真係即時的即時圖片－－將隧交通意外

岩岩響屋企Zoom出去架的士好明顯炒左落架小巴度，
但架巴士睇落無咩損傷，唔知點解停響度，剛剛見有乘客就落著雨自己行番車路落橋
已Zoom到盡，睇唔到車牌同路線，請版友補充～

巴士應該係690... 頭先睇將隧公路快拍見冇乜車, 以為係觀塘果頭出意外.

觀塘呢邊不停有警車和救護車的響號聲, 未知同呢一單事故有冇關連,
請問係咪好多人受傷, 撞得好嚴重?

[ 本帖最後由 EX-TL 於 2013-12-14 22:36 編輯 ]

今日見到 HD9113 行 690 , 而且左邊車身廣告好似都係圖中既廣告

岩岩睇清楚係真係690，
現場無咩動靜，有最小三四部警車救護車，有部拖車。全景：


乘客就落著雨自己行番車路落橋:

唔怪得觀塘道勁塞車啦..龍尾響我屋企樓下再長D，
恐怕去到九龍灣啦﹗

原帖由 GR1473 於 2013-12-14 22:51 發表
我頭先收工大約六半架車入緊東隧，莫非佢喺呢轉就出事？

應該係九點左右先出事, 事後有三部城巴690進入將軍澳, 7500現時仍在翠屏南邨.

原帖由 DM3822 於 2013-12-14 22:56 發表
唔怪得觀塘道勁塞車啦..龍尾響我屋企樓下再長D，
恐怕去到九龍灣啦﹗

22:33商台報龍尾在九龍灣站, 現在恐怕已經去到坪石邨.

23:22睇運輸署快拍, 觀塘道九龍灣站之後竟然冇再延伸,
反而見到秀茂坪道近聯合醫院擠塞, 協和街上山及順利邨道南行亦受影響.

[ 本帖最後由 EX-TL 於 2013-12-14 23:27 編輯 ]

而家現場架小巴同的士都拖走左，應該有一條線行得，但還未解封，
另外睇真啲，原來除690部3AV外，樹後面見到好似仲有另一架3AV涉及，行296_。

第一張相見到部的士冇左個尾

從運輸署快拍見到將隧公路已經通車, 但另一邊廂清水灣道西貢方向龍尾接近牛池灣街市,
觀塘山上由四順到油塘就咁樣頂死晒.