hkitalk.net 香港交通資訊網

 找回密碼
 會員申請加入


(B0)香港巴士車務及車廂設備 (B1)香港巴士廣告消息/廣告車行踪 (B2)香港巴士討論 [熱門] [精華] (B3)巴士攝影作品貼圖區 [熱門] [精華] (B3i)即拍即貼 -手機相&翻拍Mon相 (B4)兩岸三地巴士討論 [精華] (B5)外地巴士討論 [精華]

Advertisement


(B6)旅遊巴士及過境巴士 [精華] (B7)巴士特別所見 (B11)巴士精華區 (B22)巴士迷吹水區   (V)私家車,商用車,政府及特種車輛 [精華]
(A6)相片及短片分享/攝影技術 (A10)香港地方討論 [精華] (A11)消費著數及飲食資訊 (A16)建築物機電裝置及設備 (A19)問路專區 (N)其他討論題目  
(F1)交通路線建議 (C2)航空 [精華] (C3)海上交通及船隻 [精華] (D1)公共交通有關商品 [精華]   (Y)hkitalk.net會員福利部 (Z)站務資源中心
(R1)香港鐵路 [精華] (R2)香港電車 [精華] (R3)港外鐵路 [精華]   (O1)omsi討論區 (O2)omsi下載區 (O3)omsi教學及求助區
(M1)小型巴士綜合討論 (M2)小型巴士多媒體分享區 (M3)香港小型巴士字軌表        
 

Advertisement

 

hkitalk.net 香港交通資訊網»論壇 (D) Diecast 模型討論區 公共交通有關商品 (D1) Enviro 500 邁進新世代! 城巴機場快線新形象 (長文, 多 ...
開啟左側

Enviro 500 邁進新世代! 城巴機場快線新形象 (長文, 多圖注意)

[複製鏈接]
VocaloidMikuBus 發表於 2013-12-7 16:16 | 顯示全部樓層 |閱讀模式

                                    Advertisement




(麻帆良市時報記者鹿目まどか報導)
由 Alexander Dennis limited (ADL) 嘅前身 TransBus International
喺 2002 年首度推出嘅 Enviro 500 三軸空調雙層巴士,
可以話係現時 ADL 最引以為榮嘅 Enviro 巴士產品系列之一,
佢地嘅底盤、車身同車廂內部設計經過多番創新同改良,
以迎合香港各巴士公司唔同嘅運作要求同需要,
Enviro 500 喺香港嘅成功更令 ADL 成功地將佢地打入地球嘅另一方--
美加嘅巴士市場, 喺美國嘅大城市例如華盛頓、拉斯維加斯、
三藩市、紐約, 同埋加拿大嘅卑斯省、安大略省等地,
都可以見到 Enviro 500 嘅蹤影, 喺市內嘅公交路線行走,
或者作為開蓬觀光車, 接載遊客遊覽市內各地嘅景點。

踏入 2012 年, Enviro 500 亦轉眼推出左十年時間,
而骨子裏嘅 Trident 3 型底盤自 1996 年面世至今亦已經有十多年歷史,
ADL 亦為呢款巴士作出全面性嘅改款同革新,
除左車頭設計同 ADL 旗下嘅 Enviro 巴士系列睇齊之外,
底盤亦作出大幅度嘅改良, 並且與 Enviro 400 並用更多組件,
令新一代 Enviro 500 嘅重量比舊款輕 700 公斤, 新 Enviro 500 配上全新設計嘅 Mark III 車身,
車窗經過重新編排, 成為八個井井有條嘅車窗排列。新 Enviro 500 易名為 Trident E500 Turbo, 簡稱 E50D,
亦有稱為 E500NG (Enviro 500 New Generation) 或者 E500 MMC (Major Model Change),
新 E500 沿用上一代使用嘅 Cummis ISL 340B Euro 5 標準 Turbo 引擎,
連接配有 TopoDyn 節能程式嘅 ZF Ecolife 6AP1700B 六前速全自動波箱,
亦可選配 Voith D864 四前速全自動波箱, 車軸就放棄一直使用嘅美國 Dana 出品,
改由 ZF 提供, 並且配有全碟剎車, ABS 同 ASR 系統,
油箱亦使用同 Enviro 400 一樣設計, 以梯形設計, 收藏於上下層上落樓梯嘅底部,
以善用車身底盤同車廂嘅寶貴空間。

城巴喺 1998 年新香港國際機場開幕同啟用之際, 開辦多條來往機場至市區嘅巴士路線,
並且命名為 "城巴機場快線 Cityflyer", 使用當時簇新, 配上 Duple Metsec 車身嘅 Dennis Trident 3 行走,
踏入 2012 年, 呢批巴士亦有十四年車齡, 適逢 ADL 推出全新改良嘅 Enviro 500 NG,
城巴亦選取呢款新巴士, 作為替換現時車齡達十五年嘅舊巴士,
同 5 架臨時改裝成半客車規格嘅 ADL Enviro 500 巴士。
新巴士使用客車版規格, 下層並且設有大型行李架, 以便乘客安放大型行李,
由於大型行李架設於下層嘅右方, 原本作為車窗嘅位置亦被密封, 同以往嘅 Dennid Trident 唔同,
全車配有可調校角度嘅豪華座椅, 並且設有車廂頂棚嘅獨立冷氣出風位同閱讀燈,
上層更設有電視, 方便乘客留意下層行李架嘅情況, 減少行李遺失同被竊嘅機會。
首架城巴機場快線 Enviro 500 NG (8000) 喺 2012 年到港前,
喺 11 月先借比英國愛丁堡嘅 Lothian Bus 測試, 隨後喺同年 12 月到港,
而另一架 E500 NG (8001) 就喺今年 1 月參與城巴喺中環天星碼頭舉行嘅新車發佈會,
宣佈改版後嘅 Enviro 500 NG 巴士正式於香港亮相, 英國嘅交通部副部長 Norman Baker 更親臨會場。

新創建集團為城巴機場快線購買共 66 架 Enviro 500 NG 新巴士,
除左首四架 (8000-8003) 為由英國原裝裝嵌車身外, 其餘車輛均由珠海廣通客車負責組裝車身,
並且會喺 2014 第一季前陸續出牌及投入服務, 當中 8009 之後嘅新車更附有尾軸反方向轉向功能,
但係基於操控安全等理由, 呢個設計已經被陸續鎖上。隨住新巴士陸續投入服務,
現時城巴機場快線車隊嚴重車荒嘅情況亦得到舒緩。

今日, 麻帆良市正式歡迎城巴機場快線新 Enviro 500 登場!!
新改版嘅 E500, 因為有太多稱呼同名字, 所以市長 Super Bus 話,
都係叫佢做 E500 NG, 同上一代嘅 E500 作出一個分野,
今次呢兩架 E500 NG 新車, 城巴 8001 同 8002,
正係城巴 Cityflyer 頭四架投入服務嘅新 E500 NG 之一,
本身鍾意 E500 巴士嘅佢, 新 E500 嘅全新設計更加令市長趨之若鶩,
難怪今日新車一到埗, Super Bus 就已經急不及待仆倒去一睹新車嘅風采啦!
至於舊款 E500 同新 E500 NG 兩者只可以選其一, Super Bus 又會鍾意邊款多D呢?
Super Bus 話佢自己都好難揀, "真係魚與熊掌之抉擇, 雖然我已經有十幾架 E500 咁多,
亦覺得入左咁多架已經覺得厭, 但係話自己唔鍾意 E500 就真係假嘅,
依家 E500 改款, 呢架 E500 NG 又型得咁交關, 真係好難要我兩者只揀其一啵!"
睇下連 Super Bus 都被新 E500 NG 所吸引,
難怪新車一出場, 就有咁多粉絲追捧啦~

隆重歡迎! 城巴機場快線新 Enviro 500 NG, 8001 同 8002, 見參!!





雖然係兩架唔同嘅車, 但係外盒編號竟然一模一樣,
不過呢D野對我嚟講都冇乜 Big deal, 最緊要架車正,
事實亦真係好正!!










8001 A11 往機場, 證書編號 0231, 限量 1100 架




8002 A21 往紅磡站, 證書編號 0484, 限量 1200 架


正式落地!! 無垢初音也來到場迎接~




8001 A11 往機場














8002 A21 往紅磡站
















ADL 官方照 (誤)


當城巴 E400 遇上城巴新 E500




來一個對比先~








當城巴舊 E500 與城巴新 E500 相會




城巴 Cityflyer 車隊




新舊交替, 都普 Trident 離退役嘅日子亦不遠矣





小劇場 XDDD

初音一向最憎 E500, 而且曾經警告過如果 Super Bus 再入 E500 就會見一架拆一架,
另一方面, 初音最近研製出一台全功能、全天候嘅汽車防盜系統,
而且聲稱可以一機監察全廠車輛嘅一舉一動, 是但一架有異常情況都會有即時反應通知,
有助打擊最近猖獗非常嘅巴士迷偷渣巴士週街亂舞嘅事件云云,
今日呢兩架新到嘅城巴 Cityflyer E500NG 到埗, 自然亦成為左初音嘅 "白老鼠"...

(初音) 我 XYZ123456789 Super Bus 呢個人渣, 佢仲入 E500?!!
佢梗係想比我拆骨定啦, 我話之佢係乜野舊 E500 定新 E500NG, 總之都係 E500,
上次佢入果架老夫子 E500 竟然呃我話係乜野 Benz O530 DDT 想瞞天過海, 原來果然都係 E500!!
好, 反正我都想試下我最新研製嘅呢個汽車防盜系統,
就等我同呢兩架車裝野先至再揾條人渣算賬!!


言訖, 初音就開始動手啦......


裝上......


嗶......嗶嗶嗶......嘟嘟......啲啲!!!
嗶......嗶嗶......嘟嘟嘟......啲啲!!! Set up 完成!


十分鐘後, 神秘偷車賊鏡音リン出現, 呢個對黃色有特別喜好嘅偷車賊,
先前已經偷走過一架城巴 E400 同 Leyland Olympian 10.4m 巴士,
似乎佢對城巴D車亦有特別嘅喜愛, 今日嚟左呢兩架城巴 Cityflyer E500NG,
鏡音亦即刻睇中左...

(鏡音リン) 咦, 今日嚟左兩架新車啵, 仲要係城巴新版 E500 豪華巴士添,
真係正到痺啦~~~!!


言訖, 鏡音リン左望右望, 睇下四周圍有冇人先......


よし、立架撐, 一於笠左架一仔 8001......


偷車成功!! 鏡音リン揸走架 8001 慢慢離開車廠......
(鏡音リン) Yeah~~~架 8001 依家係屬於我嘅啦~~~~~~ XDD




呢個時候, 初音正玩緊 3DS......


嗶嗶嗶嗶嗶嗶嗶嗶嗶嗶嗶嗶......!!!!!!!
(初音)!!?




嗶~!


嗶~!






[size=150]BREAKING NEWS!!

現在係一節特別新聞報導--
麻帆良市 101 號高速公路都築段啱啱喺大約十分鐘之前發生汽車爆炸事故,
一架雙層巴士喺駛到該路段近麻帆良學園中等部女子宿舍附近時突然發生猛烈爆炸,
據現場消息指出, 當時巴士行駛途中車尾首先突然發生爆炸,
爆炸嘅威力非常巨大, 連附近嘅建築物亦感受到震動,
爆炸所引發嘅氣流亦波及附近行駛中嘅車輛,
有幾架同出事巴士同線同同方向行走嘅小巴同私家車亦被炸至翻側,
由於事出突然, 現場場面非常混亂,
大批警察, 消防及救護人員目前已經趕赴出事現場展開救援工作,
暫時未知現場嘅傷亡情況, 亦未知出事巴士爆炸嘅原因,
有現場消息話, 警方由爆炸嘅痕跡估計巴士爆炸時嘅威力,
唔排除有恐佈襲擊嘅成份,
我地嘅記者桂言葉依家就喺現場為大家了解最新嘅情況...


(初音) Yeah!! 我新研發嘅汽車防盜系統果然係有料到, 大成功~~


後記:

本身買巴模只係純粹自己收藏, 睇到依家嘅巴模市場完全變質,
由以前本來可以輕鬆買到心頭好, 變成依家一出新車就要同人鬥搶,
淨係以呢兩架新模型嚟講, 本來店方已經有所安排,
希望大家真係可以人人有得玩, 但係換來嘅結果反而事與願違,
一D亳無自律性嘅巴迷攪串 Party, 再睇下網上嘅拍賣,
一架原本四百蚊嘅巴士模型即日出就即日比人放上去必到天價!!
原本希望可以開開心心買一架自己鍾意嘅模型,
就係因為呢D投機嘅炒賣所為令到好多真正玩巴模嘅人冇機會入到心頭好,
巴模界嘅變質, 已經惡劣到要用變態嚟形容,
一日唔歇止呢D炒賣所為, 所有想買巴模嘅人只會更難入到心頭好...

同埋為一架新車出咁長篇大論, 有時我都會諗, 到底咁做有冇必要? 值唔值得?
同埋真係會有幾多人會睇哂成個 Post 呢? 自問自己唔係好文釆,
又唔係好似陳自瑜咁對巴士認識有咁高深嘅人,
甚至會比覺得自己好似挑書包, 既然只係純模型分享, 不如齋 Post 相咪算囉,
何必攪咁多野呢? 但係總係覺得, 大家都係咁貼相有乜意思?
既然玩得巴模, 就總會希望對佢嘅真車, 果款車或者果架車背後嘅來龍去脈,
唔一定係佢D機械資料, 正如每個人一樣, 佢地背後都會有一個自己嘅故事,
玩巴模之餘亦同時可以去了解果部模型真車背後嘅故事,
個人覺得總比只顧模型嘅升值能力, 炒得高唔高價來得更有意義,
至於尾 Part 嘅小劇場, 只係純粹玩笑過下癮, 或者有D人會唔鍾意, 甚至覺得戇居,
不過亦希望籍此為自己同各位看官輕鬆一下, 雖然今次架 8001 就似乎慘D,
當然就真係唔會咁夠薑揾自己鍾意嘅模型嚟較非啦
(大佬, 尤其是好似今次呢兩架城巴 Cityflyer, 買唔番o架...!! >< )

長文一大堆, 多謝各位看官可以用心睇到嚟呢個段落
(假如閣下真係睇到嚟呢度嘅話)

Thanks for reading~

[ 本帖最後由 VocaloidMikuBus 於 2013-12-8 22:33 編輯 ]

評分

參與人數 2aPower +2 HugeC +2 收起 理由
CardCaptor + 1 + 1 每次都看到尾~~
HJ2127s + 1 + 1 支持~!!

查看全部評分

anthony152 發表於 2014-1-5 09:50 | 顯示全部樓層
故事我就略過左
但最下面寫既值得令人反思
而家巴模界變哂
唔講flyer啦 復古果啲都己經比人炒高黎賣啦
炒高黎賣果啲人根本係利用巴模賺錢
復古我只係成功咁walkin左其中三部
其餘要用炒價既我都唔會幫襯

而flyer 遺憾我只係入到8001
相信好多人都只係入到其中一部
反之  有人竟然仲可以搵人陪買多set
4部  2部炒2部收藏
我認為 唔係炒既買十部都冇問題
用黎炒既買一部跟住炒左去都嫌多
ME 發表於 2014-1-5 20:06 | 顯示全部樓層
樓主的一番話真係反映左唔少收藏者的心聲
依家嘅巴模市場好似變左質咁, 反而喺英國真係未聽過有類似情况出現
或者炒賣淘利呢家野係中國人的習性
BN1E18LE11WA5PE16SG8
wrightap 發表於 2014-1-6 03:15 | 顯示全部樓層

                                    Advertisement



小弟呢d外國人更加唔洗諗住買到...
我本人絕少買巴模,但呢部真係一睇就唔洗諗 - 買硬!
但大家都知咩事..
我係好想買,但絕不幫襯炒家
(下刪粗口幾十字...)
stagecoach。megabus。citylink
GR614 發表於 2014-1-6 08:25 | 顯示全部樓層
原帖由 wrightap 於 2014-1-6 03:15 發表
小弟呢d外國人更加唔洗諗住買到...
我本人絕少買巴模,但呢部真係一睇就唔洗諗 - 買硬!
但大家都知咩事..
我係好想買,但絕不幫襯炒家
(下刪粗口幾十字...) ...
network shuttle網上面有賣過。
セブンアイランド大漁
 樓主| VocaloidMikuBus 發表於 2014-1-6 13:46 | 顯示全部樓層
原帖由 GR614 於 2014-1-6 08:25 發表
network shuttle網上面有賣過。


都好快比人賣哂, 而且數量得好少...

我都係住美國, 入到呢兩架車我都自認算好彩,
見到九巴果堆八十週年, 雖然我冇興趣入,
但係見到某店 eshop 唔洗三兩日就已經 Sold out,
以前慢慢入都未洗怕話買唔到,
我買咁多巴模都未見過咁搶手嘅情況...
HJ2127s 發表於 2014-1-6 18:10 | 顯示全部樓層

                                    Advertisement



小弟係樓主小劇場既長期捧場客,睇完小劇場之後都獲益良多~ (P.S. 小弟係一名動漫宅)
小弟都同意巴模已經變成炒家既搖錢樹,而且呢股歪風不知曾幾何時出現,搞到小弟有好幾款心水車都無機會買到
再者,限量發行既數量已經叫做可以正常供應市場需求,但無奈因為炒家而搞到無得買,確實令人感到失望.
OT一說,小弟都有思考過另外一個問題:假若(大批)強國人都識貨,連巴模都食埋黎炒/收藏的話,咁我地就真係渣都無得淨!!
巴士迷A號 發表於 2014-2-4 22:15 | 顯示全部樓層
我好想要曬Cityflyer全系列
 樓主| VocaloidMikuBus 發表於 2014-2-5 14:51 | 顯示全部樓層
原帖由 巴士迷A號 於 2014-2-4 22:15 發表
我好想要曬Cityflyer全系列


Cityflyer 色我都唔係架架都入齊,
最後悔冇入 Corgi 果架 ALX500 車身 Cityflyer,
依家想入番都揾唔到, 80_ 出嘅又覺得佢唔知點咁...
KJ1502 發表於 2014-2-6 17:49 | 顯示全部樓層

                                    Advertisement



樓主其中一部好似錯盒
柴廠瞭望台
您需要登錄後才可以回帖 登錄 | 會員申請加入

本版積分規則

Advertisement

Advertisement

Advertisement

Advertisement

Advertisement

站規|清理本站Cookies|hkitalk.net 香港交通資訊網

GMT+8, 2024-4-27 06:42

Powered by Discuz! X3.4

Copyright © 2001-2020, Tencent Cloud.

快速回復 返回頂部 返回列表