法
背後始終會有d客觀標準去「篩選」靚相
你做到ed標準,先可以將張相定義為一張靚相
當然到左e個地步,人地都可以覺得你張相唔靚
但係e個時候,就係單純演繹方法唔同,你就可以揀你接唔接受人地既意見
人地亦都無權去迫你跟佢個套
正如作文交比老師,老師會比評語
佢話你用錯修辭,你要更正,係好正常
你要作到一篇好文,就唔可以用錯修辭
但係如果一篇文乜修辭都唔用,而佢話你應該用多d修辭
e個只係佢主觀感覺,鍾意篇文多d修辭
咁你可以唔buy佢

套返落影巴士e樣野,post張相出黎
人地同你講你張相blur左既,連部巴士都突出唔到
咁你覺得你應唔應該改善?
但係如果人地同你講,用長/短鏡影好睇d
咁你當然可以諗下buy唔buy佢la

不過,有自己一套就唔代表一定要從一而終既
有時將自己既風格加以改良下,話唔定可以得出令自己更加滿意既相
咁當然e個就睇自己意願la
影相,淨係影比自己睇既話,自己鍾意就得la,何必介懷人地既評語呢?