28/12 起 , 110 , 118永久改道

原帖由 053h4 於 2014-1-3 09:56 發表
叫乘客等兩年, 等班你慢慢重組執番靚佢
定而家就要按需分配番D車?

起碼早繁同過左晚繁, 102都需求明顯大過118, 我都唔明點解都重可以唔做野

咁而家102係咪應付不來嗎? 如果應付得來,為什麼要將118分番D車俾102,而唔索性CUT左118既車消失於路面上呢?

原帖由 053h4 於 2014-1-3 10:32 發表


應付得來, 假設原本10000客, 流失一千客去小巴地鐵, 9000人啱啱好
尋晚唔係人班人追著上小巴, 我都坐小巴過海費事等

有說118P下繁都坐唔滿, 好心就減班啦 ...

過埋農曆年假才是見真章的時候,觀察一下吧.

上年九巴40改路,都跌左好多客,一時間唔見晒D客,而家都返返晒來,仲要做突.

原帖由 053h4 於 2014-1-3 11:36 發表


而家未到農曆新年, 102就已經不斷失客比小巴地鐵
尋日已經聽到有人話, 以後都係佐敦坐地鐵算, 費時行去勞資審裁署個站等車

已經未番齊工上繁都搞唔掂, 等九巴D無定向110特車, 死得啦

40跌過客咩, 本來觀荃就係得 ...

觀荃客會回流架..

原帖由 053h4 於 2014-1-3 11:36 發表


而家未到農曆新年, 102就已經不斷失客比小巴地鐵
尋日已經聽到有人話, 以後都係佐敦坐地鐵算, 費時行去勞資審裁署個站等車

已經未番齊工上繁都搞唔掂, 等九巴D無定向110特車, 死得啦

40跌過客咩, 本來觀荃就係得 ...

佐敦一向都係搭鐵算架啦,仲同你係POLYU畜生屋出面排隊過海咩.
40改路後,客量曾經係跌左好多,但現時40客量已超越未改路時.

原帖由 053h4 於 2014-1-3 11:54 發表

40大改, 客量跌係好正常, 因為根本就放棄左一半要轉車的分段的客, 流失去其他路線
而家118改道, 放棄左咩客, 換來咩客啊

以102大量失血, 換取118小量增長? 特別係上繁同過左下繁彌敦道本來唔塞車, 北角計車程叫快 ...

請細閱一下RDP既數據
的確而家雙向既客量有差距
柴灣特快出九龍係多客過搭118九龍入柴灣既
有客回流好正常
而且人數都唔係少
不過就算係都補唔返倒落102/106/110既客

況且而家都未見真章既
102暫見都係下繁都係八期上車要企
係110暫時開特班頂住既情況下都仲散到下客

原帖由 FBI2 於 2014-1-3 09:18 發表
在附近沒有新大型鐵路落成,或新的道路配套下,貿貿然大幅重組過海線是一個極不智的做法.
因此,東區過海線只能小修小補,唔適合將一大堆班次密而且賺緊錢既線改到一塌糊塗,到時得不償失仲大鑊.

110,118唔同,一來唔算係大幅重組,二來真係幫到110客量,北行客量的確有明顯增長,而且用少左車.

再觀察一下條102係咪真係頂唔順先再研究啦!

基本上,東區過海線,除了110可以轉回雙向穩定班次,以及106拆線以外,都沒有什麼可以再重組,也沒誘因令巴士公司再重組..

你又知道巴士公司真係好似你咁諗？睇下倒左成堆彌敦道北角客落地鐵之後，佢地係咪都覺得無事囉…

即係咁，今次個case根本同40提速唔同，40班流水客係蝕住做
但彌敦道北角客唔係，佢地同柴灣客一樣都係俾$9.3。
就算你話到時118搶返的柴灣客多過無左的北角客又點？
事實係本來可以重組得徹底少少，搶返班柴灣客的同時又留住呢班北角客，但巴士公司無咁做。

當然，今次重組完，九巴118私對站過鐘情況減少，九巴就應該有少少著數既，但城巴呢？我唔肯定囉。

同埋東區唔係無「新的道路配套」，成大條東區走廊晌度唔好好利用，
仲有維園道落北角又由有變無。
如果有巴士線好好善用公路網的話，彌敦道返炮台山至筲箕灣都可以做到快過地鐵。

尤其是夜晚，放工行完街攰，如果有架合理速度的巴士返屋企，有位坐的話，好多人都未必鍾意迫地鐵，
但係如果架巴士慢，又上唔到車，D人咪又係走返落去地底…

同埋點解過海線一定要班次密？拆線後快線5-8分一班變10分一班，慢線拉疏一兩分，係咪真係趕客走？
呢堆過海線同埋新城港島特快線有共通點，都係要同地鐵競爭，環境其實差唔多。
如果真係單靠班次密就賺到錢的話，新城點解過去十年不斷推成堆巴士線上公路？
點解唔係唔開2X 8 8P 8X 18X 720 780 788，將堆客迫晒落2仔、2A、8、82，開1分鐘1班，就算鬼數？
果堆流水線以前一路都係賺緊錢架。

有時你都唔見得真係完全明白巴士公司點諗，淨係識盲目defend人地。
我唔想翻舊帳，但係舊年仲傾緊取消692果陣，你竟然仲講得出690兜尚德換取692取消，合乎巴士公司心意，
點知原來九巴城巴根本唔係咁諗，佢地run過data認為唔可行，之後你咪又靜雞雞轉汰…

係咪同意一樣野、支持一樣野，係應該based on facts，而唔係基於某D人係咪支持或者反對，
唔係人地肯做你就支持，人地唔做/唔肯做你就反對，更加唔係選擇性地無視與自己觀點相反的理據。

如果過多一輪，兩巴又突然間話要東區紅隧線大重組，唔知你到時又會支持定反對？
之前又係你話既，110北角上東廊有優勢，唔使塞銅鑼灣，塞車就幾密都無用。
咁而家到底隧巴開密車但係慢慢碌有用定無用？
如果真係密車就吸到客既話，點解118又有需要提速？

[ 本帖最後由 S3BL100 於 2014-1-3 12:38 編輯 ]