28/12 起 , 110 , 118永久改道

原帖由 kay 於 2013-12-26 00:50 發表
等我又計下數先，睇返rdp 118每日應該約有25500個乘客
減晒北角客(3237+1664)，得返20599個客
減埋南行受惠乘客(8400)，有12199個客

咁我假設呢12199個客全部都係搭118過九龍
又假設埋有班人因為嫌南行慢，而轉搭其他交通工 ...

我個人本身就唔係完全相信呢D數據,但我都好想計一計睇下究竟今次係咪真係咁蝕
就好似你咁講,我當個3799人真係回歸,而個3237+1664真係轉投其他公交
咁即係(3799-3237)$9.3 - 1664 x $5.7 = -$4258.2

即係話當所有北角客走哂,兩間公司總共都只係搵少左$四千二,平均每間只係搵少兩千一
咁究竟呢四千二蚊等於咩呢?
等於458個北角過海客 / 968個東區區內客
似乎同你所講既28%都真係有好大既距離WO

一部車私牌,人工隧道費連油錢最少都兩舊,
如果每間公司每日少十部車私牌,條數已經打和
即使唔能夠,用四千蚊買返個班次穩定都值回票價啦
再者係咪真係搵少四千二,最起碼東區區內客完全失哂既可能性已經好低
即使冇哂過海客,我返一半區內客,但連埋少左既私牌費,除笨有精

原帖由 AV385 於 2013-12-28 10:56 發表

一部車私牌,人工隧道費連油錢最少都兩舊,
如果每間公司每日少十部車私牌,條數已經打和
即使唔能夠,用四千蚊買返個班次穩定都值回票價啦
再者係咪真係搵少四千二,最起碼東區區內客完全失哂既可能性已經好低
即使冇哂過海客,我返一半區內客,但連埋少左既私牌費,除笨有精

好明顯，今次九巴係因為呢個原因（減少私牌）先肯改線

而城巴當時既agenda係想每日做多轉兼且食埋九巴黃金時間，九巴當然唔制，
最後傾左一大輪，結果係連時段都無改，亦因此118無減車、102無加車

原帖由 053h4 於 2013-12-28 11:09 發表
真係講到唔想講，客流唔平均所以私牌，有D路計quota,無需要開咁多車所以私
有D人話而家118趕客到坐地鐵wor
咁102更受影響，102失一兩千都唔奇

根本講到尾，巴士公司係計生產力，裝少左客係咪開咁多車，咪睇幾個月lor ...

你見都未見過九巴同新城的時段表同開車時間表，梗係講乜都得…

我又問你，118九巴每時段深水步頭班車去到藍灣半島
已經做唔到藍灣九巴時段頭車，咁佢地有幾個選擇，
一係俾頭班車日日脫班食生菜，交場時間有十幾廿分無車開，搞到中途客上唔到俾人投訴；
一係就夾硬要司機無得抖，直接做下一單返九龍，違反工時指引；
一係就由九龍運架吉車過去，擺定藍灣半島，等交場俾九巴的時候可以準時開九巴時段頭車，咁你係九巴會揀邊樣？

尾車去到藍灣半島已經變左城巴時段，有客都唔可以做生意，
咁九巴有兩個選擇，一係就cut晒深水步九巴時段尾車，等交場時間十幾分鐘無車開，送客俾城巴；
一係就每個時段尾車去到藍灣半島再吉車運走，你係九巴又會點揀？

如果真係純粹兩邊客量唔平均要私牌，咁我又問你，
點解118下繁明明係港島方向多人，九巴又要果個時段運吉車過藍灣半島？

其他線一樣有咁既情況，例如明明112下晝之前北角過九龍都唔多客，
點解每轉（包括朝早）九巴又要運至少兩架吉車過北角載客返蘇屋？
116一樣係下晝前返九龍客量遠少過出港島，點解九巴鰂魚涌開中午十二點幾果轉
又要其中一班車由慈雲山吉車運過去做？
夜晚銅鑼灣返九龍多客多到傻，多過出港島好多，點解九巴慈雲山開四點幾同六點幾果轉
尾車去到鰂魚涌又唔可以載客走，明明有大把生意都唔做得，要吉車運返九龍？
呢D係客量問題咩？

又，拎兩條少客蝕錢過海線出來講，點解914下晝開始，天后頭車都係要由九龍吉車過過去做？
雖則下繁之前港島返九龍都唔係多客，但都好過九龍過港島好多，點解下晝開始每轉海麗尾車去到天后要吉車運走？
黃昏六點幾算係多客時段，點解海麗開1635架914-04車，去到天后六點幾，
要私牌運返九龍做多單過返港島，而唔可以天后做生意返西九？

113又係客量麻麻地，咁點解堅尼地城九巴第二轉開始，每轉頭車都要由彩虹吉車運過去做？
當中包括1042 1327班次，呢兩班車既開車時間都唔慌有客，點解又要運架車過去堅尼地城做生意咁浪費？
夜晚九龍返港島又唔係真係無客，點解彩虹開1840 1853兩班車去到堅尼地城要吉車運走？
如果單純係客量問題，可以解釋到上面的例子嗎？

原帖由 053h4 於 2013-12-28 12:11 發表

今日頭班九巴過到海，點安排先？

車同司機擺到夠鐘做番過海？
九巴九龍頭段差唔多兩個鐘，點安排？

我未見過改線後的九巴時間表，但我估多數係咁，咪當係俾司機抖下囉…

順帶一提，改線前後頭幾班城巴去到深水步都仲係九巴時段，
於是咪私去荃灣做930/930A過港島…

原帖由 053h4 於 2013-12-27 21:14 發表

你下繁有無試過旺角去中環再轉780先？你坐東涌線正常過正常
旺角落中環轉780/788你有無試過？
118下繁旺角去柴灣都唔洗一個鐘
而家地鐵旺角過中環，入站到出站好似我跑著咁去都要廿幾分鐘，下繁到入境大樓都要慢車，車程到柴 ...

由旺角搭地鐵去金鐘，連出入站時間，基本上可以在15分鐘內完成。我之前為了轉9或14號車入大潭或石澳，在上午繁忙時間搭了幾次780，真是快得有如私家車！當時我是搭地鐵荃灣線，去到政府總部（金鐘）轉（中環才轉的儍的嗎？），一旦成功登上780，全程高速直達筲箕灣東長命斜！！！繁忙時間車程只需12分鐘！我相信繁忙時間從旺角如果搭改線後的118的話，塞入紅隧都未必比地鐵轉780快，更何況780行定點班次15分鐘一班，完全可以遇時間去搭。當年我由西鐵沿線去大潭，我會轉荃灣線，政總轉720A（直達嘉亨灣）或780（直達柴斜），再轉14。回程直搭118轉西鐵。但現在118改了道，我應該不會再搭720A或780了。

只要巴士站位表中見到有「香港演藝學院」、「入境事務大樓」、「灣仔碼頭」等幾個車站，我就會聯想到其在告士打道高速行駛，直上東區走廊，全程高速直達東區！尤其是於上午繁忙時間過後從尖沙咀出發，乘搭天星小輪過灣仔，一行出碼頭就可以飛車回東區了！真的非常好，巴士及渡輪公司應該繼續推廣（http://hkbus.wikia.com/wiki/%E7%B6%AD%E6%B8%AF%E7%B7%9A）。

岩岩聽到，新巴因為10XX既110電牌仍未更新，所以暫時由聽日起優先派50XX同55XX予110使用

資料來源：
坐起110巴士上面既新巴職員打電話番公司報告既內容